അച്ഛനായിരുന്നു അമ്മയുടെ ലോകം! അച്ഛൻ വരുന്ന ദിവസങ്ങൾ ഉത്സവം; ഒരിക്കലും ഉപദേശിക്കാത്ത സ്വാതന്ത്ര്യം തടയാത്ത അച്ഛൻ

മക്കളെ അടച്ചിട്ട് വളർത്താത്ത അവരുടെ ഇഷ്ടത്തിന് ഒപ്പം നിൽക്കുന്ന ഒരു അച്ഛൻ അതായിരുന്നു ശ്രീനിവാസൻ . ഭാര്യ എന്നതിൽ ഉപരി ഒരു സുഹൃത്തായിരുന്നു വിമല ശ്രീനിക്ക്. ജീവിതത്തിൽ ഇത്രത്തോളം പരസ്പരം സ്നേഹിച്ച രണ്ടാളുകൾ തമ്മിൽ ഇനി എങ്ങനെ വേർപിരിഞ്ഞു ഇരിക്കും എന്നാണ് ഇവരെ അടുത്തറിയുന്നവർ പറയുന്നത്. അച്ഛൻ ആയിരുന്നു അമ്മക്ക് ലോകം. അച്ഛന്റെ സിനിമകൾ മാത്രം തീയറ്ററിൽ പോയി കണ്ടിരുന്ന അമ്മയാണ് തങ്ങളുടേത് എന്ന് ഒരിക്കൽ ധ്യാൻ പറഞ്ഞിട്ടുണ്ട്.

അച്ഛനായിരുന്നു അമ്മയുടെ ലോകം! അച്ഛൻ സ്ഥിരമായി സിനിമയുടെ തിരക്കുകളിൽ ആയിരുന്നാലും വീട്ടിൽ വന്നുപോകാൻ അദ്ദേഹം ശ്രദ്ധിച്ചിരുന്നു. അച്ഛൻ വീട്ടിൽ വന്നാൽ പിന്നെ, ആഘോഷമാണ്, അച്ഛന്റെ കൂട്ടുകാരും ഒപ്പം ഉണ്ടാകും, പുകവലി ആ സമയതൊക്കെയും അദ്ദേഹത്തിന് ശീലം ആയിരുന്നതിനെക്കുറിച്ചും ധ്യാൻ പറഞ്ഞിട്ടുണ്ട്.

അച്ഛൻ സിനിമകളിൽ ഉണ്ടെങ്കിൽ ആ സിനിമ എന്നത്തേയും സൂപ്പർഹിറ്റ് ആണ്, മമ്മൂട്ടിയും മോഹൻലാലും ഒരുമിച്ചു അഭിനയിച്ചാൽ അത് അവരുടെ ഭാഗ്യം എന്ന് വിലയിരുത്തുന്ന അമ്മയാണ് തങ്ങളുടേത് അങ്ങനെയുള്ള വിമല എങ്ങനെ ശ്രീനിവാസൻ ഇല്ലാതെ മുന്പോട്ടെക്ക് പോകും എന്നാണ് ഇപ്പോൾ വൈറൽ വീഡിയോയിൽ നിറയുന്ന കമന്റുകൾ . 42 വർഷത്തെ ദാമ്പത്യജീവിതം ആണ് ഇരുവരുടെയും. ഏറെക്കാലമായി ശ്രീനിവാസസന്റെ ഒപ്പം തന്നെ ടീച്ചറും ഉണ്ട്. യാത്രകളിൽ പൊതുവേദികളിൽ ആശുപത്രിയിൽ അങ്ങനെ ടീച്ചർ ഇല്ലാതെ ശ്രീനിവാസൻ ഉണ്ടായിരുന്നില്ല.

ALSO READ: 2 കോടിയ്ക്ക് ശ്രീനിവാസന്‍ പണിത സ്വര്‍ഗം കണ്ടനാട്ടെ പാലാഴി! ജപ്തി ചെയ്ത വീട്ടിൽ നിന്നും അന്ന് ഇറങ്ങിയശേഷം പണിത വീട്

1984 ജനുവരി 13 ന് ആയിരുന്നു ശ്രീനിവാസന്റെയും വിമലയുടെയും വിവാഹം. പാരലൽ കോളേജിൽ പഠിപ്പിക്കുന്ന സമയത്താണ് ഇരുവരും തമ്മിൽ കണ്ടുമുട്ടുന്നത്. പിന്നീട് പ്രണയവും വിവാഹവും. അതും ഒരു വിപ്ലവ കല്യാണത്തിലൂടെ ഒന്നായവർ. ഇരുവരുടെയും വിവാഹം പോലെ തന്നെ മക്കൾക്ക് ഇഷ്ടം ആയ ആളുകളെ കൂട്ടാനും ടീച്ചറും ശ്രീനിയും ഒപ്പം നിന്നു.

ഒട്ടുമിക്ക വേദികളിലും തന്റെ പ്രണയകഥയും വിവാഹം നടന്ന കാലത്തിലെ അവസ്ഥകളെ കുറിച്ചും ശ്രീനിവാസൻ സംസാരിച്ചിട്ടുണ്ട്.