23 വയസ്സിൽ അമ്മ വേഷം! ചെയ്യരുത് എന്ന് പലരും പറഞ്ഞു; ടൈപ് കാസ്റ്റ് ചെയ്യപ്പെടുന്നതിൽ ഭയമില്ലേ, അനുപമ പറയുന്നു

Authored by: അശ്വിനി പി|Samayam Malayalam•22 Aug 2025, 10:07 am

പ്രേമം എന്ന ചിത്രത്തിലൂടെ സിനിമയിലേക്ക് എത്തിയതാണ് അനുപമ പരമേശ്വരൻ . അതിന് ശേഷം ഒരു നായിക എന്ന നിലയിൽ ശ്രദ്ധ നേടിയത് തെലുങ്ക് സിനിമാ ഇന്റസ്ട്രിയിലാണ്. നല്ല വേഷങ്ങൾ ലഭിക്കുമ്പോൾ മലയാളത്തിലേക്ക് വരുന്ന അനുപമ പരമേശ്വരൻ ഇപ്പോൾ പർദ്ദ എന്ന തന്റെ പാൻ ഇന്ത്യൻ ചിത്രത്തിന്റെ പ്രമോഷൻ തിരക്കുകളിലാണ്.

ഇതൊരു സാധാരണ സിനിമയല്ല, ഇങ്ങനെ ഒരു സിനിമയുടെ ഭാഗമാകാൻ സാധിച്ചത് കരിയറിലെ ഏറ്റവും വലിയ കാര്യമായിട്ടാണ് അനുപമ കാണുന്നത്. തിരക്കഥ കേട്ടപ്പോൾ തന്നെ, ഇത് എനിക്ക് തന്നെ തരണം എന്നാവശ്യപ്പെട്ടിരുന്നുവത്രെ. സിനിമയുടെ വിശേഷങ്ങൾ പങ്കുവയ്ക്കവെയാണ് അമ്മ വേഷങ്ങൾ ചെയ്യുന്നതിനെ കുറിച്ചും, ആ വഴി ടൈപ് കാസ്റ്റ് ചെയ്യപ്പെടുന്നതിനെ കുറിച്ചും അനുപമ സംസാരിച്ചത്.

Also Read: വിനീത് ശ്രീനിവാസന്റെ സംവിധാനത്തിൽ ഒരു വേറിട്ട സിനിമ, എല്ലാം, എല്ലാവരും വ്യത്യസ്തം! കരം സിനിമയുടെ ഗംഭീര ട്രെയിലർ

തീർച്ചയായും നടന്മാരും നടിമാരും ഒരേ പോലെ നേരിടുന്ന വെല്ലുവിളികളിൽ ഒന്നാണ് ടൈപ് കാസ്റ്റ് ചെയ്യപ്പെടുക എന്നത്. അമ്മ വേഷം ചെയ്യുന്നതിൽ എനിക്ക് വിരോധമില്ല, നല്ല വേഷങ്ങൾ സൃഷ്ടിക്കാൻ കഴിവുള്ള സംവിധായകർ ഇന്റസ്ട്രിയിൽ നമുക്കുണ്ട്.

Also Read: മോഹൻലാൽ ഹിൽവ്യൂ ജവഹർനഗർ തിരുവനന്തപുരം! തലയെടുപ്പുള്ള കൊമ്പനെപ്പോലെ ലാലേട്ടൻ പദ്മനാഭന്റെ മണ്ണിൽ; ചിത്രങ്ങൾ കാണാം

ഫ്രീഡം അറ്റ് മിഡ്നൈറ്റ് എന്ന ചിത്രത്തിൽ എട്ട് വയസ്സുകാരിയുടെ അമ്മയായിട്ടാണ് ഞാൻ അഭിനയിച്ചത്. അന്നെനിക്ക് 23 വയസ്സേ ഉണ്ടായിരുന്നുള്ളൂ. ആ വേഷം ചെയ്യുന്നതിൽ എനിക്ക് യാതൊരു പ്രശ്നവും ഉണ്ടായിരുന്നില്ല, പക്ഷേ എനിക്ക് ചുറ്റുമുള്ളവർ, ചെയ്യരുത്, ടൈപ് കാസ്റ്റ് ചെയ്യപ്പെടും എന്നെന്നോട് പറഞ്ഞിരുന്നു.


അതിന് ശേഷം എനിക്ക് മറ്റൊരു സിനിമ കിട്ടി, അതിൽ രണ്ട് കുട്ടികളുടെ അമ്മയായിട്ടാണ് ഞാൻ അഭിനയിച്ചത്. ആ സിനിമ സംസാരിക്കുന്ന വിഷയം വളരെ നല്ലതായിരുന്നു. എന്താണ് സിനിമ എന്നതാണ് ഏറ്റവും പ്രധാനം. ഒരു അഭിനേത്രിയിലുള്ള കഴിവ് തിരിച്ചറിയാൻ കഴിയുന്ന ഒരുപാട് മികച്ച സംവിധായകർ നമ്മുടെ ഇന്റസ്ട്രിയിലുണ്ട് എന്നാണ് എന്റെ ശക്തമായ വിശ്വാസം. അതുകൊണ്ട് തന്നെ സീറ്റീരിയോ ടൈപ് കഥാപാത്രങ്ങൾക്ക് അപ്പുറമുള്ള മികച്ച കഥാപാത്രങ്ങൾ അവർ സൃഷ്ടിക്കും- അനുപമ പരമേശ്വരൻ പറഞ്ഞു