10 വര്‍ഷം കൊണ്ട് എന്തൊക്കെ മാറ്റങ്ങള്‍, പ്രണയത്തിന്റെയും സൗഹൃദത്തിന്റെയും ഓര്‍മ പങ്കുവച്ച് മേഘ്‌നരാജ്

10 months ago 23

Authored by: അശ്വിനി പി|Samayam Malayalam•17 Jan 2026, 1:02 p.m. IST

മേഘ്‌നയുടെ പോസ്റ്റ് നസ്‌റിയയും ഷെയര്‍ ചെയ്തിട്ടുണ്ട്. എത്ര മനോഹരമായ കാലമായിരുന്നു അത് എന്ന് പറഞ്ഞാണ് നസ്‌റിയ ഷെയര്‍ ചെയ്തത്. കല്യാണം കഴിഞ്ഞ് രണ്ട് വര്‍ഷം കഴിഞ്ഞപ്പോഴേക്കും തന്നെ മേഘ്‌നയ്ക്ക് ചിരജ്ജീവി സര്‍ജയെ നഷ്ടപ്പെട്ടിരുന്നു.

chiru meghnaമേഘ്ന രാജ് പങ്കുവച്ച ഫോട്ടോകൾ
യക്ഷി എന്ന ചിത്രത്തിലൂടെ മലയാളത്തിലേക്ക് വന്ന കന്നട നടിയാണ് മേഘ്‌നരാജ്. പിന്നീട് ഒത്തിരി ഹിറ്റ് സിനിമകളുടെ ഭാഗമായി. ഇപ്പോഴും മേഘ്‌ന സിനിമകളില്‍ സെലക്ടീവായി സജീവമാണെങ്കിലും, ഈ കാലയളവിനുള്ളില്‍ പലതും നടിയുടെ ജീവിതത്തില്‍ സംഭവിച്ചു. ഗര്‍ഭിണിയായിരിക്കെ ഭര്‍ത്താവിന്റെ മരണമായിരുന്നു ഏറ്റവും വലിയ ആഘാതം. ഇപ്പോഴിതാ പ്രണയിക്കുന്ന കാലത്തെ ഏതാനും ഓര്‍മകള്‍ പങ്കുവച്ച് എത്തിയിരിക്കുകയാണ് നടി. കൃത്യമായി പറഞ്ഞാല്‍ പത്ത് വര്‍ഷങ്ങള്‍ക്ക് മുന്‍പുള്ള ചിത്രങ്ങള്‍.

അതെ, 2016 ലെ ഓര്‍മകള്‍ വീണ്ടും പങ്കുവയ്ക്കുകയാണ് എന്ന് പറഞ്ഞുകൊണ്ടാണ് പോസ്റ്റ് തുടങ്ങുന്നത്. അഭിനയത്തില്‍ സെലക്ടീവ് അല്ലാതെ തന്നെ സജീവമായിരുന്ന കാലമായിരുന്നു അത്. ചിരജ്ജീവി സര്‍ജയുമായുള്ള പ്രണയത്തിന്റെ സമയം, സൗഹൃദവും, കഥക് പ്രാക്ടീസുമൊക്കെയായി തിരക്കിലായ സമയം. ആ കാലത്തെ ചിത്രങ്ങളാണ് മേഘ്‌ന പങ്കുവച്ചിരിക്കുന്നത്.

Also Read: ശ്രീനിവാസൻ ഇനിയില്ല അതൊരു സത്യമാണ്; പക്ഷേ, ആ സത്യം പൂർണമായി ഉൾക്കൊള്ളാൻ എനിക്കിപ്പോഴും കഴിയുന്നില്ല

ചിരുവിനൊപ്പമുള്ള കുറച്ച് സ്വകാര്യ സന്തോഷ നിമിഷങ്ങളും, നസ്‌റിയ നസീമിനൊപ്പമുള്ള സൗഹൃദത്തിന്റെ നിമിഷങ്ങളും, കഥക് പ്രാക്ടീസ് ചെയ്യുന്ന വീഡിയോയും, അതിനിടയില്‍ കാലൊടിഞ്ഞ ചിത്രങ്ങളും എല്ലാമുണ്ട്. പോസ്റ്റ് തന്റ സ്‌റ്റോറിയായ പങ്കുവച്ച നസ്‌റിയയും, എത്ര മനോഹരമായ നിമിഷങ്ങളായിരുന്നു എന്ന് പറയുുന്നുണ്ട്. ആ കഥക് പെര്‍ഫോമന്‍സ് വീഡിയോ പിന്നീടൊരു ദിവസം ഞാന്‍ പങ്കുവയ്ക്കുന്നതായിരിക്കുമെന്നും, അതിലൊരു സ്‌പെഷ്യല്‍ ഗസ്റ്റ് വരുന്നുണ്ട് എന്നും മേഘ്‌ന പറയുന്നുണ്ട്.

