മുംബെെ ഇന്ത്യൻസിനെ സംബന്ധിച്ച് പ്രധാനപ്പെട്ട സീസണാണ് വരാനിരിക്കുന്നത്. ആറാം കിരീടം ലക്ഷ്യമിടുന്ന മുംബെെ ഇന്ത്യൻസ് ചില സൂപ്പർ താരങ്ങളെ ഒഴിവാക്കിയിട്ടുണ്ട്. ഇതിൽ ട്രന്റ് ബോൾട്ട്, ദീപക് ചഹാർ, എഎം ഗസൻഫാർ, കേശവ് മഹാരാജ്, മായങ്ക് മാർക്കണ്ഡെ, റോബിൻ മിൻസ് എന്നിവരെയെല്ലാം മുംബെെ ഒഴിവാക്കിയിട്ടുണ്ട്. 32.60 കോടി പേഴ്സിലുള്ള മുംബെെയുടെ പദ്ധതി എന്താവുമെന്നാണ് എല്ലാവരും ഉറ്റുനോക്കുന്നത്.
അഭയാർഥികൾക്ക് അമേരിക്കയിൽ നിയന്ത്രണങ്ങൾ കടുക്കുന്നു; ട്രംപിന്റെ പുതിയ നീക്കമെന്താകും?
മുംബെെ മിനി താരലേലത്തിൽ നോട്ടമിടാൻ സാധ്യതയുള്ള താരങ്ങൾ ആരൊക്കെയാണെന്ന് നോക്കാം. ചെന്നെെ സൂപ്പർ കിങ്സ് ഒഴിവാക്കിയ പ്രശാന്ത് വീറിനെ മുംബെെ ഇന്ത്യൻസ് നോട്ടമിടാൻ സാധ്യതയുണ്ട്. മുംബെെ ഇന്ത്യൻസിന്റെ പ്രധാന തലവേദന മികച്ച സ്പിന്നർമാരുടെ അഭാവമാണ്.
കഴിഞ്ഞ സീസണുകളിലെല്ലാം ഈ പ്രശ്നം മുംബെെയെ ബാധിച്ചിരുന്നു. സ്പിൻ ഓൾറൗണ്ടർ റോളിൽ പ്രശാന്ത് വീറിനെ മുംബെെ വളർത്താൻ ശ്രമിച്ചേക്കും. 14.20 കോടിയാണ് സിഎസ്കെയിലെ പ്രശാന്തിന്റെ പ്രതിഫലം. എന്നാൽ മിനി ലേലത്തിൽ പ്രശാന്തിനെ അഞ്ച് കോടിക്കുള്ളിൽ ലഭിച്ചാൽ മുംബെെ താരത്തെ നോട്ടമിട്ടേക്കും.
സൺറെെസേഴ്സ് ഹെെദരാബാദ് ഒഴിവാക്കിയ സ്പിന്നറായ സീഷൻ അൻസാരിയെ മുംബെെ നോട്ടമിട്ടേക്കും. മായങ്ക് മാർക്കണ്ഡെയേയും അല്ലാ ഖസൻഫാറിനേയും ഒഴിവാക്കിയ മുംബെെ സീഷൻ അൻസാരിയെ ടീമിലേക്കെത്തിക്കാൻ നീക്കം നടത്താൻ സാധ്യതയുണ്ട്. യുവ സ്പിന്നർ വിക്കറ്റ് നേടാൻ മിടുക്കനാണ്. മുംബെെ ഒരു സീസണിലേക്കെങ്കിലും താരത്തെ പരീക്ഷണമെന്ന നിലയിൽ പരിഗണിച്ചേക്കും.
മുംബെെക്ക് ഹാർദിക് പാണ്ഡ്യയുടെ വിടവ് നികത്തേണ്ടതായുണ്ട്. മികച്ചൊരു പേസ് ഓൾറൗണ്ടറെ മുംബെെക്ക് കണ്ടെത്തണം. അർഷ്ദീപ് സിങ് വന്നതോടെ ഇടം കെെയൻ പേസറുടെ അഭാവം നികത്തപ്പെട്ടു. എന്നാൽ പേസ് ഓൾറൗണ്ടറുടെ വിടവ് അവിടെയുണ്ട്. മുംബെെ കൂടുതൽ തുക ഈ റോളിലേക്കുള്ള താരത്തിന് നൽകാനുള്ള സാധ്യതയാണ് കൂടുതലാണ്.
ഇത്തവണ ഒഴിവാക്കപ്പെട്ട താരങ്ങളിൽ മുംബെെക്ക് പറ്റിയ പേസ് ഓൾറൗണ്ടറുണ്ടെന്ന് തോന്നുന്നില്ല. പുതിയൊരു താരത്തെ തന്നെ മുംബെെക്ക് ഈ റോളിലേക്ക് കണ്ടെത്തേണ്ടതായുണ്ട്. ഇത് ആരാവുമെന്നതാണ് കാത്തിരുന്ന് കാണേണ്ടത്.
മുംബെെ പേസ് നിരയിലേക്ക് കൂടുതൽ താരങ്ങളെ എത്തിച്ചേക്കും. ദീപക് ചഹാറിനേയും ട്രന്റ് ബോൾട്ടിനേയും ഒഴിവാക്കിയപ്പോൾ ഒരു വിടവ് ടീമിലുണ്ട്. ജസ്പ്രീത് ബുംറക്കും അർഷ്ദീപിനുമൊപ്പം മികച്ചൊരു വിദേശ പേസറെയാവും മുംബെെ നോട്ടമിടുക. മതീഷ പതിരാനയെ മുംബെെ സ്വന്തമാക്കാനുള്ള സാധ്യത തള്ളിക്കളയാനാവില്ല. മുൻ സിഎസ്കെ പേസറായ പതിരാനയെ കെകെആറാണ് തഴഞ്ഞത്. താരത്തിനായി മുംബെെ സജീവമായി രംഗത്തെത്താൻ സാധ്യത കൂടുതലാണെന്ന് തന്നെ വിലയിരുത്താം.







English (US) ·