അക്ഷയ എവിടെയും പോയിട്ടില്ല ഇവിടെ തന്നെയുണ്ട്! മരുമകൾക്ക് രാജകീയ വരവേൽപ്പ് നൽകി നെപ്പോളിയനും കുടുംബവും

Authored by: ഋതു നായർ|Samayam Malayalam•29 Jul 2025, 12:39 pm

ഒരുമിച്ചൊരു ചിത്രം പങ്കുവച്ചില്ലെങ്കിൽ വീഡിയോയിൽ ഒരുമിച്ചുകണ്ടില്ലെങ്കിൽ ഉറപ്പായും അവിടെ ഊഹാപോഹങ്ങളുടെ പെരുമഴക്കാലം ആണ്. അത് പ്രത്യേകിച്ചും താരങ്ങളുടെ കാര്യത്തിൽ ആണെങ്കിൽ ഗോസിപ്പുകൾ പ്രചരിപ്പിക്കാൻ ഉത്സാഹവും കൂടും. അത്തരത്തിൽ ആണ് നെപ്പോളിയന്റെ മകൻ ധനുഷിനേയും മരുമകൾ അക്ഷയെയും കുറിച്ച് വാർത്തകൾ വന്നത്.

കുറച്ചു നാളുകൾ ആയി ധനുഷിന് ഒപ്പം അക്ഷയ എത്താത്തത് ആയിരുന്നു ഗോസിപ്പുകൾ പ്രചരിക്കാൻ അടിസ്ഥാനം. അക്ഷയ പിണങ്ങി വീട്ടിലേക്ക് പോയോ ഇവർ തമ്മിൽ വേർപിരിഞ്ഞോ എന്നിങ്ങനെ ഉള്ള ചർച്ചകൾ ആയിരുന്നു അധികവും നടന്നത്. എന്നാൽ അക്ഷയ എവിടെയും പോയിട്ടില്ലെന്നും തങ്ങളുടെ ഒപ്പം തന്നെ ഉണ്ടെന്നും കാണിക്കുന്ന വീഡിയോ ആണ് ഇപ്പോൾ അദ്ദേഹം പങ്കുവച്ചിരിക്കുന്നത്. അക്ഷയ അമേരിക്കയിലേക്ക് എത്തിയതിന്റെ ദൃശ്യങ്ങൾ ആണ് നെപ്പോളിയൻ പങ്കുവച്ചത്.

എയർപോർട്ട് മുതൽ രാജകീയ വരവേൽപ്പ് ആണ് അക്ഷയക്ക് വേണ്ടി ഒരുക്കിയത്. പൂച്ചെണ്ട് നൽകിയും ആരതി ഉഴിഞ്ഞും പുഷ്പ വൃഷ്ടി നടത്തിയും ആണ് ആക്ഷയയെ വരവേറ്റത്. ഒപ്പം അമ്മായി അമ്മ മരുമകൾ ബന്ധത്തിന്റെ തീവ്രതയും വീഡിയോയിൽ കാണാം. മരുമകൾ അല്ല ഞങ്ങൾക്ക് മകൾ ആണ് അക്ഷയ എന്നാണ് നെപ്പോളിയനും കുടുംബവും വിവാഹസമയത്ത് പറഞ്ഞത്. ഞങ്ങളുടെ വീട്ടിലേക്ക് വരാൻ പോകുന്ന ദേവതയാണ് അക്ഷയ, അവളോട് ഈ ജന്മവും വരും ജന്മങ്ങളും കടപ്പെട്ടിരിക്കുന്നു എന്നും നെപ്പോളിയനും ഭാര്യയും പറഞ്ഞു.

ALSO READ: സന്യാസ ജീവിതത്തിലേക്കോ; ഒന്നും തള്ളിക്കളയാൻ ആകില്ലെന്ന് പറഞ്ഞ മഹാനടൻ; ഓഷോയുടെ ജീവിതത്തിലൂടെ തന്നെയും കാണാൻ ശ്രമിക്കുന്നുമസ്‌കുലര്‍ ഡിസ്‌ട്രോഫി ബാധിച്ച അവസ്ഥയിൽ ആണ് നെപ്പോളിയന്റെ മകൻ ധനുഷ്. മകനുവേണ്ടി അത്യാധുനിക സജ്ജീകരണങ്ങളോടെയാണ് വീട് സെറ്റ് ചെയ്തിരിക്കുന്നത്. ഒരു രാജകുമാരനെപോലെയാണ് ധനുഷിനെ കുടുംബം നോക്കുന്നതും. ജപ്പാനിൽ വച്ചായിരുന്നു ധനുഷിന്റേയും അക്ഷയുടെയും വിവാഹം.

തമിഴ് സിനിമയില്‍ നിന്നും നിരവധി പ്രമുഖർ ഇതില്‍ പങ്കെടുത്ത ചടങ്ങിന്റെ വിശേഷങ്ങൾ എല്ലാം നെപ്പോളിയൻ പങ്കുവച്ചിരുന്നു. അമേരിക്കയിലേക്ക് ചേക്കേറും മുൻപേ നടനും രാഷ്ട്രീയപ്രവര്‍ത്തകനും ഒക്കെയായിരുന്നു അദ്ദേഹം. ഏറെകാലം കേന്ദ്ര മന്ത്രി കൂടിയായി സേവനം അനുഷ്ഠിച്ചിട്ടുണ്ട്.