Also Read: 60 വയസ്സ്, ഇതുവരെ പാര്‍ലറില്‍ പോയിട്ടില്ല! തന്റെ സൗന്ദര്യ രഹസ്യം വെളിപ്പെടുത്തി വിനയ പ്രസാദ്

ചിരുവിനൊപ്പമുള്ളപ്പോള്‍ മേഘ്‌നയുടെ മുഖത്ത് പ്രത്യേകമൊരു തിളക്കമുണ്ട് എന്നാണ് പോസ്റ്റിന് താഴെ വരുന്ന കമന്റുകള്‍. 2018 ല്‍ ആയിരുന്നു ഏറെ നാളത്തെ പ്രണയത്തിന് ശേഷമുള്ള മേഘ്‌ന രാജിന്റെയും ചിരജ്ജീവി സര്‍ജയുടെയും വിവാഹം. എന്നാല്‍ രണ്ട് വര്‍ഷം മാത്രമേ ആ ബന്ധത്തിന് ആയിസുണ്ടായിരുന്നുള്ളൂ. 2020 ല്‍, തന്റെ 39 ആമത്തെ വയസ്സിലാണ് ചിരജ്ജീവി സര്‍ജ ഹൃദയാഘാതത്തെ തുടര്‍ന്ന് മരണപ്പെട്ടത്. അന്ന് മേഘ്‌ന നാല് മാസം ഗര്‍ഭിണിയായിരുന്നു.

മിനസോട്ടയിൽ ഇമിഗ്രേഷൻ ഏജന്റുമാരുടെ തേർവാഴ്ച: നടുക്കുന്ന ദൃശ്യങ്ങൾ പുറത്ത്, വിശദമായി അറിയാം


ജീവിതത്തിലെ ഏറ്റവും വലിയ അവസ്ഥയെ തരണം ചെയ്ത നടി, കുഞ്ഞിന് ജന്മം നല്‍കി. തന്റെ വേദന അച്ഛനില്ലാത്ത മകനെയും വേദനിപ്പിക്കും എന്നതിനാല്‍, ജീവിതത്തില്‍ മുന്നോട്ടു കുതിക്കാനും സന്തോഷത്തോടെ ജീവിക്കാനുമുള്ള ആവേശം മേഘ്‌നയ്ക്ക് ലഭിച്ചു. അതുകൊണ്ടു തന്നെ വീണ്ടും അഭിനയത്തിലേക്ക് തിരിച്ചെത്തുകയായിരുന്നു നടി.
അശ്വിനി പി

രചയിതാവിനെക്കുറിച്ച്അശ്വിനി പിസമയം മലയാളത്തില്‍ എന്റര്‍ടൈന്‍മെന്റ് സെക്ഷനില്‍ സീനിയർ ഡിജിറ്റൽ കണ്ടൻ്റ് പ്രൊഡ്യൂസറാണ് അശ്വിനി പി. 2013 ലാണ് പത്രപ്രവർത്തക എന്ന നിലയിലുള്ള കരിയർ ആരംഭിച്ചത്. വൺഇന്ത്യ - ഫിൽമിബീറ്റ് പോലുള്ള ദേശീയ മാധ്യമങ്ങളിൽ പ്രവ‍ൃത്തിച്ചു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനുമാണ് താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. സിനിമ ചർച്ചകളിൽ പങ്കെടുത്തിട്ടുണ്ട്. നവമാധ്യമ രംഗത്ത് പന്ത്രണ്ട് വര്‍ഷത്തെ പ്രവൃത്തി പരിചയം. പൊളിട്ടിക്കല്‍ സയന്‍സില്‍ ബിരുദവും ജേര്‍ണലിസത്തില്‍ ഡിപ്ലോമയും നേടി.... കൂടുതൽ വായിക്കുക

Read Entire Article