17 ആം വയസ്സില്‍ ലൈംഗിക അതിക്രമം നേരിട്ടു, ലിഫ്റ്റില്‍ വച്ച് കയറിപ്പിടിച്ചവന്റെ കരണത്തടിച്ചു; പലതും തുറന്ന് പറഞ്ഞ് പാര്‍വ്വതി

സെക്‌സ് എജ്വക്കേഷന്‍ ചെറിയ പ്രായത്തില്‍ തന്നെ കുട്ടികള്‍ക്ക് കിട്ടാത്തതിനെ കുറിച്ചും പാര്‍വ്വതി തിരുവോത്ത് തുറന്ന് സംസാരിക്കുന്നുണ്ട്. വീട്ടില്‍ അച്ഛനോടും അമ്മയോടും ചോദിച്ചപ്പോള്‍, നല്ല തല്ലുകിട്ടാത്തതിന്റേയാണെന്നാണ് പറഞ്ഞത്. ആദ്യമായി ഞാനൊരു സെക്‌സ് കോണ്ടന്റ് കാണുന്നത് ടൈറ്റാനിക് എന്ന ചിത്രത്തിലാണ്. അതുകൊണ്ട് തന്നെ ഗുഡ് ടച്ചും ബാഡ് ടച്ചും എന്താണെന്ന് അറിയാനുള്ള അവസം പോലും ഉണ്ടായിട്ടില്ല.

റെയില്‍വെ സ്‌റ്റേഷനില്‍ വച്ച് ഒരാള്‍ ശരീരത്തില്‍ അമര്‍ത്തി തൊട്ടപ്പോളുണ്ടായ അനുഭവത്തെ കുറിച്ചും പാര്‍വ്വതി പറയുന്നു. അന്ന് ഞാന്‍ കുഞ്ഞാണ്, എന്താണ് എന്ന് പോലും അറിയില്ല. നന്നായി വേദനിച്ചു. അതിന് ശേഷം തിരക്കുള്ളിടത്ത് എങ്ങനെ നടക്കണം എന്ന് അമ്മ എന്നെ പഠിപ്പിച്ചു. നടക്കുമ്പോള്‍ ആണുങ്ങളുടെ കൈ എങ്ങോട്ടാണ് പോകുന്നത് എന്ന് നോക്കുക എന്ന്. അതിന് ശേഷം പല മോശം അനുഭവങ്ങളും ഉണ്ടായിട്ടുണ്ട്. എന്താണ് എന്ന് തിരിച്ചറിയാന്‍ പോലും ആ പ്രായത്തിലറിയില്ലായിരുന്നു. പതിനാറ്, പതിനെട്ട് വയസ്സൊക്കെ ആവുമ്പോഴാണ് ഇതൊക്കെ അനുഭവിച്ചിരുന്നു എന്ന തിരിച്ചറിവുണ്ടാവുന്നത്.

Also Read: എനിക്ക് പീരീഡ്‌സ് ആണ്, റൂമില്‍ പോയേ പറ്റൂ എന്ന് ഉറക്കെ പറയേണ്ടി വന്നു; മരിയാന്‍ സെറ്റിലുണ്ടായ അനുഭവം!

പതിനേഴാം വയസ്സിലാണ് എന്റെ അച്ഛനും അമ്മയും അല്ലാതെ മറ്റൊരാള്‍ എന്റെ ശരീരത്തില്‍ അനുവാദമില്ലാതെ തൊട്ടത്, അതൊരു ലൈംഗിക അതിക്രമമായിരുന്നു. അതും അറിയാവുന്ന ഒരാളില്‍ നിന്ന്. അതിന് മുന്‍പ് നമുക്കൊരാളോട് ഇഷ്ടം തോന്നുകയോ, ക്രഷ് തോന്നുകയോ ചെയ്താല്‍, സ്വകാര്യ ഇടങ്ങളില്‍ വച്ച് അവര്‍ നമ്മളെ തൊടുകയോ മറ്റെന്തെങ്കിലും ചെയ്യുകയും ചെയ്യുന്നത് സാധാരണമാണെന്ന് ചിന്തിച്ചിരുന്ന പ്രായമായിരുന്നു അത്. അത് സമ്മതത്തോടെയാണോ എന്ന് ചോദിച്ചാല്‍ പറയാന്‍ സാധിക്കില്ല, അങ്ങനെയാണ് എന്ന് വിശ്വസിപ്പിച്ചിരുന്നു. മൂന്ന് പതിറ്റാണ്ടുകളെടുത്തു എനിക്ക് അത് എന്തായിരുന്നു എന്ന് മനസ്സിലാക്കാന്‍.

Also Read: ദത്തെടുക്കാൻ തോന്നിയിട്ടില്ല! കൊള്ളി വയ്ക്കാനാണോ കുഞ്ഞുങ്ങൾ; ആവശ്യമായി തോന്നിയിട്ടില്ലെന്ന് സുധ

അതുപോലെ പത്തൊന്‍പതാം വയസ്സില്‍ ലിഫ്റ്റില്‍ വച്ചും ഒരു മോശം അനുഭവമുണ്ടായി. അന്ന് അയാളെ ഞാന്‍ തല്ലിയിട്ടുണ്ട്. പൊലീസില്‍ പരാതി കൊടുത്തു, അവസാനം അയാള്‍ എന്റെ കാലില്‍ വീണു, ഗള്‍ഫിലേക്ക് പോകേണ്ടതാണ്, എന്റെ കല്യാണം ഫിക്‌സ് ചെയ്തതാണ് എന്നൊക്കെ പറഞ്ഞുകൊണ്ട്. ഓഹോ എന്നിട്ടാണ് ഇത് ചെയ്തത് എന്ന് എനിക്കയാളോട് ചോദിക്കേണ്ടി വന്നു. ആരായാലും തിരിഞ്ഞൊന്ന് തല്ലണം എന്നാണ് എനിക്ക് പറയാനുള്ളത്.