IPL 2026: രാജസ്ഥാന് എട്ടിന്റെ പണി, സൂപ്പർ ഓൾറൗണ്ടർക്ക് പരിക്ക്; എത്ര മത്സരങ്ങൾ നഷ്ടമാവും? ആശങ്കയായി ഈ റിപ്പോർട്ട്

ഇന്ത്യൻ പ്രീമിയർ ലീഗിന്റെ 2026 സീസൺ 28ന് ആരംഭിക്കാൻ പോവുകയാണ്. ഇനി എട്ട് ദിവസത്തെ കാത്തിരിപ്പ് മാത്രമാണ് ടൂർണമെന്റ് ആരംഭിക്കാനുള്ളത്. അവസാന സീസണിലെ കണക്കുവീട്ടി കപ്പിലേക്കെത്താനുള്ള തയ്യാറെടുപ്പിലാണ് ടീമുകൾ. എന്നാൽ പരിക്ക് പല ടീമുകൾക്കും വലിയ ഭീഷണിയായി മാറുകയാണ്. ഓരോ ദിവസം മുന്നോട്ട് പോകുന്തോറും പുതിയ പരിക്കുകളുടെ റിപ്പോർട്ടാണ് പുറത്ത് വരുന്നത്.ഏറ്റവും ഒടുവിലെ റിപ്പോർട്ട് രാജസ്ഥാൻ റോയൽസിന് വലിയ ആശങ്കയുണ്ടാക്കുന്നതാണ്. ഇത്തവണ രാജസ്ഥാൻ റോയൽസ് വലിയ പ്രതീക്ഷവെക്കുന്ന പേസ് ഓൾറൗണ്ടറാണ് സാം കറൻ . ഇംഗ്ലണ്ടിന്റെ പേസ് ഓൾറൗണ്ടറായ സാം കറൻ നിലവിൽ പരിക്കിന്റെ പിടിയിലാണെന്നാണ് റിപ്പോർട്ട്. താരത്തിന് ഐപിഎൽ നഷ്ടമായേക്കുമെന്ന തരത്തിലുള്ള ചില റിപ്പോർട്ടുകളും പുറത്ത് വരുന്നുണ്ട്.

എഎസ്പിഎൻ ക്രിക്ക് ഇൻ ഫോയാണ് ഇത് സംബന്ധിച്ച റിപ്പോർട്ട് പുറത്തുവിട്ടത്. ഇത്തവണ രാജസ്ഥാൻ റോയൽസ് വലിയ പ്രതീക്ഷയോടെ കാണുന്ന താരമാണ് സാം കറൻ. സഞ്ജു സാംസൺ ടീം വിട്ടപ്പോൾ ചെന്നെെ സൂപ്പർ കിങ്സിൽ നിന്ന് രാജസ്ഥാൻ ടീമിലേക്കെത്തിച്ച താരമാണ് സാം കറൻ. ഏറെ നാളുകളായി രാജസ്ഥാനെ വേട്ടയാടിയിരുന്ന പേസ് ഓൾറൗണ്ടറുടെ അഭാവമെന്ന പ്രശ്നത്തിന് പരിഹാരം കാണാൻ സാം കറനിലൂടെ സാധിക്കുമെന്നാണ് രാജസ്ഥാൻ കരുതിയിരുന്നത്.

