Thudakkam Review: നിങ്ങള്‍ കണ്ട ടെന്‍ഷനടിച്ച് പേടിച്ചു നിന്ന വിസ്മയ അല്ല ഇത്, ഇന്റര്‍വെല്ലിന് ശേഷം രോമാഞ്ചമായിരുന്നു, രോമാഞ്ചം; തുടക്കം സോഷ്യല്‍ മീഡിയ പ്രതികരണം

തുടക്കം വിജയിക്കണേ എന്ന പ്രാര്‍ത്ഥനകളോടെയാണ് ഇന്ന് പലരും ഫസ്റ്റ് ഡേ ഫസ്റ്റ് ഷോയ്ക്ക് കയറിയത്. ആ പ്രാര്‍ത്ഥനയുടെ ഫലം എന്ന് പറയാന്‍ പറ്റില്ല, അങ്ങനെ പ്രാര്‍ത്ഥിക്കുന്നതിന് മുന്‍പേ വിസ്മയ അത് ഗംഭീരമായി ചെയ്തു വച്ചിട്ടുണ്ട് എന്നാണ് സിനിമ കണ്ടിറങ്ങിയവരുടെ അഭിപ്രായം. തുടക്കത്തിന്റെ ട്രെയിലര്‍ ലോഞ്ചിനും, അഭിമുഖങ്ങളിലും സംസാരിക്കാന്‍ കഴിയാതെ പേടിച്ച് ടെന്‍ഷനടിച്ചു നില്‍ക്കുന്ന വിസ്മയയെ കണ്ടവര്‍ക്ക്, സ്‌ക്രീനില്‍ വിസ്മയയുടെ ഗംഭീര അഭിനയം കാണുമ്പോള്‍ അതിശയം തന്നെയായിരുന്നു. അത്രയും അനായാസമായി ബിഹേവ് ചെയ്യുകയായിരുന്നു വിസ്മയ എന്നാണ് ഫസ്റ്റ് ഷോയ്ക്ക് ശേഷമുള്ള പ്രേക്ഷക പ്രതികരണം.

വിസ്മയ മാത്രമല്ല, ആശിഷ് ജോ ആന്റണിയുടെയും ഗംഭീര തുടക്കമാണിത്. സാമൂഹിക പ്രതിബന്ധതയുള്ള സിനിമയാണ്. ഒരിടത്ത് പോലും സിനിമ പ്രേക്ഷകരെ നിരാശപ്പെടുത്തുന്നില്ല, എന്‍ഗേജിങ് ആയ അവതരണമായിരുന്നു. വളരെ ഡീസന്റ് ആയ ഒരു പ്ലോട്ട് അതിന്റേതായ ഗ്രിപ്പിങോടെ ജൂഡ് ആന്റണി ജോസഫ് ചെയ്തു വച്ചിരിയ്ക്കുന്നു. സെക്കന്റ് ഹാഫിലുള്ള ആക്ഷന്‍ സീനുകളാണ് സിനിമയുടെ ശരിക്കുള്ള സ്‌ട്രോങ് പഞ്ച് നല്‍കുന്നത് എന്നാണ് സിനിമ കണ്ടിറങ്ങിയ ഒരാള്‍ ട്വീറ്റ് ചെയ്തിരിക്കുന്നത്.

ആയുസ് മുഴുവന്‍ നിന്റെ സ്‌നേഹം വേണം, ഇല്ലെങ്കില്‍ നിന്റെ സ്‌നേഹം ഉള്ളത് വരെ എനിക്ക് ആയുസുണ്ടായാല്‍ മതി എന്ന് ലേഖ എംജി ശ്രീകുമാര്‍
തുടക്കം വളരെ അധികം ഇഷ്ടപ്പെട്ടു. മികച്ചൊരു ഫസ്റ്റ് ഹാഫും, അതിലും മികച്ചൊരു സെക്കന്റ് ഹാഫും. ആദ്യ ചിത്രം തന്നെ ഇത്ര അനായാസമായി വിസ്മയ ചെയ്യും എന്ന് ഒട്ടും പ്രതീക്ഷിച്ചില്ല, പ്രത്യേകിച്ചും രണ്ടാം പകുതിയില്‍. ആശിഷും ഗംഭീരമാക്കി. ജൂഡ് ആന്റണിയുടെ മേക്കിങും, ജേക്‌സ് ബിജോയ് യുടെ മ്യൂസിക്കും പകരം വയ്ക്കാനില്ലാത്തതാണ്. അവസാനം ഞങ്ങളുടെ അണ്ണനും എത്തിയതോടെ പൂര്‍ണം - എന്നാണ് മറ്റൊരു ആരാധകന്റെ പ്രതികരണം.

തുടക്കം കലക്കി. വളരെ ലളിതമായ ഒരു കഥ മികച്ച രീതിയില്‍ ജൂഡ് ആന്റണി ജോസഫ് കൈകാര്യം ചെയ്തിരിക്കുന്നു. ഒരു ത്രില്ലിങ് എലമന്റ് സിനിമയിലൂടനീളം അനുഭവപ്പെടാന്‍ സാധിക്കുന്നുണ്ട്. അതിനൊപ്പം ടെറിഫിക് ആയിട്ടുള്ള ആക്ഷന്‍ രംഗങ്ങളും, പ്രത്യേകിച്ചും ക്ലൈമാക്‌സ് രംഗങ്ങളില്‍. വിസ്മയ മോഹന്‍ലാലിന്റെ ഗംഭീരമായ തുടക്കമാണ്, ആക്ഷന്‍ രംഗങ്ങളിലെല്ലാം മികച്ച നില്‍ക്കുന്നു. ആശിഷിന്റെ പെര്‍ഫോമന്‍സിനെ കുറിച്ചും പറയാതെ വയ്യ. ജേക്‌സ് ബിജോയ് യുടെ സംഗീതവും സൂപ്പര്‍- എന്നാണ് മറ്റൊരു ട്വീറ്റ്.

ഏറ്റവും മികച്ച സിനിമാ എക്‌സ്പീരിയന്‍സാണ്, വിസ്മയ അനായാസമായി ചെയ്തു, ആക്ഷന്‍ ഫാമിലി എന്റര്‍ടൈന്‍മെന്റ് ആണ് ചിത്രം, സിനിമ ഉറപ്പായും നൂറ് കോടി കടക്കും എന്നിങ്ങനെ സിനിമയെ കുറിച്ച് മൊത്തത്തില്‍ പോസിറ്റീവ് പ്രതികരണങ്ങള്‍ മാത്രമാണ് വരുന്നത്. ചുരുക്കി പറഞ്ഞാല്‍, തുടക്കം തൂക്കി!