അതുകൊണ്ടുതന്നെ അഴിച്ചുപണിയോടെ കിരീടത്തിലേക്കുള്ള തിരിച്ചുവരവാണ് ഇവർ ലക്ഷ്യമിടുന്നത്. ഇതിൽ സിഎസ്കെ സഹീർ ഖാനെ മുഖ്യ പരിശീലകനാക്കി പുത്തൻ തന്ത്രങ്ങളോടെയാണ് ഇറങ്ങാൻ പോകുന്നത്. വരുന്ന സീസണിൽ സിഎസ്കെ ലക്ഷ്യമിടുന്ന പ്ലേയിങ് ഇലവനിൽ ആരൊക്കെയാണ് ഉണ്ടാവുക?. സാധ്യതാ ഇലവൻ പരിശോധിക്കാം.
യുഎസിൽ വോട്ടർ തട്ടിപ്പ് റിപ്പോർട്ട് ചെയ്താൽ 8 കോടി രൂപ നൽകും; പാരിതോഷികവുമായി ട്രംപ്
ഓപ്പണർമാരായി ആയുഷ് മാത്രെയും സഞ്ജു സാംസണും തുടരും. മിനി താരലേലമാണ് അടുത്ത സീസണിന് മുമ്പ് നടക്കാനുള്ളത് എന്നതിനാൽ സിഎസ്കെ ഓപ്പണിങ് പൊളിക്കാനുള്ള നീക്കത്തിന് തയ്യാറായേക്കില്ല. യുവതാരം ആയുഷ് മാത്രെ ഇതിനോടകം ഓപ്പണിങ്ങിൽ മികവ് കാട്ടിയ താരമാണ്. സഞ്ജു സാംസൺ ഇന്ത്യയുടെ ഓപ്പണറായ സീനിയർ താരമാണ്. അതുകൊണ്ടുതന്നെ ഈ കൂട്ടുകെട്ടിനെ വിശ്വസിച്ച് ഇന്ത്യ മുന്നോട്ട് പോകാനാണ് സാധ്യത കൂടുതൽ.
മൂന്നാം നമ്പറിൽ റുതുരാജ് ഗെയ്ക് വാദിനെ പ്രതീക്ഷിക്കാം. വരുന്ന സീസണിലും നായകനായി റുതുരാജ് തുടരുമെന്നാണ് റിപ്പോർട്ട്. റുതുരാജിന് കീഴിൽ സിഎസ്കെയ്ക്ക് പ്രതീക്ഷിച്ച മികവ് കാട്ടാൻ സാധിച്ചിട്ടില്ലെന്നത് വസ്തുതയാണ്. എന്നാൽ വരുന്ന സീസണിൽക്കൂടി അവസരം നൽകാൻ ടീം മാനേജ്മെന്റ് തയ്യാറാവുമെന്നാണ് നിലവിൽ പുറത്തുവരുന്ന വിവരം.
നാലാം നമ്പറിൽ ഉർവിൽ പട്ടേലിനെ കളിപ്പിച്ചേക്കും. വമ്പനടിക്കാരനായ വിക്കറ്റ് കീപ്പർ ബാറ്റ്സ്മാനാണ് ഉർവിൽ. താരത്തിന്റെ സ്ഥിരത ചോദ്യം ഉയർത്തുന്ന കാര്യമാണ്. എന്നാൽ ഫോമിലേക്കെത്തിയാൽ കുറഞ്ഞ പന്തുകളിലൂടെ മത്സരഫലത്തെ മാറ്റി മറിക്കാൻ ഉർവിലിന് കഴിവുണ്ട്. അതുകൊണ്ടുതന്നെ ഉർവിലിന് സിഎസ്കെ അവസരം നൽകാൻ സാധ്യത കൂടുതലാണ്.
