IPL 2026: സഞ്ജു പോയത് തിരിച്ചടിയല്ല, അത് രാജസ്ഥാന് ​ഗുണം ചെയ്തേക്കും, മൂന്ന് പ്രശ്നങ്ങൾക്ക് പരിഹാരമായി; ഇത്തവണ കപ്പ് തൂക്കുമോ?

ഇന്ത്യൻ പ്രീമിയർ ലീഗിന്റെ 2026 സീസൺ 28ന് ആരംഭിക്കാൻ പോവുകയാണ്. ഇത്തവണ വലിയ താരനിരയോടെയാണ് എല്ലാ ടീമുകളും ഇറങ്ങുന്നത്. അതുകൊണ്ടുതന്നെ പോരാട്ടം ആവേശകരമായിരിക്കുമെന്ന കാര്യം ഉറപ്പാണ്. ഈ സീസണിന് മുമ്പ് ആരാധകർ പ്രതീക്ഷിക്കാത്ത ചില കൂടുമാറ്റങ്ങൾ ഉണ്ടായിട്ടുണ്ട്. ഇതിൽ സഞ്ജു സാംസൺ രാജസ്ഥാൻ റോയൽസ് വിട്ടതാണ് എടുത്തു പറയേണ്ട കൂടുമാറ്റം.രാജസ്ഥാനിലൂടെ വളർന്ന സഞ്ജു ടീമിന്റെ ക്യാപ്റ്റൻ സ്ഥാനത്തും ഏറെ നാളുകളായി ഉണ്ടായിരുന്നു. എന്നിട്ടും സഞ്ജു സാംസൺ രാജസ്ഥാൻ വിട്ട് ചെന്നെെ സൂപ്പർ കിങ്സിലേക്ക് എത്തിയിരിക്കുകയാണ്. സഞ്ജു സാംസണിന്റെ കൂടുമാറ്റം രാജസ്ഥാനെ എങ്ങനെ ബാധിക്കുമെന്ന ചർച്ചകൾ സജീവമാണ്. സഞ്ജുവിന്റെ അഭാവം രാജസ്ഥാനെ പ്രതികൂലമായി ബാധിക്കാൻ സാധ്യതകളേറെയാണ് അഭിപ്രായപ്പെടുന്നവർ ഏറെയാണ്.

എന്നാൽ സഞ്ജു ടീം വിട്ടത് മറ്റൊരു തരത്തിൽ രാജസ്ഥാന് ഗുണം ചെയ്യും. ഇത് എങ്ങനെയാണെന്ന് പരിശോധിക്കാം. ഒന്നാമത്തെ കാര്യം സഞ്ജു സാംസൺ രാജസ്ഥാനിൽ തുടരുമ്പോൾ എല്ലാ ശ്രദ്ധയും സഞ്ജുവിലേക്കായിരുന്നു. സഞ്ജു സാംസൺ എന്ന നിലയിലേക്ക് ക്ലബ്ബിന്റെ മുഖം ചുരുങ്ങുന്ന സാഹചര്യം ഉണ്ടായിരുന്നുവെന്ന് പറയാം. എടുത്തു പറയാൻ സാധിക്കുന്ന നിരവധി താരങ്ങളുണ്ടെങ്കിലും ഇവരുടെയെല്ലാം മികവ് സഞ്ജുവിന് കീഴിൽ ഒതുങ്ങിപ്പോകുന്ന അവസ്ഥയായിരുന്നു.

