40 സിനിമകളിൽ നിന്നും വെട്ടി കളഞ്ഞ ജിബിൻ! മധുപോറ്റിയായി വേഷപ്പകർച്ച; പോലീസ് ഓഫീസർ സിനിമ നടൻ ആയതിങ്ങനെ

പ്രണവ് മോഹൻലാലിൻറെ കരിയറിൽ ഏറെ ശ്രദ്ധിക്കപെടുന്ന കഥാപാത്രമാണ് ഡീയസ് ഈറെ . ചിത്രത്തിൽ കിടിലൻ പ്രകടനം ആണ് പ്രണവ് കാഴ്ചവയ്ക്കുന്നത്. ഹൊറർ മൂവി ആയി എത്തിയ ചിത്രത്തിൽ പ്രണവിനെപോലെ തന്നെ സ്‌ക്രീൻ സ്‌പെയ്‌സ് കിട്ടി കൈയടി നേടിയ ആളാണ് ജിബിൻ ഗോപിനാഥ് . ചന്ദ്രിക എന്ന ഷോർട്ട് ഫിലിമിൽ നായകൻ ആയി വേഷമിട്ട ജിബിന്റെ അഭിനയയാത്ര ഇന്ന് മമ്മൂട്ടിയുടെ സിനിമ വരെ എത്തിനിൽക്കുന്നു. സിവിൽ പോലീസ് ഓഫീസർ ആയ ജിബിൻ ജോലിയിൽ നിന്നും ലീവ് എടുത്ത ശേഷമാണ് തന്റെ പാഷനുവേണ്ടിയുള്ള യാത്രയിൽ സജീവം ആകുന്നത്. മധുസൂദനൻ പോറ്റി എന്ന കഥാപാത്രം ആയിട്ടാണ് ഡീയസ് ഈറെയിൽ ഇദ്ദേഹം എത്തുന്നത്. കണ്ണുകൾ കൊണ്ട് പോലും വിസ്മയം സൃഷ്ടിക്കുന്ന ജിബിൻ പോലീസ് ഉദ്യോഗസ്ഥൻ കൂടിയാണ്.

ജിബിനെ കുറിച്ച് രാഗീത് ബാലൻ പങ്കിട്ട പോസ്റ്റ്

രണ്ടു വർഷങ്ങൾക്ക് മുൻപ് മെസ്സഞ്ചറിൽ ഒരു വോയിസ്‌ നോട്ട് വന്നു എനിക്ക്.. അത് അയച്ച ആളുടെ പേര് Jibin Gopinath എന്നായിരുന്നു...ഞാൻ ജൂനിയർ ആർട്ടിസ്റ്റുകളെ കുറിച്ച് സിനിമ ഗ്രൂപ്പുകളിൽ എഴുതിയ ഒരു പോസ്റ്റ്‌ വായിച്ചിട്ടാണ് അദ്ദേഹം എനിക്ക് വോയിസ്‌ നോട്ട് ഇടുന്നത്..

"ഹലോ ഞാൻ ജിബിൻ അത്യാവശ്യം കുറച്ചു സിനിമകളിൽ (അതിനൊപ്പം തന്നെ ചിരിച്ചു കൊണ്ട് )ചെറിയ ചെറിയ വേഷങ്ങൾ ചെയ്യുന്ന.. ഇപ്പോൾ കുറച്ചു വലിയ വേഷങ്ങളൊക്കെ കിട്ടുന്നുണ്ട്.. 47പടങ്ങളിൽ ജൂനിയർ ആർട്ടിസ്റ്റ് ആയി പോയിട്ടുണ്ട്.. കണക്കിൽ 47ആണ് എഴുതി വെച്ചിട്ടുണ്ട്.. 40സിനിമകളിലും ഞാനില്ല.. ഓരോ സിനിമകൾ ഇറങ്ങുമ്പോഴും എല്ലാരേയും വിളിച്ചു കൊണ്ട് തീയേറ്ററിൽ പോകും.. പക്ഷെ അതിൽ ഒന്നും ഞാൻ ഉണ്ടാകാറില്ല.. സിനിമ എനിക്ക് വെറുതെ അല്ല എന്നും അത് ആത്മാർത്ഥതയോടെ ചെയ്യുന്ന ഒന്നാണെന്നു തെളിയിക്കുവാൻ കൂടി വേണ്ടി ആണ് കയ്യിന്നു കാശു മുടക്കി ഒരുപാടു ആളുകളെ തീയേറ്ററിൽ കൊണ്ടുപോയത്.

അങ്ങനെ ഞങ്ങൾ തമ്മിൽ ഉള്ള ബന്ധം അങ്ങ് വളർന്നു.. ഫോൺ നമ്പർ ഇങ്ങോട്ടേക്ക് അയച്ചു തന്നു സേവ് ചെയ്യാൻ പറഞ്ഞു.. സേവ് ചെയ്തു.. ഇറങ്ങുന്ന ഓരോ സിനിമകളുടെയും അപ്ഡേറ്റസ് നൽകികൊണ്ട് ഇരുന്നു..

