29 ആം വിവാഹ വാർഷികത്തിന് ദിവസങ്ങൾ മാത്രം, വിവാഹ മോചനത്തിന് കേസ് കൊടുത്ത് അർക്കോണിന്റെ ഭാര്യ

Authored by: അശ്വിനി പി|Samayam Malayalam•14 Sept 2025, 2:02 pm

ഹോളിവുഡ് പാട്ടിന്റെ ലോകത്ത് ഏറെ ശ്രദ്ധേയനാണ് അക്കോൺ . ഹോളിവുഡിൽ മാത്രമല്ല, അദ്ദേഹത്തിന്റെ പാട്ടിനെ ആരാധിക്കുന്നവർ ഇങ്ങ് ഇന്ത്യയിലും ഉണ്ട്. അതുകൊണ്ട് തന്നെ ഭാര്യ ടൊമേക തിയാം 29 വർഷത്തെ വിവാഹ ബന്ധം അവസാനിപ്പിയ്ക്കുന്നു എന്ന് പറഞ്ഞപ്പോൾ തകർന്നത് അദ്ദേഹത്തിന്റെ ലോകമെമ്പാടുമുള്ള ആരാധകർ കൂടെയാണ്.

ഒട്ടും പൊരുത്തപ്പെടാൻ കഴിയാത്ത ഒരു കാരണം ചൂണ്ടികാണിച്ചാണ് ടൊമേക തിയാം വിവാഹ മോചന ഹർജി ഫയൽ ചെയ്തിരിയ്ക്കുന്നത് എന്നാണ് പുറത്തുവരുന്ന വാർത്തകൾ. അതും രുപത്തിയൊൻപതാം വിവാഹ വാർഷികം ആഘോഷിക്കാൻ രണ്ട് ദിവസം ബാക്കി നിൽക്കെയാണ് വിവാഹ മോചന ഹർജി നൽകിയിരിക്കുന്നത്.

Also Read: അക്ബറിന്റെ ഉമ്മ ആദിലയെയും നൂറയെയും വീട്ടിൽ കയറ്റുമോ? ലക്ഷ്മിയുടെ പരമാർശത്തിന് ഉമ്മയുടെ പ്രതികരണം

തങ്ങളുടെ പതിനേഴു വയസ്സുകാരിയായ മകൾ ജേർണിയുടെ കസ്റ്റഡി രണ്ട് പേർക്കും ഉത്തരവാദിത്തപ്പെട്ടതാണ് എന്നും, അക്കോണിന് മകളെ വന്നു കാണുകയും അവൾക്ക് വേണ്ട കാര്യങ്ങൾ ചെയ്യാം എന്നും ടൊമേക തിയാം പറയുന്നു. ഭർത്താവിന്റെ പിന്തുണയും സാമ്പത്തികവും വേണം എന്ന് പറയുന്ന ഭാര്യ, എന്തുകൊണ്ട് വിവാഹ മോചനത്തിന് ആവശ്യപ്പെടുന്നു എന്നാണ് ആരാധകരുടെ ചോദ്യം.

Also Read: ഒരു അഷ്ടമി രോഹിണിയ്ക്ക് കിട്ടിയ നിധി, അമ്മയുടെ പൊന്നു മോൻ; മകന് പിറന്നാൾ ആശംസകളുമായി സംയുക്ത വർമ

നേരത്തെ ഒരു അഭിമുഖത്തിൽ ബഹുഭാര്യത്വത്തെ താൻ അംഗീകരിക്കുന്നതായി അക്കോൺ പറഞ്ഞിരുന്നു. തങ്ങളുടെ സംസ്കാരം അതിനോട് യോജിക്കുകയും അംഗീകരിക്കുകയും ചെയ്യുന്നു എന്ന് വെളിപ്പെടുത്തിയ ഗായകൻ തനിക്ക് 9 കുട്ടികൾ ഉണ്ട് എന്ന് പറഞ്ഞത് പലർക്കും ഞെട്ടലായിരുന്നു. അതേ സമയം കുടുംബ ബന്ധങ്ങൾക്കും ഞാൻ വളരെ അധിക പ്രാധാന്യം നൽകുന്നു എന്നാണ് ഗായകൻ പറഞ്ഞത്.

ഷാരൂഖ് ഖാൻ ആണ് അക്കോണിനെ ബോളിവുഡ് സിനിമാ ലോകത്തിന് പരിചയപ്പെടുത്തിയത്. ഷാരൂഖ് ഖാനും കരീന കപൂറുംകേന്ദ്ര കഥാപാത്രങ്ങളായി എത്തിയ രാ-വൺ എന്ന ചിത്രത്തിൽ രണ്ട് പാട്ടുകൾ അദ്ദേഹം പാടിയിട്ടുണ്ട്. അതിലെ ചമ്മക് ചലോ വൻ വൈറലുമായിരുന്നു, ഇന്നും ജനം ആ പാട്ട് ആഘോഷിക്കുകയും ചെയ്യുന്നുണ്ട്.