സത്യം മാത്രം പറയുന്നവൾ, വാശിക്കാരി, ഒരുകാലത്ത് ഓസിയുടെ വാൽ; ഇഷാനിയെ കുറിച്ച് കൃഷ്ണകുമാർ

Authored by: അശ്വിനി പി|Samayam Malayalam•3 Nov 2025, 12:09 pm

കൃഷ്ണ കുമാറിന്റെ നാല് മക്കളും ഓരോരുത്തരും വ്യത്യസ്തരാണ്. അതിൽ ഇഷാനിയെ കുറിച്ചുള്ള കൃഷ്ണകുമാറിന്റെ പോസ്റ്റാണ് ഇപ്പോൾ സോഷ്യൽ മീഡിയ ശ്രദ്ധ നേടുന്നത്. കഴിഞ്ഞ ദിവസം ഇഷാനിയുടെ ജന്മദിനമായിരുന്നു. മനോഹരമായ ഇഷാനിയുടെ ഫോട്ടോകൾ പങ്കുവച്ചുകൊണ്ട് ഓരോരുത്തരും ആശംസകൾ അറിയിച്ചു. അല്പം വൈകിയാണ് കൃഷ്ണ കുമാറിന്റെ പോസ്റ്റ് വന്നത്. മറ്റു മക്കളിൽ നിന്ന് ഇഷാനി എങ്ങനെ വേറിട്ടു നിൽക്കുന്നു എന്ന് പറഞ്ഞുകൊണ്ടാണ് കുട്ടിക്കാലത്തെ ഫോട്ടോ

സത്യം മാത്രം പറയുന്നവൾ, വാശിക്കാരി, വിശ്വസ്ഥ. ഒരു കാലത്തു ഓസിയുടെ വാലായിരുന്നു. പിന്നീട് ഓസി അവളുടെ വാലായി മാറി. വർഷങ്ങങ്ങൾ പെട്ടെന്ന് കടന്നു പോയി. കുഞ്ഞായിരുന്നപ്പോൾ അവളെ ഞങ്ങൾ വട്ടിളക്കുമായിരുന്നു. പെട്ടെന്ന് മൂടുമാറും. ബഹളമുണ്ടാക്കും. അതിനും ഒരു സൗന്ദര്യമുണ്ടായിരുന്നു. ആ സുന്ദരിയായ വാശിക്കാരി ഇഷാനിക്ക് ഇന്നലെ 25 വയസ്സ്. ഓർക്കാൻ സുഖമുള്ള 25 വർഷങ്ങൾ ഞങ്ങൾക്ക് സമ്മാനിച്ച ഇഷാനിക്ക് നന്ദി. ലവ് യു ഇഷാനി- എന്നാണ് കൃഷ്ണ കുമാർ .

Also Read: പ്രശ്നങ്ങൾ ഒന്നൊന്നായി വന്നപ്പോഴും തളരാതെ നിന്ന ആ നിൽപ്! കിടു ലുക്കിൽ നിവിൻ പോളി, വരാനിരിക്കുന്നത് 7 സിനിമകൾ

ഒരുകാര്യത്തിൽ തീരുമാനം എടുത്താൽ അതിൽ നിന്ന് പിന്നോട്ട് പോകാത്ത ആൾ കൂടെയാണ് ഇഷാനി എന്നാണ് ആരാധകർ പറയുന്നത്. അണ്ടർവെയിറ്റ് ആയിരുന്ന ഇഷാനി, വളരെ അധികം കഷ്ടപ്പെട്ട് പരിശ്രമിച്ചിട്ടാണ് തന്റെ വെയിറ്റ് കൂട്ടിയെടുത്തത്. അച്ഛന്റെയും മൂത്ത ചേച്ചിയുടെയും പാത പിൻതുടർന്ന് ഇഷാനി കൃഷ്ണയും അഭിനയ ലോകത്തേക്ക് തന്നെയാണ് വന്നത്. മമ്മൂട്ടിയുടെ വൺ എന്ന ചിത്രത്തിൽ ചെറിയൊരു റോൾ ചെയ്തുകൊണ്ടായിരുന്നു തുടക്കം. ഇപ്പോൾ ജയറാമും മകൻ കാളിദാസ് ജയറാമും വർഷങ്ങൾക്ക് ശേഷം ഒന്നിക്കുന്ന ആശകൾ ആയിരം എന്ന ചിത്രത്തിലെ ഷൂട്ടിങ് ഇഷാനി പൂർത്തിയാക്കി.

വ്യക്തി ജീവിതത്തിലെ ഇഷാനിയുടെ തീരുമാനങ്ങളും പലപ്പോഴും പ്രശംസകൾ നേടാറുണ്ട്. അഭിനത്തിനൊപ്പം ഒരു ബിസിനസ് കൂടെ തുടങ്ങണം എന്നായിരുന്നു ഇഷാനിയുടെ ആഗ്രഹം. അതിപ്പോൾ അമ്മയ്ക്കും സഹോദരിമാർക്കുമൊപ്പം ആരംഭിച്ചിരിക്കുകയാണ്. അതിനൊപ്പമാണ് സിനിമയും. വിവാഹത്തെ സംബന്ധിച്ച ചോദ്യങ്ങൾക്ക്, നിലവിൽ പെട്ടന്ന് അങ്ങനെ ഒരു പ്ലാനില്ല എന്നാണ് ഇഷാനി പറഞ്ഞിട്ടുള്ളത്.