അങ്ങനെ ഒരു സംഭവമേയില്ല! മൈക്കിൾ ജാക്സണിന് ട്രിബ്യൂട്ട് ബിടിഎസ് കൊടുക്കുന്നുണ്ടോ? വ്യക്തമായ മാറുപടി ഇതാ

Authored by: അശ്വിനി പി|Samayam Malayalam•5 Aug 2025, 3:01 pm

കഴി‍ഞ്ഞ ദിവസം സോഷ്യൽ മീഡിയയിലും ആരാധകർക്കിടയിലും ഏറെ ചർച്ചയായ ഒരു വാർത്തയായിരുന്നു, പോപ് രാജാവ് എന്ന് വിശേഷിപ്പിക്കപ്പെട്ട മൈക്കിൾ ജാക്സണിന് വേണ്ടി കെ-പോപ് ലോകത്തെ രാജാക്കന്മാരായ ബിടിഎസ് താരങ്ങൾ ട്രിബ്യൂട്ട് നൽകുന്നു എന്ന്. എന്നാൽ അത് തീർത്തും വാസ്തവ വിരുദ്ധമായ വാർത്തയാണ് എന്ന വ്യക്തത നൽകി എത്തിയിരിക്കുകയാണ് ഇപ്പോൾ ബിടിഎസ് താരങ്ങൾ

മൈക്കിൾ ജാക്സിണിന് വേണ്ടി ഒരു ട്രിബ്യൂട്ട് ആൽബമോ, റെക്കോഡിങോ ഒന്നും തന്നെ ബിടിഎസിന്റെ ലിസ്റ്റിൽ ഇല്ല. മൈക്കിൾ ജാക്സൺ എഴുതിയ പാട്ട് ബിടിഎസ് പാടുന്നു എന്ന തരത്തിലായിരുന്നു വാർത്തകൾ. പുതിയ ആൽബത്തിന്റെ വർക്കുമായി ബന്ധപ്പെട്ട് ബിടിഎസ് താരങ്ങൾ ലോസ് ആഞ്ചൽസിൽസിൽ ആയതിനാൽ തന്നെ വാർത്തകൾ വളരെ പെട്ടന്ന് ആരാധകർ വിശ്വസിക്കുകയും ചെയ്തു.

Also Read: വിവാഹ ഫോട്ടോകൾ എല്ലാം ഡിലീറ്റ് ചെയ്തു, ഹൻസികയും വിവാഹ മോചിതയാകുന്നു വെറും 3 വർഷം കൊണ്ട് എല്ലാം വെറുതേ!

മൈക്കിൾ ജാക്സൺ തന്റെ പല ഹിറ്റ് പാട്ടുകളും റെക്കോർഡ് ചെയ്ത അയർലണ്ടിലെ ഗ്രൗസ് ലോഡ്ജ് സ്റ്റുഡിയോയിൽ ബിടിഎസ് താരങ്ങൾ സന്ദർശിച്ചു എന്നും പ്രചരിച്ചിരുന്ന വാർത്തകളിൽ പറഞ്ഞിരുന്നു. എന്നാൽ അതും തെറ്റായ വിവരമാണ് എന്ന് ബിടിഎസിന്റെ ഏജൻസി ബൈറ്റ് മ്യൂസിക് എക്സിലൂടെ (മുൻപത്തെ ട്വിറ്റർ) വ്യക്തമാക്കി.

Also Read: ചിരിക്കുമ്പോളും ഉള്ളിൽ കരയുന്ന ഒരാളുണ്ട്! ഹൃദയം നൊമ്പരപെടുമ്പോഴും ഞാനത് പുറത്തു കാണിച്ചില്ല; ആ വേദനക്ക് സൊല്യൂഷൻ കണ്ടെത്തിയെന്ന് അപർണ

ഹലോ, ഇത് ബൈറ്റ് മ്യൂസിക് ആണ്. സമീപകാലത്ത് സോഷ്യൽ മീഡിയയിൽ പ്രചരിയ്ക്കുന്ന, ബിടിഎസ് മൈക്കിൾ ജാക്സണിന് ട്രിബ്യൂട്ട് നൽകുന്നു എന്ന വാർത്തകൾക്ക് ഒരു വ്യക്തത നൽകാൻ ഞങ്ങൾ ആഗ്രഹിക്കുന്നു. ബിടിഎസ് അയർലണ്ടിലെ ഗ്രൗസ് ലോഡ്ജ് സ്റ്റുഡിയോയിൽ സന്ദർശിക്കുകയോ, മൈക്കൾ ജാക്സണിന് വേണ്ടി ട്രിബ്യൂട്ട് ആൽബമോ, റെക്കോഡിങോ നടത്തിയിട്ടില്ല. തെറ്റായ വിവരങ്ങൾ പ്രചരിയ്ക്കുന്നത് തടയാൻ ഞങ്ങൾ ശ്രമിയ്ക്കുന്നുണ്ട്.

ബിടിഎസിന് നിങ്ങൾ നൽകുന്ന പിന്തുണയ്ക്കും പ്രോത്സാഹനത്തിനും ഞങ്ങൾ ആത്മാ‍ത്ഥമായി നന്ദി അറിയിക്കാൻ ആഗ്രഹിക്കുന്നു. ബിടിഎസ് കലാകാരന്മാർക്ക് പിന്തുണയും പ്രോത്സാഹനവും നൽകുന്നതിൽ ഞങ്ങൾ പൂർണമായും പ്രതിജ്ഞാബദ്ധരാണ്.- ബൈറ്റ് മ്യൂസിക് എക്സിൽ കുറിച്ചു. സൈനിക സേവനം പൂർത്തിയാക്കിയതിന് ശേഷമുള്ള ബിടിഎസിൻറെ ആദ്യത്തെ ആൽബം 2026 മാർച്ചിൽ എത്തും എന്നാണ് നിലവിലെ വിവരം.