ശോഭിതയ്ക്കും നാ​ഗ ചൈതന്യയ്ക്കും ഇത് സ്പെഷ്യൽ ദീപാവലിയാണ്, വാക്കുകളിൽ പ്രണയം നിറച്ച ചൈതന്യ

Authored by: അശ്വിനി പി|Samayam Malayalam•21 Oct 2025, 3:45 pm

കഴി‍ഞ്ഞ ദിവസം നടന്ന ദീപാവലി ആഘോഷത്തിന്റെ ചിത്രങ്ങൾ ഓരോന്നായി പങ്കുവയ്ക്കുകയാണ് ആരാധകർ. ഏറ്റവും മനോഹരമായ ഒരു ദീപാവലി ആഘോഷമാണ് കഴിഞ്ഞത് എന്ന് ബോധ്യപ്പെടുത്തും വിധമാണ് ശോഭിത പങ്കുവച്ച ചിത്രങ്ങൾ. നാഗ ചൈതന്യയ്ക്കൊപ്പം ഈ വർഷത്തെ ദീപാവലി ആഘോഷം തീർത്തും സ്പെഷ്യലാണ്. കല്യാണം കഴിഞ്ഞതിന് ശേഷമുള്ള ആദ്യത്തെ (തല) ദീപാവലി.

ആചാരങ്ങളിലും ചടങ്ങുകളിലും എല്ലാം ഒരുപാട് വിശ്വസിക്കുന്ന ആളാണ് ശോഭിത, അതുകൊണ്ട് തന്നെ ദീപാവലിയുടെ ചടങ്ങുകൾക്കൊന്നും ഒരു കുറവും വരുത്തിയിരുന്നില്ല എന്ന് ചിത്രങ്ങളിൽ വ്യക്തം. കോലം വരച്ച്, ദീപാവലി വിളക്കുകൾ തെളിയിച്ച് വീട്ടിൽ തന്നെയായിരുന്നു ആഘോഷം. പ്രണയവും വെളിച്ചവുമായിരുന്നു ദിവസത്തിന്റെ പ്രത്യേകത എന്നും കാണാം.

Also Read: തല ദീപാവലി ഒറ്റയ്ക്ക് ആഘോഷിച്ച് കീർത്തിയും ഭർത്താവും; ഇത് അപ്രതീക്ഷിതമായ സാഹസിക യാത്രയെന്ന് നടി!

വിവാഹ സമയത്ത് സോഷ്യൽ മീഡിയയിൽ ഏറെ ക്രൂശിക്കപ്പെട്ട ദമ്പതികളായിരുന്നു നാഗ ചൈതന്യയും ശോഭിത ധൂലിപാലയും. സമാന്തയെ ഉപേക്ഷിച്ച് ശോഭിതയെ വിവാഹം ചെയ്തതിന്റെ പേരിലായിരുന്നു സൈബർ അറ്റാക്ക്. പല സാഹചര്യങ്ങളിലും സമാന്തയെയും ശോഭിതയെയും താരതമ്യപ്പെടുത്തുന്ന വിധം കമന്റുകളും വീഡിയോകളും കണ്ടു.

എന്നാൽ തന്റെ ഭാര്യ ശോഭിത ഇതൊന്നും അർഹിക്കുന്നില്ല എന്ന് നാഗ ചൈതന്യ വ്യക്തമാക്കി. ഓരോ അഭിമുഖങ്ങളിലും ശോഭിതയോടുള്ള പ്രണയത്തെ കുറിച്ച് വാചാലനാവുന്നതും കാണാമായിരുന്നു. അടുത്തിടെ നൽകിയ അഭിമുഖത്തിൽ, ജീവിതത്തിൽ ഇനി തനിക്ക് ശോഭിത ഇല്ലാതെ പറ്റില്ല എന്നും നാഗ ചൈതന്യ പറഞ്ഞിട്ടുണ്ട്.


തണ്ടൽ എന്ന ചിത്രത്തിലെ ഒരു പാട്ട്, ബുജ്ജി തള്ളി എന്ന വരികളിലാണ് തുടങ്ങുന്നത്. സായി പല്ലവിയെ വിളിക്കുന്നതാണ് ബുജി തള്ളി എന്നത്. പക്ഷേ അത് തന്റെ ഭാര്യയെ ഏറെ അസ്വസ്തയാക്കി എന്ന് ചൈതന്യ പറഞ്ഞിരുന്നു. താൻ സ്നേഹത്തോടെ അവളെ വിളിക്കുന്നതാണ് ബുജ്ജി തള്ളി എന്നത്, അത് ഞാൻ സിനിമയിൽ മറ്റൊരാളെ വിളിക്കുന്നത് ശോഭിതയ്ക്ക് വലിയ പ്രയാസമുണ്ടാക്കി. ഞാൻ പറഞ്ഞിട്ടാണ് സംവിധായകൻ അങ്ങനെ എഴുതിയത് എന്ന് പറ‍ഞ്ഞ് രണ്ട് മൂന്ന് ദിവസം മിണ്ടിയില്ലത്രെ. ഞാൻ പറഞ്ഞിട്ടല്ല ആ വരി എഴുതിയത് എന്ന് നാഗ ചൈതന്യ വ്യക്തമാക്കുന്നുണ്ട്.