എന്നാൽ സഞ്ജു കൂടുമാറിയത് രാജസ്ഥാന് ടീമെന്ന നിലയിൽ കൂടുതൽ കരുത്തുകാട്ടാൻ സഹായിക്കും. ഇപ്പോൾ ഒരു താരത്തിലേക്ക് ഒതുങ്ങാതെ മികച്ച ടീം കൂട്ടുകെട്ടിലേക്ക് മാറാൻ സഞ്ജുവിന്റെ അഭാവം രാജസ്ഥാനെ സഹായിക്കുമെന്ന് തന്നെ പറയാം. സൂപ്പർ താരങ്ങളുടെ തലക്കനമില്ലാതെ കളിക്കാൻ സഞ്ജുവിന്റെ അഭാവത്തിൽ രാജസ്ഥാന് സാധിച്ചേക്കും.
IPL 2026: ഐപിഎല്ലിലെ വമ്പന്മാർ, പക്ഷെ ഇത്തവണ സ്പിൻ കരുത്ത് ദുർബലം; ഈ ദൗർബല്യം മൂന്ന് ടീമുകൾക്ക് തിരിച്ചടിയായേക്കും
രണ്ടാമത്തെ കാര്യം സഞ്ജു സാംസണിന്റെ പ്രകടനത്തിൽ അമിത പ്രതീക്ഷവെക്കുന്ന ശീലം ഇപ്പോൾ രാജസ്ഥാനുണ്ടാവില്ലെന്നതാണ്. നേരത്തെ സഞ്ജു സാംസൺ പുറത്താവുന്നതോടെ ടീമിനെയാകെ അത് പ്രതിസന്ധിയിലാക്കുന്ന ഒരു രീതിയുണ്ടായിരുന്നു. എന്നാൽ സഞ്ജു കൂടുമാറിയതോടെ ഇപ്പോൾ അത്തരമൊരു പ്രശ്നമില്ല. എല്ലാ താരങ്ങളിലേക്കും പ്രാധാന്യം എത്തുന്നു. മാച്ച് വിന്നർമാരായി മാറേണ്ട ഉത്തരവാദിത്തം ഓരോ താരങ്ങൾക്കുമാണുള്ളതെന്ന് പറയാം.

ഇത്തരത്തിലൊരു കൂട്ട ഉത്തരവാദിത്തം സഞ്ജുവിന്റെ അഭാവത്തിൽ രാജസ്ഥാനിലേക്കെത്തിയിട്ടുണ്ട്. ഇത് രാജസ്ഥാന്റെ പ്രകടന നിലവാരം മെച്ചപ്പെടുത്തുമെന്ന് തന്നെ കരുതാം. യശ്വസി ജയ്സ്വാൾ, റിയാൻ പരാഗ്, ദ്രുവ് ജുറേൽ, വെെഭവ് സൂര്യവംശി എന്നിവരുടെയെല്ലാം ഉത്തരവാദിത്തം ഉയർത്താൻ സഞ്ജുവിന്റെ അഭാവത്തിലൂടെ സാധിച്ചിട്ടുണ്ടെന്ന് പറയാം.

IPL 2026: ഇംപാക്ട് പ്ലയറോ ഫിനിഷറോ? ധോണിയിൽ നിന്ന് സിഎസ്കെ അത്ഭുത പ്രകടനം പ്രതീക്ഷിക്കണോ? മുഹമ്മദ് കെെഫ് പറയുന്നത് ഇങ്ങനെ

മൂന്നാമത്തെ കാര്യം സഞ്ജുവിന്റെ അഭാവത്തോടെ ടീമിന്റെ സംതുലിതാവസ്ഥ ഉയർന്നു. സഞ്ജു കൂടുമാറിയതോടെയാണ് രവീന്ദ്ര ജഡേജ, സാം കറൻ എന്നിവരെ ടീമിലേക്കെത്തിക്കാൻ രാജസ്ഥാന് സാധിച്ചത്. ഇതിനുള്ള പണം ലഭിച്ചത് സഞ്ജുവിനെ കെെവിട്ടതോടെയാണ്. രാജസ്ഥാന്റെ ഏറെ നാളുകളായുള്ള രണ്ട് പ്രശ്നമായിരുന്നു മികച്ച ഓൾറൗണ്ടർമാരുടെ അഭാവം. ഇപ്പോൾ സഞ്ജുവിന്റെ അഭാവത്തിൽ ആ രണ്ട് പ്രശ്നങ്ങൾക്ക് പരിഹാരം കാണാൻ രാജസ്ഥാന് സാധിച്ചു.

സഞ്ജുവിന്റെ വിടവ് ബാറ്റിങ്ങിൽ നികത്താൻ ശേഷിയുള്ള നിരവധി താരങ്ങൾ രാജസ്ഥാനൊപ്പമുണ്ട്. എന്നാൽ ഓൾറൗണ്ടർമാരുടെ അഭാവമായിരുന്നു പ്രശ്നം. ഇപ്പോൾ അതിന് പരിഹാരം കാണാൻ സാധിച്ചത് സഞ്ജുവിന്റെ കൂടുമാറ്റത്തോടെയാണ്. ഇത് രാജസ്ഥാന് ഗുണമായി മാറാനാണ് സാധ്യത കൂടുതൽ.