ഹാസിനിയെ പോലെയാണ് എന്റെ ഭാര്യ, ഞങ്ങളുടെ പ്രണയ കഥയാണ് ആ സിനിമയ്ക്ക് പ്രചോദനമായത് എന്ന് മോഹന്‍രാജ

Authored byഅശ്വിനി പി | Samayam Malayalam | Updated: 1 Apr 2025, 3:11 pm

Samayam Malayalamമോഹൻരാജയുടെ പ്രണയകഥ

ജയം രവിയുടെ മൂത്ത സഹോദരനും തമിഴിലെ പ്രമുഖ സംവിധായകനുമാണ് മോഹന്‍ രാജ. ജയം, എം കുമരന്‍ സണ്‍ ഓഫ് മഹാലക്ഷ്മി, ഉണക്കും എനക്കും, സന്തോഷ് സുബ്രഹ്‌മണ്യം, തനി ഒരുവന്‍, വേലൈക്കാരന്‍ തുടങ്ങി നിരവധി ബ്ലോക് ബസ്റ്റര്‍ ഹിറ്റ് സിനിമകള്‍ സംവിധാനം ചെയ്ത സംവിധായകന്‍. ഈ സിനിമകളില്‍ ഏതാണ് തന്റെ ജീവിതവുമായി ഏറ്റവും അടുത്ത് നില്‍ക്കുന്നത് എന്ന് ചോദിച്ചാല്‍ മോഹന്‍ രാജ സന്തോഷ് സുബ്രഹ്‌മണ്യം എന്ന് പറയും

തന്റെ സിനിമകളിലെ നായികമാരില്‍ ആരാണ് ഭാര്യയുടെ സ്വഭാവവുമായി ഏറ്റവും യോജിച്ചു നില്‍ക്കുന്നത് എന്ന ചോദ്യത്തിന് ഉത്തരം നല്‍കുകയായിരുന്നു മോഹന്‍രാജ. ഉനക്കും എനക്കും എന്ന സിനിമയിലെ തൃഷയുടെ കഥാപാത്രമാണ്, സന്തോഷ് സുബ്രഹ്‌മണ്യത്തിലെ ജെനീലിയ അവതരിപ്പിച്ച ഹാസിനി എന്ന കഥാപാത്രമാണ്, വേലൈക്കാരനിലെ നയന്‍താര അവതരിപ്പിച്ച കഥാപാത്രമാണോ എന്ന ചോദ്യത്തിന് ഉത്തരം നല്‍കാന്‍ മോഹന്‍ രാജയ്ക്ക് ഒട്ടും ആലോചിക്കേണ്ടി വന്നില്ല, സന്തോഷ് സുബ്രഹ്‌മണ്യത്തിലെ ഹാസിനി!

Also Read: നെറുകിൽ സിന്ദൂരവുമായി സ്വാതി നിത്യാനന്ദ്, അനുശ്രീയുടെ മുൻ ഭർത്താവിനൊപ്പമുള്ള ഫോട്ടോ; വിവാഹിതരായോ എന്ന ചോദ്യത്തിനുള്ള മറുപടി

വാസ്തവത്തില്‍ എന്റെ ഭാര്യ തന്നെയാണ് ഹാസിനി, എന്റെ ഭാര്യയെ വച്ചാണ് ആ കഥാപാത്രത്തെ എഴുതിയത്. സന്തോഷ് സുബ്രഹ്‌മണ്യത്തിന്റെ കഥ ഞാന്‍ എവുതിയതല്ല, ബൊമ്മരല്ലു ഭാസ്‌കര്‍ എന്റെ ഭാര്യയുടെ ക്യാരക്ടര്‍ കണ്ടാണ് കഥ എഴുതിയത്. ഞങ്ങളുടെ പ്രണയം കണ്ടാണ് ആ കഥ ഡെവലപ് ചെയ്തത്. അതുകൊണ്ട് തന്നെ അതൊരു അഭിമാനമാണ്.

എന്റെ ഭാര്യ ഫിലിം ഇന്‍സ്റ്റിറ്റ്യൂട്ടില്‍ സിനിമോട്ടോഗ്രാഫിയാണ് പഠിച്ചത്. ഗോള്‍ഡ് മെഡലിസ്റ്റാണ്, അവിടെ വച്ചാണ് ഞങ്ങള്‍ കണ്ട് ഇഷ്ടപ്പെട്ട് പ്രണയിച്ച് കല്യാണം കഴിച്ചത്. ഞങ്ങളുടെ സുഹൃത്തും സംവിധായകനുമായ ബൊമ്മരല്ലു ബാസ്‌കര്‍ അത് കഥയായി എഴുതി സിനിമയാക്കി. സന്തോഷ് സുബ്രഹ്‌മണ്യത്തിലെ സന്തോഷിന് എന്റെ റിയല്‍ ക്യാരക്ടറിന്റെ ചെറിയ ഒരംശവും ഉണ്ട്- മോഹന്‍രാജ പറഞ്ഞു.


കരിയറില്‍ ഏറ്റവും അധികം സ്വാധീനി മൂന്ന് സ്ത്രീകളാണ് തന്റെ അമ്മയും ഭാര്യയും മകളും എന്ന് മോഹന്‍രാജ പറയുന്നുണ്ട്. എം കുമരന്‍ സണ്‍ ഓഫ് മഹാലക്ഷ്മി എന്ന സിനിമയുടെ തിരക്കഥ എഴുതിയത് തന്റെ അമ്മയെ മനസ്സില്‍ കരുതിയാണ് എന്ന് മോഹന്‍രാജ നേരത്തെ പറഞ്ഞിട്ടുണ്ട്.