അഞ്ചാം നമ്പറിൽ ഡെവാൾഡ് ബ്രെവിസുണ്ടാവും. സൗത്താഫ്രിക്കൻ താരം അവസാന സീസണിൽ നിരാശപ്പെടുത്തിയത് സിഎസ്കെയെ കാര്യമായി ബാധിച്ചിരുന്നു. ഇത്തവണയും മധ്യനിരയിൽ ബ്രെവിസിനെ പ്രതീക്ഷിക്കാം. ബ്രെവിസിന്റെ പ്രകടനം സിഎസ്കെയെ സംബന്ധിച്ച് വളരെ നിർണ്ണായകമായിരിക്കുമെന്ന് തന്നെ പറയാം.
ഫിനിഷർ റോളിൽ ആറാമനായി ഹാർദിക് പാണ്ഡ്യയെ പ്രതീക്ഷിക്കാം. ഹാർദിക്കിനെ ഒപ്പം കൂട്ടുന്ന കാര്യത്തിൽ സിഎസ്കെ ഏറെക്കുറെ ധാരണയിലേക്കെത്തിയെന്ന് തന്നെയാണ് വിവരം. ഭാവിയിൽ ക്യാപ്റ്റൻ സ്ഥാനമടക്കം ഓഫർ ചെയ്ത് ഹാർദിക്കിനെ സിഎസ്കെ ഇത്തവണ ഒപ്പം കൂട്ടിയേക്കും. ഹാർദിക്കിനെപ്പോലൊരു പേസ് ഓൾറൗണ്ടറുടെ വിടവ് ഏറെ നാളുകളായി സിഎസ്കെയെ ബാധിക്കുന്ന കാര്യമാണ്.
ഏഴാം നമ്പറിൽ സ്പിൻ ഓൾറൗണ്ടറായി സായ് കിഷോർ എത്തിയേക്കും. പന്തുകൊണ്ട് നിർണ്ണായക പ്രകടനം നടത്താൻ ശേഷിയുള്ള സായിക്ക് ബാറ്റുകൊണ്ടും ശോഭിക്കേണ്ടത് അത്യാവശ്യമാണ്. എട്ടാം നമ്പറിൽ ലിയാം ലിവിങ്സ്റ്റണെ കൊണ്ടുവന്നേക്കും. ഇംഗ്ലണ്ട് സ്പിൻ ഓൾറൗണ്ടറും സീനിയർ താരവുമായ ലിവിങ്സ്റ്റണിന് നിർണ്ണായക റോൾ സിഎസ്കെ നൽകിയേക്കും.
ഒമ്പതാം നമ്പറിൽ ദീപക് ചഹാറിനേയും 10ാം നമ്പറിൽ ഇംഗ്ലണ്ടുകാരനായ ജാമി ഓവർട്ടനേയും പ്രതീക്ഷിക്കാം. 11ാം നമ്പറിൽ ഖലീൽ അഹമ്മദിനെ സിഎസ്കെ കളിപ്പിച്ചേക്കും. മുംബെെ ഇന്ത്യൻസിൽ നിന്ന് ദീപക് ചഹാറിനെ തിരികെ കൊണ്ടുവരാനും സിഎസ്കെ ശ്രമം നടത്തുന്നുണ്ടെന്നാണ് പുറത്തുവരുന്ന വിവരം.
2027ലെ സിഎസ്കെയുടെ സാധ്യതാ ഇലവൻ: ആയുഷ് മാത്രെ, സഞ്ജു സാംസൺ, റുതുരാജ് ഗെയ്ക് വാദ് (ക്യാപ്റ്റൻ), ഉർവിൽ പട്ടേൽ, ഡെവാൾഡ് ബ്രെവിസ്, ഹാർദിക് പാണ്ഡ്യ, സായ് കിഷോർ, ലിയാം ലിവിങ്സ്റ്റൺ, ഖലീൽ അഹമ്മദ്, ജാമി ഓവർട്ടൻ, ദീപക് ചഹാർ.






English (US) ·