3 months ago
3
Authored by: ഋതു നായർ|Samayam Malayalam•6 Oct 2025, 4:46 pm
ഹണിമൂൺ യാത്രക്കായി ദിലീപും കാവ്യയും പോയത് ദുബായിലേക്ക് ആണ്. പിന്നീട് അവിടെനിന്നുമാണ് മീനാക്ഷിക്ക് ഒപ്പം സിംഗപ്പൂരിലേക്കും യാത്ര തിരിച്ചത്
ദിലീപും കുടുംബവും(ഫോട്ടോസ്- Samayam Malayalam)2016 ൽ ആയിരുന്നു കാവ്യാ മാധവൻ ദിലീപ് താര ജോഡികളുടെ വിവാഹം നടക്കുന്നത്. അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത ഒരു ചടങ്ങിൽ വച്ചായിരുന്നു വിവാഹം, വിവാഹത്തിന് പിന്നാലെ തന്നെ ഇരുവരും ഹണിമൂണിനായി പറന്നു. വിമാനത്താവളത്തിൽ അന്ന് അവരെ സ്വീകരിക്കാൻ അവരുടെ ആരാധകരും നാട്ടുകാരും കാത്തിരുന്നു എന്നതാണ് സത്യം.
കാസർഗോഡിലെ ആരാധകർ അവർക്ക് പൂച്ചെണ്ടുകൾ നൽകി ആണ് സ്വീകരിച്ചത്. "കാസർഗോഡിലെ നീലേശ്വരം സ്വദേശിയായ കാവ്യയെ വിവാഹം കഴിച്ചതിലൂടെ ദിലീപ് അവരുടെ മരുമകനായി" എന്ന് പറഞ്ഞായിരുന്നു ദിലീപിന് സ്വീകരണം ഒരുക്കിയത്.ദിലീപ് കാവ്യാ വിവാഹവും ഹണിമൂണും ഒക്കെ അന്നത്തെ പത്രത്താളുകളിൽ വലിയ വാർത്ത ആയിരുന്നു. ഈ ചിത്രമാണ് ഇപ്പോൾ വീണ്ടും സോഷ്യൽ മീഡിയയിൽ നിറയുന്നത്. ദിലീപും കാവ്യയും മീനാക്ഷിക്ക് ഒപ്പം ചേർന്നുനിൽക്കുന്ന ചിത്രം.
ALSO READ: റെയിൻ റൂം മുതൽ ഈശാനകോണിലെ അത്ഭുതം വരെ! 12 കോടിയുടെ ഋഷഭിന്റെ വീട്; കുന്ദാപുരയിലുള്ള വീടിന്റെ പ്രത്യേകതകൾ
ദുബായിലെ ബുർജ് ഖലീഫയിൽ ആണ് ഇരുവരും അന്നത്തെ ട്രിപ്പിൽ താമസിച്ചത്. പിന്നീട് മീനാക്ഷിക്കൊപ്പം സിംഗപ്പൂരിലേക്ക് ഇരുവരും പറന്നു. റിപ്പോർട്ടുകൾ ശരിയാണെങ്കിൽ അന്നേ ദിവസം മെഗാസ്റ്റാർ മമ്മൂട്ടി ദമ്പതികൾക്കായി ദുബായിൽ ഒരു പ്രത്യേക പാർട്ടിയും സംഘടിപ്പിച്ചിരുന്നു.
ഹണിമൂണിന് ശേഷം ദിലീപ് ഛായാഗ്രാഹകൻ രാമചന്ദ്ര ബാബു സംവിധാനം ചെയ്ത പ്രൊഫ. ഡിങ്കന്റെ ഷൂട്ടിങ് സെറ്റിലേക്ക് പോയി. പിന്നാലെ ആണ് രതീഷ് അമ്പാട്ടിന്റെ കമ്മാര സംഭവം എന്ന ചിത്രത്തിലും ദിലീപ് അഭിനയിച്ചത്. വിവാഹത്തിന് പിന്നാലെ കാവ്യ ജീത്തു ജോസഫ് സിനിമ ആരംഭിക്കും എന്ന് റിപ്പോർട്ടുകൾ വന്നിരുന്നു എന്നാൽ കാവ്യാ വിവാഹത്തോടെ അഭിനയം മതിയാക്കുകയും വിരമിക്കൽ പ്രഖ്യാപിക്കയും ചെയ്തു എന്നതാണ് യാഥാർഥ്യം. ആദ്യ വിവാഹത്തിന്റെ സമയത്തും കാവ്യ വിവാഹത്തോടെ അഭിനയ രംഗം ഉപേക്ഷിക്കും എന്ന് പറഞ്ഞിരുന്നു.
English (US) ·