എന്നാൽ ഇപ്പോൾ കറന്റെ പരിക്ക് വാർത്ത രാജസ്ഥാന് വലിയ തലവേദന സൃഷ്ടിക്കുന്നതാണ്. കറന് പൂർണ്ണമായും മത്സരങ്ങൾ നഷ്ടമായാൽ രാജസ്ഥാന് അത് വലിയ തിരിച്ചടിയാവുമെന്ന് നിസംശയം പറയാം. ഇനി മികച്ചൊരു പേസ് ഓൾറൗണ്ടറെ കണ്ടെത്തുകയെന്നത് രാജസ്ഥാനെ സംബന്ധിച്ച് വളരെ പ്രയാസമാണ്. ഈ സാഹചര്യത്തിൽ കറന് തിരിച്ചുവരാൻ സാധിക്കുമെന്ന് തന്നെയാണ് രാജസ്ഥാൻ ടീമും ആരാധകരും പ്രതീക്ഷിക്കുന്നത്.
സെലക്ടർ റോളിൽ ഇനിയും തുടരണം, ആ​ഗ്രഹം വെളിപ്പെടുത്തി അജിത് അ​ഗാർക്കർ; നിലപാടെടുക്കാതെ ബിസിസി ഐ, വില്ലനാകുന്നത് ഇക്കാര്യങ്ങൾ
ചെന്നെെ സൂപ്പർ കിങ്സിനേയും പരിക്ക് കാര്യമായി ബാധിച്ചിരിക്കുകയാണ്. ഓസീസ് പേസറും ‍ഡെത്തോവർ സ്പെഷ്യലിസ്റ്റുമായ നതാൻ ഇല്ലിസ് പരിക്കിനെത്തുടർന്ന് ഐപിഎല്ലിൽ നിന്ന് പിന്മാറിയിരിക്കുകയാണ്. ഇല്ലിസിന്റെ വിടവ് നികത്തുകയെന്നത് സിഎസ്കെയ്ക്ക് വലിയ തലവേദനയാവും. മതീഷ പതിരാനയെ ഒഴിവാക്കിയ സിഎസ്കെ ഇല്ലിസിനെ ഉപയോഗിച്ച് തന്ത്രങ്ങൾ മെനഞ്ഞതെല്ലാം ഇപ്പോൾ പാഴായിരിക്കുകയാണ്.

ലോക്കി ഫെർഗൂസനും പരിക്കിന്റെ പിടിയിലാണെന്നാണ് വിവരം. ന്യൂസീലൻഡിന്റെ സൂപ്പർ പേസർ ആദ്യ ഘട്ട മത്സരങ്ങൾക്ക് ഉണ്ടാകില്ലെന്ന് ഉറപ്പായിക്കഴിഞ്ഞു. പഞ്ചാബ് കിങ്സിന്റെ പദ്ധതികളെ ഇത് എത്രത്തോളം ബാധിക്കുമെന്നതാണ് കാത്തിരുന്ന് കാണേണ്ടത്. കൊൽക്കത്ത നെെറ്റ് റെെഡേഴ്സിന്റെ സൂപ്പർ പേസർ ഹർഷിത് റാണക്ക് ഈ സീസൺ നഷ്ടമായിരിക്കുകയാണ്. ഇത് കെകെആറിനെ പ്രതികൂലമായി ബാധിക്കുമെന്ന കാര്യം നിസംശയം പറയാം.

IPL 2026: സഞ്ജു വളർത്തിയ രാജസ്ഥാൻ, ഇനി ആ വിടവ് എങ്ങനെ നികത്തും? റിയാൻ പരാഗ് പറയുന്നത് ഇങ്ങനെയാണ്

ഇനിയും പരിക്ക് ടീമുകൾക്ക് വലിയ ഭീഷണിയായി മാറാൻ സാധ്യതയുണ്ട്. പ്രധാന താരങ്ങളെ പരിക്ക് വേട്ടയാടുന്നത് ടീമുകളുടെ കിരീട പ്രതീക്ഷകളെ തകിടം മറിക്കുന്നതാണ്. പരിശീലന ക്യാംപുകൾ ഇതിനോടകം സജീവമായി കഴിഞ്ഞു. പരിശീലനം പുരോഗമിക്കവെ കൂടുതൽ താരങ്ങൾക്ക് പരിക്കേൽക്കാനുള്ള സാധ്യതയുണ്ട്. എന്തായാലും പരിക്ക് ഇപ്പോൾ എല്ലാ ടീമുകൾക്കും വലിയ തലവേദനയായി മാറിയിട്ടുണ്ടെന്ന് നിസംശയം പറയാം.