സ്വിം സ്യൂട്ടിൽ സായി പല്ലവി; ഇതിന് കുഴപ്പമില്ലേ എന്ന് വിമർശനം, എന്തുകൊണ്ട് ഈ ചിത്രങ്ങൾ ഒരു ചർച്ചയാവുന്നു?

Authored by: അശ്വിനി പി|Samayam Malayalam•23 Sept 2025, 4:19 pm

സായി പല്ലവി എന്നാൽ ആരാധകർക്ക് ഒരുപാട് പ്രത്യേകതകളുള്ള നടിയാണ്. സോ കോൾഡ് നായികമാരെ പോലെ ഡ്രസ്സിങിലോ സ്റ്റൈലിലോ ഒന്നും ഒരു സ്റ്റാർഡം കൊണ്ടു വരാത്ത നടിയാണ്. താൻ മേക്കപ് ഉപയോഗിക്കില്ല എന്ന് സായി പല്ലവി വ്യക്തമാക്കിയിട്ടുള്ളതാണ്. സാരി അല്ലെങ്കിൽ, കുർത്തിയാണ് മിക്കപ്പോഴും സായി പല്ലവി ധരിക്കുന്നത്. സിനിമകളിൽ അഭിനയിക്കുന്നതിന് പോലും സായി പല്ലവിയ്ക്ക് നിബന്ധനകളുണ്ട്.

കൂടുതൽ ഇന്റിമേറ്റായ രംഗങ്ങൾ അഭിനയിക്കില്ല, കുടുംബത്തിനൊപ്പം ഇരുന്ന് കാണാൻ സാധിക്കുന്ന രംഗങ്ങൾ മാത്രമേ ചെയ്യൂ, മേക്കപ് ഉപയോഗിക്കില്ല, കംഫർട്ട് അല്ലാത്ത വസ്ത്രം ധരിക്കില്ല എന്നൊക്കെയുള്ള സായി പല്ലവിയുടെ നിബന്ധനകൾ പാലിച്ചാണ് സംവിധായകനും നിർമാതാവും സായി പല്ലവിയെ കമ്മിറ്റ് ചെയ്യുന്നത്.

Also Read: ഇങ്ങനെ തന്നെ മുന്നോട്ടു പോകൂ നിമിഷ്, നിന്നിൽ അഭിമാനിക്കുന്നു; പങ്കാളിയെ പ്രശംസിച്ച് അഹാന കൃഷ്ണ

ചെയ്യുന്ന റോളുകളിൽ നൂറ് ശതമാനം നീതി പുലർത്തുന്നതുകൊണ്ടും, നല്ല വേഷങ്ങൾ തിരഞ്ഞെടുത്ത് ചെയ്യുന്നതുകൊണ്ടും ഇത്തരം നിബന്ധനകൽ ഒന്നും തന്നെ പ്രേക്ഷകരെ ബാധിച്ചതായിരുന്നില്ല. എന്നാൽ ഇപ്പോൾ സായി പല്ലവിയുടെ ഏതാനും ചിത്രങ്ങൾ വിവാദമാവുന്നു. സഹോദര പൂജ കണ്ണൻ തൻരെ ഇൻസ്റ്റഗ്രാമിൽ പങ്കുവച്ച ഏതാനും വെക്കേഷൻ ചിത്രങ്ങൾക്ക് നേരെയാണ് വിമർശനം.

Also Read: അതെ കത്രീന കൈഫ് ഗർഭിണിയാണ്! ജീവിതത്തിലെ ഏറ്റവും മികച്ച അധ്യായത്തിലേക്ക് കടക്കുകയാണ് എന്ന് വിക്കി കൗശൽ

ഫിദ എന്ന തെലുങ്ക് ചിത്രത്തിൽ സ്ലീവ് ലെസ്സ് ഡ്രസ്സ് ധരിക്കാൻ പറഞ്ഞിട്ട് പോലും സമ്മതിക്കാതിരുന്ന നടിയാണ് സായി പല്ലവി. സംവിധായരൻ കഥാപാത്രത്തിന് അത് അത്യാവശ്യമാണ് എന്ന് പറഞ്ഞ് കൺവിൻസ് ചെയ്ത് അഭിനയിപ്പിക്കാൻ ഒരുപാട് പ്രയാസപ്പെട്ടതായും തുറന്ന് പറഞ്ഞിട്ടുണ്ട്. അങ്ങനെയുള്ള സായി പല്ലവി ഇപ്പോൾ എന്തുകൊണ്ട് സ്വിം സ്യൂട്ട് ധരിച്ചു എന്നാണ് ആരാധകരുടെ ചോദ്യം.


ബീച്ച് ഹൈ എന്ന് പറഞ്ഞ് പൂജ കണ്ണൻ പങ്കുവച്ച ചിത്രങ്ങൾ സ്വിം സ്വൂട്ടും, സ്ലീവ് ലെസ്സ് ഡ്രസ്സും ധരിച്ച് സായി പല്ലവി ഫോട്ടോ എടുത്തതായി കാണാം. ഇതിനെതിരെയാണ് വിമർശനം. ബീച്ചിൽ പിന്നെ സാരി ധരിച്ച് ഇറങ്ങാൻ സാധിക്കുമോ എന്ന് ആരാധകരും ചോദിയ്ക്കുന്നു.