2 months ago
3
Authored by: നിഷാദ് അമീന്|Samayam Malayalam•9 Nov 2025, 1:24 pm
റിട്ടന്ഷന് ലിസ്റ്റ് അന്തിമാക്കുന്നതിന് മുമ്പ് പ്ലെയര് ട്രേഡ് സംബന്ധിച്ച കാര്യങ്ങളില് ധാരണയിലെത്തുന്നത് ഫ്രാഞ്ചൈസികള്ക്ക് തന്ത്രങ്ങള് പുനര്നിര്ണയിക്കാനും ടീമുകള് അന്തിമമാക്കാനും സഹായകമാണ്. രാജസ്ഥാന് റോയല്സില് നിന്ന് സഞ്ജു സാംസണിനെ വാങ്ങാന് സിഎസ്കെയും ഡല്ഹി ക്യാപിറ്റല്സില് നിന്ന് കെകെആര് കെഎല് രാഹുലിനെ സ്വന്തമാക്കാന് കെകെആറും രംഗത്തുണ്ട്.
ഹൈലൈറ്റ്:
- സഞ്ജുവും രാഹുലും പുതിയ കൂടാരത്തിലേക്ക്
- റിട്ടന്ഷന് ലിസ്റ്റ് 15നുള്ളില് പൂര്ത്തിയാവും
- പ്ലെയര് ട്രേഡ് ചര്ച്ചകള് അവസാന ഘട്ടത്തില്
കെഎല് രാഹുലും സഞ്ജു സാംസണും പുതിയ കൂടാരത്തിലേക്ക്(ഫോട്ടോസ്- Agencies)മൂന്നാം ടി20യിലും നിരാശപ്പെടുത്തി ശുഭ്മാൻ ഗിൽ; സഞ്ജുവിൻ്റെ സ്ഥാനം ബെഞ്ചിൽ
പ്ലെയര് ട്രേഡ് ലേലത്തിന് ഒരാഴ്ച മുമ്പ് വരെ സാധ്യമാണെങ്കിലും റിട്ടന്ഷന് ലിസ്റ്റ് സമര്പ്പിക്കുന്നതിന് മുമ്പ് ഇക്കാര്യത്തില് ധാരണ ഉണ്ടാക്കാനാണ് ഫ്രാഞ്ചൈസികള് ആഗ്രഹിക്കുന്നത്. രാജസ്ഥാന് റോയല്സ് ക്യാപ്റ്റന് സഞ്ജു സാംസണ്, കെഎല് രാഹുല് തുടങ്ങിയവരുടെ കൈമാറ്റം സംബന്ധിച്ച് നാളുകളായി അഭ്യൂഹങ്ങള് ശക്തമാണ്.
Lionel Messi: മെസ്സി വമ്പന് റെക്കോഡിലേക്ക്; ലോകത്ത് ആര്ക്കുമില്ലാത്ത നേട്ടം, എംഎല്എസില് ഗോളടി മേളംസഞ്ജു സാംസണിനെ ചെന്നൈ സൂപ്പര് കിങ്സ് (സിഎസ്കെ) വാങ്ങിയേക്കുമെന്നും ഡല്ഹി ക്യാപിറ്റല്സില് നിന്ന് കൊല്ക്കത്ത നൈറ്റ് റൈഡേഴ്സ് കെഎല് രാഹുലിനെ സ്വന്തമാക്കുമെന്നും റിപ്പോര്ട്ടുകള് പറയുന്നു. ഐപിഎല് 2026ല് ടീമുകള് നിലനിര്ത്തിയവര്, റിലീസ് ചെയ്ത കളിക്കാര്, ക്യാപ്റ്റന്മാര്, ലേല വിശദാംശങ്ങള് തുടങ്ങിയവ വരും ദിവസങ്ങളില് പ്രതീക്ഷിക്കാം.
ഇത്തവണ ടീമുകള് ലേലത്തില് വിട്ടയക്കുന്ന താരങ്ങളില് കെകെആര് വൈസ് ക്യാപ്റ്റന് വെങ്കിടേഷ് അയ്യര് ഉണ്ടാവുമെന്ന് ഉറപ്പാണ്. കാരണം കഴിഞ്ഞ സീസണിലെ ലേലത്തില് 23.75 കോടി രൂപ എന്ന അത്ഭുതകരമായ പ്രതിഫലത്തിനാണ് അവര് വെങ്കിടേഷിനെ വാങ്ങിയത്. എന്നാല്, അതിനോട് നീതിപുലര്ത്താന് താരത്തിനായില്ലെന്ന് മാത്രമല്ല, അങ്ങേറ്റയറ്റം നിരാശപ്പെടുത്തുകയും ചെയ്തു. വെങ്കിടേഷിനെ വിട്ടയച്ചാല് ലേലത്തില് കൂടുതല് തുക കെകെആറിന്റെ പോക്കറ്റിലുണ്ടാവും.
INDA vs SAA: സഞ്ജുവിന് പുതിയ ഭീഷണി; കിടിലന് പ്രകടനങ്ങള് ആവര്ത്തിച്ച് വിക്കറ്റ് കീപ്പര്; ഇന്ത്യക്ക് ലീഡ്ഐപിഎല് 2026 മിനി താര ലേലം ഡിസംബറില് നടക്കുമെന്നാണ് റിപ്പോര്ട്ട്. സിഎസ്കെ ഇത്തവണ നിലനിര്ത്താന് സാധ്യതയുള്ള താരങ്ങളുടെ പട്ടിക പുറത്തുവന്നിട്ടുണ്ട്. ഐപിഎല്ലില് ഏറ്റവും ആരാധകരുള്ള ടീമുകളിലൊന്നായ സിഎസ്കെയ്ക്ക് വേണ്ടി ഇത്തവണയും എംഎസ് ധോണി കളത്തിലുണ്ടാവും.
സിഎസ്കെ സിഇഒ കാശി വിശ്വനാഥന് ധോണിയുടെ പങ്കാളിത്തം കഴിഞ്ഞ ദിവസം സ്ഥിരീകരിച്ചിരുന്നു. എങ്കിലും, ധോണി ഇത്തവണയും നായകസ്ഥാനത്തുനിന്ന് വിട്ടുനിന്നേക്കും. പ്ലെയര് ട്രേഡ് സാധ്യമായാല് റുതുരാജ് ഗെയ്ക്വാദിന് പകരം സഞ്ജു സിഎസ്കെയെ നയിക്കാന് സാധ്യതയുണ്ട്.
സിഎസ്കെ നിലനിര്ത്താന് സാധ്യതയുള്ള താരങ്ങള്: റുതുരാജ് ഗെയ്ക്വാദ്, രവീന്ദ്ര ജഡേജ, എംഎസ് ധോണി, മതീശ പതിരണ, നൂര് അഹമ്മദ്, ശിവം ദുബെ, നഥാന് എല്ലിസ്, ഡെവാള്ഡ് ബ്രെവിസ്, രച്ചിന് രവീന്ദ്ര, ആയുഷ് മാത്രെ, ഉര്വില് പട്ടേല്, ആന്ദ്രേ സിദ്ധാര്ത്ഥ്, ഖലീല് അഹമ്മദ്, മുകേഷ് ചൗധരി, അന്ഷുല് കംബോജ്.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·