അച്ഛന്‍ ഒരാളുടെ കാലില്‍ വീണത് അന്ന് ആദ്യമായിട്ടാണ്; അമ്മയുടെ മരണത്തെ കുറിച്ചും, അച്ഛനെ കുറിച്ചും സുചിത്ര മോഹന്‍ലാല്‍

1 month ago 5
മലയാളികളെ സംബന്ധിച്ച് സുചിത്ര എന്നാല്‍, സൂപ്പര്‍സ്റ്റാര്‍ മോഹന്‍ലാലിന്റെ ഭാര്യ എന്നാണ്. പക്ഷേ തമിഴകത്തെ സംബന്ധിച്ച് അത് മാത്രമല്ല സുചിത്രയുടെ ഐഡന്റിറ്റി, തമിഴിലെ പ്രമുഖ നടനും നിര്‍മാതാവുമായ ബാലാജിയുടെ ഇളയ മകളാണ്. മോഹന്‍ലാലിനെ കുറിച്ചുള്ള ബന്ധത്തെ കുറിച്ചും, പ്രണയത്തെ കുറിച്ചും, വിവാഹ ജീവിതത്തെ കുറിച്ചും, മക്കളെ കുറിച്ചും, അവരുടെ ഇഷ്ടങ്ങളെ കുറിച്ചുമൊക്കെ നിരന്തരം സംസാരിക്കുന്ന ആളാണ് സുചിത്രം. എന്നാല്‍ വളരെ അപൂര്‍വ്വമായിട്ട് മാത്രമാണ് തന്റെ അച്ഛനെയും അമ്മയെയും കുറിച്ച് സംസാരിച്ചിട്ടുള്ളത്.

അച്ഛന്‍ എല്ലാവരെയും സംബന്ധിച്ച് ഒരു സാന്റക്ലോസ് ആയിരുന്നു, ആര് എന്ത് ആഗ്രഹം ചോദിച്ചാലും നടത്തി കൊടുക്കും. കല്യാണം കഴിഞ്ഞ, ഞാന്‍ കൊച്ചിയിലേക്ക് താമസം മാറി. ആ സമയത്ത് എന്തോ കാരണത്താല്‍ കേരളത്തില്‍ അരുണ്‍ ഐസ്‌ക്രീം നിരോധിച്ചിരുന്നു, എനിക്ക് ആ ഐസ്‌ക്രീം വളരെ ഇഷ്ടമാണ്. ഒരിക്കല്‍ ചേച്ചി ഫോണില്‍ വിളിച്ചിട്ട് പറഞ്ഞു, ഞാന്‍ എന്താണ് കഴിക്കുന്നത് എന്നറിയാമോ, അച്ഛന്‍ എനിക്ക് അരുണ്‍ ഐസ്‌ക്രീം വാങ്ങി തന്നു എന്ന്. ഒരു മണിക്കൂര്‍ മതി, കൊച്ചിയില്‍ നിന്ന് ഞാന്‍ ചെന്നൈയില്‍ എത്തും, അച്ഛന്‍ എനിക്ക് ഫ്‌ളൈറ്റില്‍ കൊടുത്തു വിടുമോ എന്ന് ചോദിച്ചപ്പോള്‍ ചെരുപ്പടി വാങ്ങും നീ എന്ന് പറഞ്ഞു. രണ്ട് ദിവസം കഴിഞ്ഞ് എനിക്കൊരു കോള്‍ വന്നു, അഡ്രസ്സ് ചോദിച്ചുകൊണ്ട്. അച്ഛന്‍ അവിടെ നിന്ന് ഐസ്‌ക്രീം വാങ്ങി എനിക്ക് അയക്കുകയായിരുന്നു.

