15 വർഷങ്ങൾക്ക് മുൻപ് പാട്ട് കോപ്പിയടിച്ചു എന്ന് ആരോപണം; പ്രതികരണവുമായി വൈ ജി എന്റർടൈൻമെന്റ്സ്

Authored by: അശ്വിനി പി|Samayam Malayalam•13 Aug 2025, 4:42 pm

വൈ ജി എന്റർടൈൻമെന്റ്സിന്റെ സ്ഥാപകരും ബിഗ്ബാങിന്റെ നേതാക്കളുമായ ജി-ഡാർഗണിനും യങ് ഹ്യുൻ സുകിനും എതിരെ പാട്ട് കോപ്പിയടിച്ചു എന്നാരോപണം. ഷൈൻ എ ലൈറ്റ് എന്ന ആൽബത്തിന് വേണ്ടി 2010 ൽ ഇരുവരും പാട്ട് കോപ്പിയടിച്ചു എന്നാരോപിച്ചുകൊണ്ടാണ് ഒരാൾ രംഗത്തെത്തിയത്. എന്നാൽ വൈ ജി എന്റർടൈൻമെന്റ്സ് ഇത് പൂർണമായും നിഷേധിച്ചു.

കഴിഞ്ഞ വർഷം നവംബറിലാണ് പേര് വെളിപ്പെടുത്താത്ത ഒരു സംഗീത സംഗീതസംവിധായകൻ നൽകിയ പരാതിയിൽ സിയോളിലെ മാപ്പോ പോലീസ് അന്വേഷണം നടത്തിയത്. വൈ ജി എന്റർടൈൻമെന്റ് തന്റെ സമ്മതമില്ലാതെ രചിച്ച ഒരു ഗാനം പകർത്തി ഒരു ആൽബത്തിന്റെ ഭാഗമായി നിർമ്മിച്ച് വിതരണം ചെയ്തതായി പരാതിയിൽ പറയുന്നു. പകർപ്പവകാശ ലംഘന കുറ്റമാണ് അദ്ദേഹം ആരോപിക്കുന്നത്.

Also Read: വിവാഹ മോചനത്തെ കുറിച്ചും, കാൻസർ രോഗത്തെ അതിജീവിച്ചതിനെ കുറിച്ചും ഇപ്പോൾ തുറന്ന് പറയാനുള്ള കാരണം; ജ്യുവൽ മേരി വ്യക്തമാക്കുന്നു

ജി-ഡ്രാഗൺ എന്ന പേരിലായിരുന്നു എന്റെ ആൽബം. എന്നാൽ My Age is 13 എന്ന പേരിൽ വൈജി എന്റർടൈൻമെന്റ്സ് അത് മാറ്റുകയും, ബിഗ്ബാങ് ആൽബത്തിന്റെ ഭാഗമായി പുറത്തിറക്കുകയും ചെയ്തു എന്നാണ് പരാതിക്കാരന്റെ ആരോപണം

പരാതി ലഭിച്ചതിനുശേഷം, കേസിൽ ഉൾപ്പെട്ട ചില വ്യക്തികളെ പോലീസ് ചോദ്യം ചെയ്യുകയും രണ്ട് റെയ്ഡുകൾ നടത്തുകയും ചെയ്തു, അതിൽ ഒന്ന് സിയോളിലെ വൈജി എന്റർടൈൻമെന്റ് ആസ്ഥാനത്താണെന്ന് പറയപ്പെടുന്നു. അന്വേഷണം നിലവിൽ പുരോഗമിക്കുകയാണ്, ഞങ്ങൾക്ക് പ്രത്യേക വിശദാംശങ്ങൾ സ്ഥിരീകരിക്കാൻ കഴിയില്ല- എന്ന് പൊലീസ് പറഞ്ഞു

Also Read: ഒന്നും രണ്ടുമല്ല കോടികൾ! ഈ സീസണിൽ ലാലേട്ടന് സാലറി കൂടിയത് ആറ്കോടി; സൽമാനും നാഗചൈതന്യക്കും അതുക്കും മേലെ!

വൈജി എന്റർടൈൻമെന്റിന്റെ നിലവിലെ സിഇഒയും ചെയർമാനും സ്ഥാപകനുമായ യാങ് ഹ്യുൻ സുക്കിന് എതിരെയും ഇളയ സഹോദരനായ യാങ് മിൻ സുക്കിനും അതിന്റെ അനുബന്ധ സ്ഥാപനമായ വൈജി പ്ലസിന്റെ സിഇഒ ചോയി സുങ് ജുനുമെതിരെയും ഈ സംഗീത സംവിധായകൻ പരാതി നൽകിയിട്ടുണ്ട്.
എന്നാൽ കോപ്പിയടി വിവാദം തീർത്തും അടിസ്ഥാന രഹിതമാണ് എന്ന് വൈജി എന്റർടൈൻമെന്റ്സ് പ്രതികരിച്ചു. 2009 ലെ ജി-ഡാർഗന്റെ സോളോ കച്ചേരിയ്ക്ക് വേണ്ടിയൊരുക്കിയതാണ് My Age is 13 എന്നാണ് വൈജി എന്റർടൈൻമെന്റ്സിന്റെ വിശദീകരണം