2025 ലെ ഏറ്റവും ഹാന്റ്സം ലുക്കുള്ള മുഖം ജിമിനിന്റേത്, രണ്ടാം സ്ഥാനത്ത് വി; ആദ്യത്തെ പത്ത് പേരിൽ അഞ്ച് ബിടിഎസ് താരങ്ങൾ!

Authored by: അശ്വിനി പി|Samayam Malayalam•29 Aug 2025, 5:25 pm

ബിടിഎസ് താരങ്ങൾ എന്നാൽ ഇങ്ങ് കേരളക്കരയിലും അവർക്കുള്ള ആരാധക പിന്തുണയും വളരെ വലുതാണ്. ജെൻ-Z കിഡ്സ് ആഘോഷിക്കുന്ന മ്യൂസിക് ബാന്റും, അതിലെ താരങ്ങളുമാണ് ജിമിൻ , ജങ്കൂക്ക്, ജിൻ, ജെ ഹോപ്, വി, ആർഎം, സുഗ എന്നിവരും. ഇവർ ഏഴുപേരുടെയും സ്റ്റൈൽ ആയിക്കോട്ടെ, ലുക്ക് ആയിക്കോട്ടെ, ഡ്രസ്സിങ് സെൻസ് ആയിക്കോട്ടെ എല്ലാം ഒരു കൂട്ടം പുതു തലമുറ ഫോളോ ചെയ്തു വരുന്നുണ്ട്.

ലോകമെമ്പാടും ബിടിഎസ് താരങ്ങളെ ആരാധിക്കുന്നവരുടെ എണ്ണം എണ്ണി തിട്ടപ്പെടുത്താനും കഴിയില്ല. പതിനാറ് മില്യണോളം റെക്കോഡ്സ് സൗത്ത് കൊറിയയിൽ മാത്രം ബിടിഎസ് താരങ്ങൾ വിറ്റഴിച്ചിട്ടുണ്ട് എന്നാണ് കണക്കുകൾ. അത്രയ്ക്കധികമുണ്ട് രാജ്യത്തിന് അകത്തും പുറത്തുമുള്ള ഇവരുടെ ആരാധകരുടെ പിൻബലം.

Also Read: സ്വപ്‌നത്തിലെ കുതിരയാണിത്, ഓടും ചാടും കാഴ്ചക്കാരെ സവാരിക്കു കൊണ്ടുപോകും

ഇപ്പോഴിതാ 2025 ലെ ഏറ്റവും ഹാന്റ്സം ലുക്കുള്ളുള്ള മുഖം ആരാണ് എന്ന സർവേയുടെ ഫലം വന്നിരിയ്ക്കുന്നു. ഒന്നാം സ്ഥാനത്തുള്ളത് ബിടിഎസ്സിന്റെ ജിമിൻ ആണ്. 2013 ൽ ബിടിഎസ് എന്ന ബാന്റിന്റെ ഭാഗമാവുന്നതിലൂടെയാണ് ജിമിന്റെ കരിയർ ആരംഭിച്ചത്. പാർക്ക് ജിമിൻ എന്നാണ് ഗായകന്റെ യഥാർത്ഥ പേര്.

Also Read: മകൾക്ക് മുൻപേ ബിസിനസിൽ തിളങ്ങിയത് സിന്ധു! ഗൾഫിൽനിന്നുള്ള ജോലി ഓഫറുകൾ നിരസിച്ചത് മക്കൾക്ക് വേണ്ടി

ഈ ലിസ്റ്റിൽ രണ്ടും മൂന്നും സ്ഥാനത്തുള്ളതും ബിടിഎസ് അംഗങ്ങൾ തന്നെയാണ്. പാട്ടിനപ്പുറം, ഡാൻസ് കൊണ്ടും പെർഫോമിങ് കൊണ്ടും, അഭിനയം കൊണ്ടുമെല്ലാം പ്രേക്ഷകരെ കയ്യിലെടുത്ത വി ആണ് രണ്ടാം സ്ഥാനത്ത്. തന്റെ ആകർഷണീയമായ വ്യക്തിത്വം കൊണ്ട് ശ്രദ്ധേയനായ ജങ്കൂക്ക് മൂന്നാം സ്ഥാനത്തുമെത്തി.


XODIAC-ൽ നിന്നുള്ള സയ്യാൻ ആണ് നാലാം സ്ഥാനം എത്തിയിരിക്കുന്നത്. അഞ്ചാം സ്ഥാനത്ത് വീണ്ടുമൊരു ബിടിഎസ് താരം തന്നെയാണ്, എഴുപത്തിയെട്ടായിരം വോട്ടുകളോടെ ജിൻ. സൂപ്പർ ജൂനിയന്റെ യെസൂങ് ആറാം സ്ഥാനത്ത് എത്തിയപ്പോൾ, ഏഴാം സ്ഥാനത്ത് ബിടിഎസിന്റെ സുഗയാണ്. ENHYPEN ന്റെ നി കി യും TXT ന്റെ ഹ്യുനിങ്ഗായുമാണ് ഒൻപതും പത്തും സ്ഥാനത്ത്. ചുരുക്കി പറഞ്ഞാൽ ആദ്യത്തെ പത്ത് പേരിൽ അഞ്ച് സ്ഥാനങ്ങൾ നേടിയിരിക്കുന്നത് ലോക ശ്രദ്ധ നേടിക്കൊണ്ടിരിയ്ക്കുന്ന ബിടിഎസ് താരങ്ങൾ തന്നെയാണ്.