Samayam Malayalamഇതാണ് ഞങ്ങളുടെ മകള്‍, അവളുടെ കുഞ്ഞിക്കാലും, കൈകളും; മകളുടെ മുഖം കാണുന്ന ഫോട്ടോ പങ്കുവച്ച് ജോമോന്‍ ടി ജോണ്‍
ആര് എന്ത് ചോദിച്ചാലും അച്ഛന്‍ സാധിച്ചു കൊടുക്കും, ആഗ്രഹങ്ങളൊന്നും ബാക്കിയാക്കരുത് എന്നാണ് അച്ഛന്‍ പറയുന്നത്. എന്റെ ചെറിയ പ്രായത്തില്‍ കാശില്ലാത്തത് കൊണ്ട് ആഗ്രഹിച്ചതൊന്നും എനിക്ക് വാങ്ങാന്‍ കഴിഞ്ഞിട്ടില്ല, പക്ഷേ നിങ്ങള്‍ അങ്ങനെയല്ല എന്ന് എപ്പോഴും പറയും. അച്ഛന്റെ വളര്‍ച്ചയില്‍ ഏറ്റവും വലിയ പങ്ക് വഹിച്ചത് അമ്മ തന്നെയാണ്, ആള് തീര്‍ത്തും സയലന്റ് ആണ്. എന്നാല്‍ അച്ഛന് ഏറ്റവും വലിയ പിന്തുണയും. എല്ലാവരും മരിച്ചു കഴിഞ്ഞാലാണ് അവരെ കുറിച്ച് ആളുകള്‍ നല്ലത് പറയുന്നത്. പക്ഷേ എന്റെ അമ്മ ജീവിച്ചിരുന്നപ്പോഴും എല്ലാവരും അമ്മയെ കുറിച്ച് നല്ലത് മാത്രമാണ് പറഞ്ഞിട്ടുള്ളത്.

അമ്മയ്ക്ക് ഹാര്‍ട്ടിന് ചെറിയ പ്രശ്‌നം ഉണ്ടായിരുന്നു, ആദ്യം ഒരു മൈനര്‍ സര്‍ജറി കഴിഞ്ഞു. പിന്നീട് വീണ്ടും നില ക്രിട്ടിക്കല്‍ ആയപ്പോള്‍ സര്‍ജറി വേണം എന്ന് പറഞ്ഞു. പക്ഷേ ജീവനോടെ തിരിച്ചു കിട്ടാന്‍ രണ്ട് ശതമാനം മാത്രമേ സാധ്യതയുള്ളൂ എന്ന് ഡോക്ടര്‍ അച്ഛനോട് പറഞ്ഞു. അപ്പോള്‍ അച്ഛന്‍ പറഞ്ഞത്, ഞാന്‍ ആ രണ്ട് ശതമാനത്തില്‍ വിശ്വസിക്കുന്നു, സര്‍ജറി ചെയ്‌തോളൂ എന്നാണ്. എന്തെന്നാല്‍ പിന്നീട്, അത് ചെയ്യാത്തത് കൊണ്ട് അവളെ നഷ്ടപ്പെട്ടു എന്ന കുറ്റബോധം എനിക്ക് തോന്നരുത് എന്ന്. ആ സര്‍ജറി കഴിഞ്ഞു, അത് സക്‌സസ്ഫുള്‍ ആയിരുന്നു. അന്ന് ആദ്യമായിട്ടാണ് അച്ഛന്‍ മറ്റൊരാളുടെ കാലില്‍ വീഴുന്നത് ഞാന്‍ കണ്ടത്, ആ ഡോക്ടറുടെ കാലില്‍.


അമ്മ പോയപ്പോള്‍ അച്ഛനും മാനസികമായി തകര്‍ന്നു, പക്ഷേ ഞങ്ങളെ മൂന്ന് പേരെയും അത് അറിയിച്ചിരുന്നില്ല. മറ്റാരെയും ആശ്രയിച്ച് ജീവിക്കാനും അച്ഛന് ഇഷ്ടമല്ലായിരുന്നു. തൊട്ടടുത്താണ് ചേച്ചിയും, ചേട്ടനുമൊക്കെ താമസിക്കുന്നത്. പക്ഷേ അവരെ ആറെയും സഹായത്തിന് വിളിച്ചില്ല, ചേച്ചിയെ വിളിച്ച് വാഷിങ് മെഷിന്‍ എല്ലാം എങ്ങനെയാണ് ഓണ്‍ ചെയ്യുന്നത് എന്ന് പറഞ്ഞ് തരാന്‍ ആവശ്യപ്പെട്ടു. പിന്നീട് അമ്മ ഇല്ലാത്തതിന്റെ കുറവ് ഞങ്ങളെ അറിയിക്കാതെ വീട്ടിലെ കാര്യങ്ങളെല്ലാം നോക്കി, ഞങ്ങള്‍ക്കുള്ളതെല്ലാം അമ്മ വാങ്ങി വയ്ക്കുന്നത് പോലെ അവിടെ വാങ്ങി വയ്ക്കും- സുചിത്ര മോഹന്‍ലാല്‍ പറഞ്ഞു
Read Entire Article