അച്ഛനോട് അനുവാദം വാങ്ങിയ ശേഷമാണ് കെൽസി ടെയ്ലർ സ്വിഫ്റ്റിനെ പ്രപ്പോസ് ചെയ്തത്, വിരലിൽ അണിഞ്ഞത് 4.8 കോടിയുടെ വിജ്ര മോതിരം!

Authored by: അശ്വിനി പി|Samayam Malayalam•28 Aug 2025, 1:54 pm

കാത്തിരിപ്പുകൾക്കൊടുവിൽ ആ വിവാഹ നിശ്ചയം വളരെ ലളിതവും സുന്ദരവുമായി നടന്നു. പോപ് ഗായിക ടെയ്ലർ സ്വിഫ്റ്റും അമേരിക്കൻ ഫുട്ബോൾ താരമായ ട്രാവിസ് കെൽസിയും വർഷങ്ങളായി പ്രണയത്തിലാണ്. ഇരുവരുടെയും വിവാഹ നിശ്ചയം കഴിഞ്ഞു എന്നൊക്കെയുള്ള ഗോസിപ്പുകൾ കഴിഞ്ഞ കുറച്ച് ആഴ്ചകളായി പുറത്തുവരുന്നുണ്ടായിരുന്നു

ഒടുവിൽ വളരെ ലളിതവും മനോഹരവുമായി ആ പ്രപ്പോസലും എൻഗേജ്മെന്റും കഴിഞ്ഞു. ടെയ്ലർ സ്വിഫ്റ്റിന്റെ വീട്ടിലെ ഗാർഡൻ ഏരിയയിൽ വച്ചാണ് പ്രപ്പോസ് ചെയ്തത്. ആദ്യം ടെയ്ലർ സ്വിഫ്റ്റിന്റെ അച്ഛൻ സ്കോട്ട് സ്വിഫ്റ്റിനോട് അനുവാദം വാങ്ങിയ ശേഷമാണ് മകളെ പ്രപ്പോസ് ചെയ്തത് എന്ന് ട്രാവിസ് കെൽസിയുടെ അച്ഛൻ എഡ് കെൽസി പറയുന്നു.

Also Read: 47 കാരൻ! എഞ്ചിനീയർ ജോലി ഉപേക്ഷിച്ച് ആങ്കറിങ്ങിലേക്ക് ഇറങ്ങി; ഫാമിലിയും സുഹൃത്തുക്കളും കാത്തിരിക്കുന്നു അദ്ദേഹത്തിന്റെ വരവിനായി

വിവാഹ നിശ്ചയത്തിന്റെ ഒരു മാസം മുൻപ് കെൽസി സ്കോട്ട് സ്വിഫ്റ്റിനോട് അനുവാദം വാങ്ങിയിരുന്നുവത്രെ. എത്രയും പെട്ടന്ന് അത് ചെയ്യൂ, നീ എപ്പോഴാണ് പ്രപ്പോസ് ചെയ്യാൻ പോകുന്നത്, പ്രപ്പോസ് ചെയ്യുന്ന ആ നിമിഷം വളരെ സ്പെഷ്യൽ ആയിരിക്കുമെന്ന് ടെയ്ലർ സ്വിഫ്റ്റിന്റെ അച്ഛൻ പറഞ്ഞുവത്രെ. ഇരു വീട്ടുകാരുടെയും സമ്മതത്തോടെയും അനുഗ്രഹത്തോടെയും വളരെ ലളിതമായും സ്വകാര്യമായിട്ടുമാണ് വിവാഹ നിശ്ചയം കഴിഞ്ഞത്. വിവാഹ നിശ്ചയം കഴിഞ്ഞ കാര്യം ഇരുവരും സോഷ്യൽ മീഡിയയിലൂടെ അറിയിക്കുന്നതുവരെ ഇരു വീട്ടുകാരും അത് പുറത്തുവിട്ടതുമില്ല

Also Read: അടിച്ച് പിരിഞ്ഞ്, ഈ ബന്ധം ശരിയാവില്ല എന്ന് അവസ്ഥയിലെത്തി; ഈ ഫോട്ടോ കാരണമാണ് ഒന്നിച്ചത് എന്ന് വിജയ് മാധവ്

ഇപ്പോൾ വിവാഹ നിശ്ചയത്തിന് ശേഷം ചർച്ചയാവുന്നത് ട്രാവിസ് കെൽസി ടെയ്ലർ സ്വിറ്റിന് അണിയിച്ച മോതിരത്തെ സംബന്ധിച്ചാണ്. ന്യൂയോർക്ക് ആസ്ഥാനമായുള്ള ആർട്ടിഫെക്സ് ഫൈന്റ് ജ്വല്ലറിയിലെ കിൻഡ്രസ് ലുബെക്കുമായി ചേർന്ന് ട്രാവിസ് കെൽസി തന്നെ ഡിസൈൻ ചെയ്ത 4.8 കോടി രൂപ വിലമതിക്കുന്ന മോതിരമാണ് സ്വിഫ്റ്റിന്റെ വിരൽകളിൽ അണിഞ്ഞിരിയ്ക്കുന്നത്.


എല്ലാവരെയും അറിയിച്ച ഒരു ഗ്രാന്റ് ഷോ ആയിരിക്കണം എൻഗേജ്മെന്റ് എന്ന് ആദ്യം കരുതിയിരുന്നു. പക്ഷേ പിന്നീട് അത് ഏറ്റവും മനോഹരമായും ലളിതമായും നടന്നു. ഇൻസ്റ്റഗ്രാമിലൂടെ ഫോട്ടോ പങ്കുവച്ചതിന് ശേഷം ഒരുപാട് അഭിനന്ദനങ്ങളും മറ്റും വന്നു എന്ന് ട്രാവിസ് കെൽസിയുടെ അച്ഛൻ എഡ് കെൽസി പറയുന്നു.