2 months ago
4
Authored by: ഋതു നായർ|Samayam Malayalam•23 Oct 2025, 10:11 am
സ്വന്തം താരമൂല്യത്തെ കുറിച്ച് ബോധവാനല്ലാത്ത ആളെന്നാണ് പൃഥ്വിരാജ് സ്വന്തം സുഹൃത്തിനെ വിലയിരുത്തുന്നത്. തനിക്ക് ചുറ്റുമുള്ളവരെ വളരെയധികം സ്നേഹിക്കുകയും പരിഗണിക്കുകയും ചെയ്യുന്ന വ്യക്തി കൂടിയാണ് പ്രഭാസ് എന്നദ്ദേഹം പറയുന്നു.
പ്രഭാസ്(ഫോട്ടോസ്- Samayam Malayalam)തെലുഗു സംവിധായകനായ ഉപ്പളപ്പട്ടി സൂര്യനാരായണ രാജുവിന്റെ മകനായ പ്രഭാസ് 2002 ൽ ഈശ്വറെന്ന ചിത്രത്തിലൂടെയാണ് വെള്ളിത്തിരയിലെത്തുന്നത്. വർഷം, ഛത്രപതി, മിർച്ചി തുടങ്ങിയ ചിത്രങ്ങളിലൂടെ അദ്ദേഹം പ്രശസ്തനായി. ഡാർലിംഗ്, യോഗി, ബില്ല തുടങ്ങിയ ചിത്രങ്ങൾ അദ്ദേഹത്തെ തെലുങ്ക് സിനിമയിൽ ഒരു ജനപ്രിയ മുഖമാക്കി മാറ്റി. എന്നാൽ എസ്.എസ്. രാജമൗലിയുടെ ബാഹുബലി പരമ്പരയാണ് അദ്ദേഹത്തെ ഇന്ത്യ മുഴുവൻ ഒരു താരമാക്കി മാറ്റിയത്. പിന്നീട് സലാർ, കൽക്കി തുടങ്ങിയ ചിത്രങ്ങളിലൂടെ ഇന്ത്യൻ സിനിമയിലെ തന്നെ ശതകോടികൾ തൂത്തുവാരുന്ന താരമായി പ്രഭാസ് മാറി. ആരാധകർ ആരും കൊതിക്കുന്ന ദൃഢശരീരവും, പരുക്കൻ ശരീരവും ഉള്ള പെർഫെക്റ്റ് ഹീറോ മെറ്റീരിയൽ ആണെങ്കിലും, വളരെ നാണം കുണുങ്ങിയും, താരജാഡകൾ അല്പം പോലും ഇല്ലാത്ത വ്യക്തിത്വവുമാണ് പ്രഭാസ് എന്ന് അടുപ്പക്കാർ പറയുന്നു
എല്ലാവർക്കും മികച്ച ഭക്ഷണങ്ങൾ പങ്കിടുകയും, ഏവരെയും കംഫർട്ട് ആക്കി മാറ്റുകയും ചെയ്യുന്ന വ്യക്തിയാണ് പ്രഭാസ് എന്നും, അതിനാൽ തന്നെയാണ് ആരാധകർ പ്രഭാസിനെ ഡാർലിംഗ് എന്ന് വിളിക്കുന്നതെന്നാണ് പൃഥ്വി രാജിന്റെ അഭിപ്രായംALSO READ: സിനിമ സ്റ്റൈലിൽ അല്ലേ രേണുവിന്റെ ജീവിതം മൊത്തത്തിൽ മാറിമറിഞ്ഞത്! ഇപ്പോൾ ആർട്ടിസ്റ്റ് ആയല്ലോ ട്രാൻസ്ഫോർമേഷൻ വേണം
സ്വന്തം കരിയറിൽ റിസ്ക് എടുക്കുന്നതിനുള്ള സന്നദ്ധതയാണ് പ്രഭാസിനെ വ്യത്യസ്തനാക്കുന്നത്. രാജമൗലി അടക്കമുള്ള ഒന്നാം നിര സംവിധായകർക്കൊപ്പം അവസരങ്ങൾ ഒരുപാടുള്ളപ്പോഴും, പുതുമുഖ സംവിധായകർക്കും പുതിയ പ്രമേയങ്ങൾക്കും അവസരം നൽകുവാൻ അദ്ദേഹം സന്നദ്ധനാണ്. ബാഹുബലി, രാധേ ശ്യാം, കൽക്കി 2898 AD, സലാർ, ആദിപുരുഷ് എന്നിങ്ങനെ പ്രഭാസ് കഴിഞ്ഞ കാലങ്ങളിൽ ചെയ്ത ഓരോ ചിത്രവും വ്യത്യസ്ത ശ്രേണികളിൽ ഉള്ളവയായിരുന്നു എന്നതിൽ നിന്ന് തന്നെ താരം ഒരേ തരം സിനിമകളുടെ ഭാഗമാകാൻ ആഗ്രഹിക്കുന്നില്ല എന്ന് വ്യക്തമാണ്. അതിനാൽ തന്നെ എപ്പോഴും ഉയർച്ചകളും താഴ്ചകളും നിറഞ്ഞതായിരുന്നു അദ്ദേഹത്തിന്റെ കരിയർ.
ഹൈദരാബാദിൽ അറുപതു കോടി രൂപ മതിക്കുന്ന ആഡംബരഗേഹം സ്വന്തമായുള്ള ബാഹുബലി താരം ആഡംബര കാറുകളിൽ വളരെ താല്പര്യമുള്ള ഒരാളാണ്. ലംബോർഗിനി അവന്റഡോർ റോഡ്സ്റ്റർ, റോൾസ് റോയ്സ് ഫാന്റം, ലാൻഡ് റോവർ റേഞ്ച് റോവർ എസ്.വി ഓട്ടോബയോഗ്രഫി LWB, ജാഗ്വർ SJ, ബി.എം.ഡബ്ള്യു X3 എന്നിങ്ങനെ പ്രഭാസിന്റെ ഗാരേജിൽ വിശ്രമിക്കുന്ന അന്താരാഷ്ട്ര വാഹനഭീമന്മാരും നിരവധി. മുന്നൂറ്റിയന്പത് കോടി രൂപയോളം ആസ്തിയുള്ള താരം ഇപ്പോഴും അവിവാഹിതനാണ് എന്നതാണ് ആരാധകരെ വിഷമിപ്പിക്കുന്ന ഒരേയൊരു കാര്യം.
മലയാളികളുടെ പ്രിയതാരം മാളവിക മോഹൻ തെലുഗ് സിനിമയിൽ പ്രവേശിക്കുന്ന രാജാ സാബ് ആണ് പ്രഭാസിന്റെ റിലീസ് ആകാൻ പോകുന്ന ചിത്രം. കൽക്കി 2898 ന്റെ രണ്ടാം ഭാഗം, ഫൗജി, സലാർ 2, സ്പിരിറ്റ് തുടങ്ങി വമ്പൻ പ്രോജക്ടുകളുടെ ഒരു നിര തന്നെയാണ് റിബൽ സ്റ്റാറിന്റെ വരാൻ പോകുന്ന സിനിമകളായുള്ളത്.
English (US) ·