അച്ഛനൊക്കെ പിടിച്ചുനിൽക്കുന്നത് കണ്ടില്ലേ, ശ്രീപരമേശ്വരനെ മനസ്സിൽ വിചാരിച്ച് നേരിട്ട് ഇറങ്ങിക്കോ; മീനാക്ഷിക്ക് കൊടുത്ത ഉപദേശം

ഏതൊരു അഭിമുഖത്തിലും ദിലീപ് തന്റെ മകൾ മീനാക്ഷിയെക്കുറിച്ച് ഒരു വരിയെങ്കിലും സംസാരിക്കാറുണ്ട്.മകളോട് ഉള്ള തന്റെ അടങ്ങാത്ത സ്നേഹവും വാത്സല്യവും ആ വാക്കുകളിൽ കേൾക്കാം. അത് വർഷങ്ങൾക്ക് മുൻപേ ഉള്ള അഭിമുഖത്തിലും, ഏറ്റവും ഒടുവിലത്തെ അഭിമുഖത്തിൽ പോലും വ്യക്തമാണ്.

ഒരിക്കൽ രമേശ് പിഷാരടിയും ആയുള്ള സംഭാഷണത്തിന്റെ ഇടയിൽ ആണ് മകളുടെ രസകരമായ ഒരു നിമിഷത്തെ കുറിച്ച് ദിലീപ് സംസാരിക്കുന്നത്. ബിന്ദു പണിക്കരുടെ മകളും മീനാക്ഷിയും എല്ലാം ഒരു സ്കൂളിൽ ഒരു ക്‌ളാസിൽ ആണ് പഠിച്ചിരുന്നത്, അന്ന് നൃത്തം അവതരിപ്പിക്കാൻ പോയ മീനാക്ഷിയുടെ കാര്യമാണ് ദിലീപ് സംസാരിക്കുന്നത്. ആദ്യം നൃത്തം ചെയ്യാൻ വേണ്ടി മീനാക്ഷിയെ ഒരു സൈഡിൽ കൊണ്ട് പോയി നിർത്തിയെന്നും, എന്നാൽ ഇത് അത്ര ഇഷ്ടപെടാഞ്ഞ മീനാക്ഷി അച്ഛന്റെ ഉപദേശത്തോടെ അത് ചോദ്യം ചെയ്യുകയും ചെയ്തു. പക്ഷേ അതോടെ സൈഡിൽ നിന്ന മീനാക്ഷി നടുവിൽ ആയി. എന്നാൽ അതോടെ ആൾക്ക് പേടി ആയെന്നും ദിലീപ് പറയുന്നു.

അച്ഛനൊക്കെ പിടിച്ചുനിൽക്കുന്നത് കണ്ടില്ലേ എന്തോരം കളികൾ ആണ് നടത്തുന്നത്, ശ്രീപരമേശ്വരനെ മനസ്സിൽ വിചാരിച്ച് നേരിട്ട് ഇറങ്ങിക്കോ എന്നാണ് ദിലീപ് നൽകിയ ഉപദേശം. എന്നാൽ അച്ഛൻ ചെയ്യുന്നത് സിനിമയാണ് എഡിറ്റ് ചെയ്യാം, ഇത് സ്റ്റേജ് ആണ് എന്ന് മീനാക്ഷി പറഞ്ഞെന്നും ദിലീപ് പറയുന്നു.

ALSO READ: നീണ്ട 29 വർഷത്തെ യാത്ര! ആദ്യം സുഹൃത്തുക്കൾ, പിന്നെ ബിസിനസ് പാർട്നേർസ്; ഇപ്പോൾ അച്ഛനും അമ്മയും; ദൈവത്തിന് നന്ദി

മുൻപും മകളുടെ വളർച്ചയെ കുറിച്ച് ദിലീപ് വാചാലനായിട്ടുണ്ട്. ഭയങ്കര പാവം മോൾ ആണ്. അധികം സംസാരിക്കില്ല. പരാതിയൊന്നും ഇല്ല. തന്റെ വിഷമഘട്ടത്തിൽ ആയിരുന്ന സമയത്തും പഠിച്ചു മിടുക്കി ആയി ഡോക്ടർ ആയി മകൾ എന്നും അഭിമാനത്തോടെ ദിലീപ് പറഞ്ഞു. പ്ലസ് റ്റു പരീക്ഷയുടെ സമയത്തായിരുന്നു പല വിധ വിഷയങ്ങൾ ഉണ്ടാകുന്നത്. എന്നാൽ ആ അവ്സസ്ഥയിലും മകൾ നന്നായി പഠിച്ചു, എംബിബിഎസിന് ചേർന്നു. ഇപ്പോൾ ഡോക്ടർ ആണ് വീട്ടിലെ സ്ഥിര വരുമാനം ഉള്ള ആളാണ് എന്നൊക്കെ സ്ഥിരം ദിലീപ് ശൈലിയിൽ അദ്ദേഹം പറഞ്ഞു.