60 വയസ്സ്, ഇതുവരെ പാര്‍ലറില്‍ പോയിട്ടില്ല! തന്റെ സൗന്ദര്യ രഹസ്യം വെളിപ്പെടുത്തി വിനയ പ്രസാദ്

1991 ല്‍ പെരുന്തച്ചന്‍ എന്ന ക്ലാസിക് ഹിറ്റ് ചിത്രത്തിലൂടെ മലയാള സിനിമയിലേക്ക് അരങ്ങേറ്റം കുറിച്ച കന്നട നടിയാണ് വിനയ പ്രസാദ് . അവിടെ നിന്നിങ്ങോട്ട് നിരവധി സിനിമകളില്‍ വിനയ പ്രസാദ് നായികയായി. മലയാളിത്തനിമയുള്ള ഐശ്വര്യമുള്ള മുഖം. മലയാളത്തിലെ ലക്ഷണമൊത്ത നായിക എന്ന് കേരളം വിശേഷിപ്പിച്ചു. എന്നാല്‍ കര്‍ണാടകക്കാരിയായ വിനയ പ്രസാദ്, മലയാള സിനിമയിലെന്നതു പോലെ തന്നെ തമിഴിലും തെലുങ്കിലും എല്ലാം സജീവമായിരുന്നു.

1986 ല്‍ തുടങ്ങിയതാണ് വിനയ പ്രസാദിന്റെ അഭിനയ ജീവിതം. അതിനിടയില്‍ വിവാഹിതയാകുകയും, പ്രസവിക്കുകയുമൊക്കെ ചെയ്തുവെങ്കിലും അക്കാലത്തെ നായികമാരെ പോലെ ഇന്റസ്ട്രിയില്‍ നിന്ന് മാറി നിന്നില്ല. സിനിമകളിലും സീരിയലുകളിലും ആങ്കറിങിലും മറ്റ് ടെലിവിഷന്‍ ഷോകളിലും എല്ലാ വിനയ പ്രസാദ് സജീവമായിരുന്നു. ഇന്ന് 12 വയസ്സുകാരിയുടെ അമ്മൂമ്മയായ വിനയ പ്രസാദിന് 60 വയസ്സുണ്ട്. പക്ഷേ ഇന്നും ആ സൗന്ദര്യത്തിന് ഒരു കോട്ടവും തട്ടിയിട്ടില്ല.

Also Read: 3 വര്‍ഷം മുന്‍പുള്ള ഞാനല്ല ഇപ്പോള്‍, എന്നെ തന്നെ വിശ്വസിക്കാനും തീരുമാനത്തില്‍ ഉറച്ചു നില്‍ക്കാനും ഇപ്പോള്‍ കഴിയുന്നു; സാം പറയുന്നു

എന്താണ് വിനയ പ്രസാദിന്റെ സൗന്ദര്യ രഹസ്യം എന്ന് ചോദിച്ചാല്‍, ഇതുവരെ താന്‍ ബ്യൂട്ടി പാര്‍ലറില്‍ പോയിട്ടില്ല എന്നതു തന്നെയാണ്. ഒരു കന്നട ചാനലിന് നല്‍കിയ അഭിമുഖത്തിലാണ് വിനയ പ്രസാദ് തന്റെ സൗന്ദര്യ രഹസ്യം വെളിപ്പെടുത്തിയത്.

പണ്ടു മുതലേ ആയുര്‍വേദത്തില്‍ വിശ്വസിക്കുന്ന ആളാണ് വിനയ പ്രസാദ്. ഒരു കഷായം കുടിക്കുന്നുണ്ട്, അത് ചര്‍മത്തിനും, കണ്ണിന്റെ കാഴ്ചയ്ക്കും, മറ്റ് ആരോഗ്യ പ്രശ്‌നങ്ങള്‍ക്കുമെല്ലാം പരിഹാരമാണ്. അതല്ലാതെ, വീട്ടില്‍ ഉള്ള കടലമാവ് പോലുള്ള സാധനങ്ങള്‍ വച്ച് എന്തെങ്കിലും നുറുക്കു വിദ്യകള്‍ ചെയ്യും. പപ്പായ മുഖത്തു പുരട്ടുന്നത്, തക്കാളി പുരട്ടുന്നത് പോലുള്ളവ. അതല്ലാതെ ബ്യൂട്ടി പാര്‍ലറില്‍ പോകുകയോ, എന്തെങ്കിലും ട്രീറ്റ്‌മെന്റ് എടുക്കുകയോ ചെയ്തിട്ടില്ല എന്ന് നടി വ്യക്തമാക്കുന്നു. ജെനിറ്റിക്കായി കിട്ടിയതും, വീട്ടില്‍ തന്നെ ചെയ്യാന്‍ സാധിക്കുന്ന ചില പൊടിക്കൈകളും ചേര്‍ന്നാണ് വിനയ പ്രസാദ് ഈ 60 വയസ്സിലും 40 ന്റെ ചെറുപ്പം കാത്തു സൂക്ഷിക്കുന്നത്.

Also Read: ശ്രീനിവാസൻ ഇനിയില്ല അതൊരു സത്യമാണ്; പക്ഷേ, ആ സത്യം പൂർണമായി ഉൾക്കൊള്ളാൻ എനിക്കിപ്പോഴും കഴിയുന്നില്ല

മാനസിക സന്തോഷവും വലിയൊരു കാരണമാണ്. അധികം ദേഷ്യം പിടിക്കുകയോ, ടെന്‍ഷനടിക്കുകയോ ചെയ്യുന്ന ആളല്ല വിനയ പ്രസാദ്. എന്തും സംഭവിക്കേണ്ടതാണ് സംഭവിക്കുന്നത്. ദേഷ്യം പിടിച്ചതുകൊണ്ടോ, ടെന്‍ഷനടിച്ചതുകൊണ്ടോ, നിരാശപ്പെട്ടതുകൊണ്ടോ കാര്യമില്ല എന്നാണ് നടിയുടെ വിശ്വാസം.