PBKS vs RCB; ബാക്കി മത്സരം പഞ്ചാബിന്റെ ഹോം ഗ്രൗണ്ടിൽ, കിടിലൻ പ്ലേയിങ് ഇലവനെ ഇറക്കാനൊരുങ്ങി ബാംഗ്ലൂരുവും പഞ്ചാബും

Edited byഅനുഷ ഗംഗാധരൻ | Samayam Malayalam | Updated: 19 Apr 2025, 5:45 pm

പഞ്ചാബ്: ഇന്ത്യൻ പ്രീമിയർ ലീഗ് പതിനെട്ടാമത് സീസണിൽ ഇത് വരെ ഒരു ഹോം ഗ്രൗണ്ട് മത്സരങ്ങളിൽ പോലും വിജയിക്കാത്ത ടീം റോയൽ ചലഞ്ചേഴ്‌സ് ബാംഗ്ലൂർ (ആർസിബി) ആണ്. കളിച്ച 7 മത്സരങ്ങളിൽ 3 എണ്ണവും നടന്നത് ആർസിബിയുടെ ഹോം ഗ്രൗണ്ടായ ചിന്നസ്വാമി സ്റ്റേഡിയത്തിലാണ്. എന്നാൽ ഈ മൂന്ന് മത്സരങ്ങളിലും ബാംഗ്ലൂർ പരാജയപെട്ടു. എന്നാൽ എതിർ ടീമിന്റെ ഹോം ഗ്രൗണ്ടിൽ ചെന്ന് ജയം സ്വന്തമാക്കുകയും ചെയ്തു. കഴിഞ്ഞ ദിവസം പഞ്ചാബ് കിങ്സിനെയാണ് ബാംഗ്ലൂർ തങ്ങളുടെ മൂന്നാമത്തെ ഹോം ഗ്രൗണ്ട് മത്സരത്തിൽ നേരിട്ടത്. മഴയെ തുടർന്ന് ഏറെ വൈകി ആരംഭിച്ച ഈ മത്സരത്തിൽ 5 വിക്കറ്റ് നഷ്ടത്തിൽ 98 റൺസ് നേടി പഞ്ചാബ് ജയം സ്വന്തമാക്കി.
Rajasthan Royals; ‘ഇപ്പോഴും ഓട്ടത്തിലാണ്’ അനായാസം പ്ലേ ഓഫിലെത്തും, അവസാനം വരെ പോരാടുമെന്ന് രാഹുൽ ദ്രാവിഡ്മഴയെ തുടർന്ന് ഏറെ വൈകി ആരംഭിച്ച ഈ മത്സരത്തിൽ 14 ഓവറുമാണ് ഉണ്ടായിരുന്നത്. നിശ്ചിത പതിനാല് ഓവറിൽ ആർസിബി 9 വിക്കറ്റ് നഷ്ടത്തിൽ 95 റൺസിന്റെ വിജയലക്ഷ്യം മുന്നോട്ടുവെച്ചപ്പോൾ പഞ്ചാബ് ആ ലക്ഷ്യം 12 ഓവർ പൂർത്തിയാകുന്നതിന് മുന്നേ മറികടന്നു. ഇനി നാളെ വീണ്ടും പഞ്ചാബ് ബാംഗ്ലൂർ മത്സരം നടക്കുകയാണ്. ഇത് വരെ എല്ലാ എവേ മത്സരങ്ങളിലും ജയിച്ച ആർസിബി ഏറെ പ്രതീക്ഷയോടെയാണ് ഈ മത്സരം നോക്കി കാണുന്നത്. പഞ്ചാബിന്റെ ഹോം ഗ്രൗണ്ടിൽ നടക്കുന്ന ഈ മത്സരത്തിൽ ജയം ഉറപ്പിക്കും എന്ന് തന്നെയാണ് ടീമിന്റെയും ആരാധകരുടെയും പ്രതീക്ഷ.

സീസണിൽ വീണ്ടും ഏറ്റുമുട്ടുന്ന ഈ ടീമുകൾക്ക് ഇരു ടീമിന്റെയും വീക്നെസ് എന്തെണെന്നും അതുകൊണ്ടു എങ്ങനെയാകണം പ്ലേയിങ് ഇലവൻ വേണ്ടത് എന്നതിനെ കുറിച്ചും കൃത്യമായ ധാരണയുണ്ടാകും. അതേസമയം പഞ്ചാബിന്റെ ഹോം ഗ്രൗണ്ടായ മഹാരാജ യാദവീന്ദ്ര സിംഗ് അന്താരാഷ്ട്ര ക്രിക്കറ്റ് സ്റ്റേഡിയത്തിൽ ബാറ്റർമാർക്ക് അനുകൂലമായ പിച്ചാണ് ഉള്ളത്. പടുകൂറ്റൻ സ്കോർ നേടാൻ സാധിക്കുന്ന ഈ പിച്ചിൽ ബാറ്റർമാരെ പവലിയനിലേക്ക് തിരിച്ചയക്കാൻ ബൗളർമാരും അല്പം പ്രയാസപ്പെടാനാണ് സാധ്യത.

പഞ്ചാബ് കിങ്‌സ് vs റോയൽ ചലഞ്ചേഴ്‌സ് ബാംഗ്ലൂർ സാധ്യത പ്ലേയിങ് ഇലവൻ

പഞ്ചാബ് കിങ്‌സ്: പ്രിയാൻഷ് ആര്യ, നെഹാൽ വധേര, ശ്രേയസ് അയ്യർ (c), ശശാങ്ക് സിംഗ്, ജോഷ് ഇംഗ്ലിസ് (WK), മാർക്കസ് സ്റ്റോയിനിസ് / ഗ്ലെൻ മാക്സ്വെൽ, മാർക്കോ ജാൻസൻ, ഹർപ്രീത് ബ്രാർ, സേവ്യർ ബാർട്ട്ലെറ്റ്, അർഷ്ദീപ് സിംഗ്, യുസ്വേന്ദ്ര ചാഹൽ
ഇംപാക്ട് പ്ലെയർ: പ്രഭ്സിമ്രാൻ സിംഗ്

റോയൽ ചലഞ്ചേഴ്‌സ് ബാംഗ്ലൂർ: ഫിലിപ്പ് സാൾട്ട്, വിരാട് കോഹ്‌ലി, രജത് പതിദാർ (സി), ലിയാം ലിവിംഗ്‌സ്റ്റൺ, ജിതേഷ് ശർമ്മ (വി.കെ), ടിം ഡേവിഡ്, ക്രുനാൽ പാണ്ഡ്യ, ഭുവനേശ്വർ കുമാർ, ജോഷ് ഹാസിൽവുഡ്, സുയാഷ് ശർമ, യാഷ് ദയാൽ
ഇംപാക്ട് പ്ലെയർ: ദേവദത്ത് പടിക്കൽ / മനോജ് ഭണ്ഡാഗെ