ഒരുപാടു സിനിമകളിൽ അഭിനയിച്ചു.. 40 സിനിമകളിൽ കാണാതെ പോയ വെട്ടി കളഞ്ഞ ജിബിൻ ഗോപിനാഥ് എന്ന നടന്റെ മുഖം ഇപ്പോൾ തീയേറ്ററുകളിൽ പ്രദർശിപ്പിക്കുന്ന ഡീയസ് ഈറേ എന്ന പ്രണവ് മോഹൻലാൽ സിനിമയിൽ ഉണ്ട്.. അതൊരു ജൂനിയർ ആർട്ടിസ്റ്റ് ആയിട്ടല്ല.. വെറുമൊരു പാസ്സിങ് ഷോർട് അല്ല.. പ്രണവ് മോഹൻലാലിനോപ്പം മുഴുനീള വേഷത്തിൽ ജിബിന്‍ ഗോപിനാഥൻ ചേട്ടനും ഉണ്ട് മധുസൂദനന്‍ പോറ്റി എന്ന ശക്തമായ കഥാപാത്രം ആയി.അദ്ദേഹത്തിനു മികച്ച പെർഫോമിങ് സ്പേസ് നൽകുന്ന സിനിമയാണ് ഡീയസ് ഈറെ.

മധുസൂദനന്‍ പോറ്റിയുടെ മുഖത്തു ഭീതിയുടെയും ആകാംക്ഷയുടെയും ഭാവങ്ങൾ മിന്നി മറഞ്ഞപ്പോൾ അക്ഷരാർത്ഥത്തിൽ ജിബിൻ ചേട്ടൻ ഞെട്ടിച്ചു..ഉള്ളിലെ ഭയം കാണുന്ന പ്രേക്ഷകനുമായി കണക്ട് ചെയ്യിക്കാൻ അധികം സംഭാഷണങ്ങളുടെയൊന്നും ആവശ്യമില്ലെന്ന് പല രംഗങ്ങളിലും അദ്ദേഹം തെളിയിക്കുന്നുണ്ട്.
ALSO READ: ദിയ കൃഷ്ണ എന്ന വ്യക്തിക്ക് വേണ്ടി എനിക്ക് ജയിച്ചേ പറ്റൂ! തോൽക്കും എന്ന് വിചാരിച്ചവർക്ക് ഉള്ള ഉത്തരമാണിത്; അശ്വിൻ പറയുന്നു

മോഹൻലാൽ പഠിച്ച എം.ജി കോളേജിലായിരുന്നു അദ്ദേഹം ഡിഗ്രി പഠിച്ചത്. തിരുവനന്തപുരത്തൊക്കെ ഷൂട്ടിങ് വന്നാല്‍ ജൂനിയര്‍ ആര്‍ട്ടിസ്റ്റുകളെ കൊണ്ടുപോകുന്ന സ്ഥലങ്ങളിലൊന്നായിരുന്നു ആ കോളേജ്. എന്തു ഷൂട്ടിംഗ് വന്നാലും കൂടെയങ്ങ് പോകും. പബ്ലിക് എക്‌സാം മുടക്കി പോയ ചെയ്ത സിനിമ ആയിരുന്നു താണ്ഡവം.നെടുമുടി വേണുവിന്റെ ചേട്ടൻ കഥാപാത്രം മരിച്ചപ്പോള്‍ മോഹൻലാൽ അവതരിപ്പിച്ച കാശിനാഥൻ സ്ലോമോഷനിൽ വരുന്ന രംഗത്തിൽ ആണ് ആദ്യമായി ജിബിൻ ചേട്ടന്റെ മുഖം കാണിച്ചത്..

താണ്ഡവം. തീയേറ്ററിൽ റിലീസ് ആയി..കാശിനാഥൻ തന്റെ മരിച്ചു കിടക്കുന്ന ചേട്ടനെ കാണുവാൻ സ്ലോ മോഷനിൽ നടന്നു വരുന്നു.. ഈ രംഗം കണ്ടു തീയേറ്ററിൽ സന്തോഷം സഹിക്കാനാവാതെ കയ്യിലിരുന്ന പേപ്പറൊക്കെ വാരിയങ്ങ് എറിഞ്ഞു അന്ന് സന്തോഷം പ്രകടിപ്പിച്ച ഒരേ ഒരാൾ ആണ് ജിബിൻ ചേട്ടൻ.. അന്ന് ഫാന്‍സിന്റെ വക നല്ല ചീത്തയും കേട്ടു.

ദുൽഖർ സൽമാനും സാമന്തക്കൊപ്പവും ഫോൺ പേയുടെ പരസ്യചിത്രത്തിൽ അഭിനയിച്ചിട്ടുണ്ട്.അതിനു ശേഷം 2024ൽ മാത്രം പത്തു സിനിമകളിൽ പല ചെറിയ വേഷങ്ങളിൽ ആയി അഭിനയിച്ചു.

2007 മുതൽ 2023 വരെ സിവിൽ പോലീസ് ഓഫീസറായി സേവനമനുഷ്ഠിച്ചു ഇപ്പോൾ അഭിനയത്തിനായി 5വർഷം ലീവ് എടുത്തേക്കുക ആണ്. ഇനിയും വരാൻ പോകുന്ന ചിത്രങ്ങൾക്കായി നമ്മൾ കാത്തിരിക്കുന്നു എന്നാണ് ആരാധകർ കമന്റുകൾ പങ്കിടുന്നത്.

ഡീയസ് ഇറ ഒറ്റക്കൊമ്പൻ. മിസ്റ്റർ ആൻഡ് മിസ്സിസ് ബാച്ചിലർ, എൽ ജഗദമ്മ 7 ബി
ഞാൻ കണ്ടതാ സാറേ ഒരു കട്ടിൽ ഒരു മുറി, ചിത്തിനി, കിഷ്കിന്ധ കാണ്ഡം, വാഴ എന്നിങ്ങനെ പ്രേക്ഷകരുടെ മനസ്സിൽ ഇടം പിടിച്ച സിനിമകളിലും ജിബിൻ അഭിയിച്ചിരുന്നു .