9 വർഷത്തെ ബന്ധം അവസാനിച്ചിട്ട് മാസം ഒന്ന് തികഞ്ഞില്ല, കേറ്റി പെറി പ്രണയത്തിൽ! മുൻ കാനഡ പ്രധാനമന്ത്രിയുമായുള്ള ചിത്രങ്ങൾ വൈറലാവുന്നു

Authored by: അശ്വിനി പി|Samayam Malayalam•30 Jul 2025, 2:13 pm

കേറ്റി പെറിയും ഓർലാൻറോ ബ്ലൂമും തമ്മിലുള്ള വേർപിരിയൽ വാർത്തകൾ കഴിഞ്ഞ കുറച്ച് ആഴ്ചകളായി സോഷ്യൽ മീഡിയയിൽ വലിയ ചർച്ചയായിരുന്നു. ഒൻപത് വർഷത്തോളം ഒന്നിച്ച് ജീവിച്ചതിന് ശേഷമാണ് ഗായിക കേറ്റി പെറിയും നടൻ ഓർലാൻറോ ബ്ലൂമും വേർപിരിഞ്ഞത്. ലൈഫ് ടൈംസ് ടൂറിന്റെ ഭാഗമായി കേറ്റി ഓസ്ട്രേലിയയിലേക്ക് പോയ സമയത്തായിരുന്നു വേർപിരിയൽ വാർത്ത വന്നത്. പിന്നാലെ ഷോയിൽ വികാരഭരിതയായി പൊട്ടിക്കരഞ്ഞ ഗായികയുടെ വീഡിയോകളും വൈറലായി.

ഇപ്പോഴിതാ കേറ്റി പെറി മറ്റൊരു പ്രണയ ബന്ധത്തിലേക്ക് കടന്നു എന്ന വാർത്തയാണ് പുറത്തുവരുന്നത്. കാനഡയുടെ മുൻ പ്രധാനമാന്ത്രി ജസ്റ്റിൻ ട്രൂഡോയുമായി കേറ്റി പെറി പ്രണയത്തിലാണ് എന്ന് സൂചിപ്പിയ്ക്കുന്ന ഫോട്ടോകളും വീഡിയോകളും എല്ലാം സോഷ്യൽ മീഡിയയിൽ വൈറലാവുകയാണ്.

ഒരു ഹൈ-എൻഡ് ഫ്രഞ്ച് റെസ്റ്റോറന്റിൽ ഒരുമിച്ച് ഭക്ഷണം കഴിക്കുന്ന ഫോട്ടോകളാണ് പുറത്തുവന്നത്. കേറ്റി പെറിയുടെ കാനഡ പര്യടനത്തിനിടയിൽ കഴിഞ്ഞ ദിവസം വൈകുന്നേരം ഇരുവരും ഒന്നിച്ച് ഒരു മനോഹരമായ സായാഹ്നം പങ്കിട്ടതായി റസ്റ്റോറൻറ് അധികൃതരും മറ്റ് ദൃക്സാക്ഷികളും സോഷ്യൽ മീഡിയയിൽ കുറിക്കുന്നു.

Also Read: എൻറെ ഭാര്യയാണ് എന്ന് പറഞ്ഞ് ഒരു സ്ത്രീ വന്നു, പത്രസമ്മേളനം വിളിക്കുമെന്ന് പറഞ്ഞുകൊണ്ടായിരുന്നുച പൃഥ്വിരാജ് സുകുമാരൻ പറയുന്നു

അവരിരുവരും മനോഹരമായ ഒരു വൈകുന്നേരം ഇവിടെ ആസ്വദിച്ചതായിട്ടാണ് തോന്നിയത്. ഭക്ഷണം കഴിച്ചതിന് ശേഷം, സേവനത്തിന് അവിടെയുല്ള ജീവനക്കാരോട് നന്ദി പറയുകയും ചെയ്തിരുന്നുവത്രെ. ഡിന്നറിന് പോകുന്നതിന് മുൻപ് കാറ്റി പെറിയും ജസ്റ്റിൻ ട്രൂഡോയും മോൺട്രിയലിലെ മൗണ്ട് റോയൽ പാർക്കിലൂടെ ഒരു നടത്തത്തിന് പോയി. അതും മനോഹരമായ ഒരു കാഴ്ചയായിട്ടാണ് കണ്ടവർ സോഷ്യൽ മീഡിയയിൽ പങ്കിടുന്നത്. ഇതോടെയാണ് ഇരുവരുടെയും പ്രണയ ഗോസിപ്പുകൾ പ്രചരിച്ചത്.

Also Read: 28 നും ഓമിയെ കാണിക്കില്ല! പകരം രണ്ടുസ്‌പെഷ്യൽ ഡേ ഒന്നിക്കുന്ന ദിവസം കുഞ്ഞിനെ കാണിക്കുമെന്ന് ദിയ കൃഷ്ണ

ഓർലാൻറോ ബ്ലൂമുമായി കേറ്റി പെറി വേർപിരിഞ്ഞുവെങ്കിലും, ആ സൌഹൃദം തുടരുമെന്നാണ് റിപ്പോർട്ടുകൾ. ഇരുവർക്കും നാലവയസ്സുകാരിയായ മകളുണ്ട്. അവളുടെ പാരൻറ്സ് എന്ന നിലയിലുള്ള സൌഹൃദം തുടരുമെന്നും, മകളുടെ കാര്യത്തിൽ രണ്ട് പേർക്കും തുല്യ ഉത്തരവാദിത്വമാണ് എന്നും ഇരുവരുടെയും പ്രതിനിധികൾ മാധ്യമങ്ങളെ അറിയിച്ചിരുന്നു.
അതേ സമയം ജസ്റ്റിൻ ട്രൂഡോയും വിവാഹ മോചിതനാണ്. 18 വർഷത്തെ ദാമ്പത്യത്തിന് ശേഷം 2023 ൽ ആണ് ട്രൂഡോ ഭാര്യ സോഫി ഗ്രെഗോയറുമായി വേർപിരിഞ്ഞത്. മൂന്ന് മക്കളാണ് ഈ ബന്ധത്തിൽ ഇരുവർക്കുമുള്ളത്.