അച്ഛന്‍ ചെയ്യാത്തത് അമ്മയ്ക്കും പെങ്ങള്‍ക്കും വേണ്ടി ചെയ്യുന്നവന്‍; ജേയ്‌സണ്‍ സഞ്ജയിയെ കുറിച്ച് അറിയാത്തത് ചിലത്

ഇന്നലെയായിരുന്നു സി ജോസഫ് വിജയ് എന്ന ഇളയദളപതിയുടെ മുഖ്യമന്ത്രിയായുള്ള സത്യപ്രതിജ്ഞ. മാതൃകാ ദിനത്തില്‍ വിജയ് അമ്മയ്ക്ക് നല്‍കിയ ഏറ്റവും അഭിമാന നിമിഷമായിരുന്നു അത്. എന്നാല്‍ അതേ വേദിയില്‍ അദൃശ്യമായ മറ്റൊരു പുത്രനെ കുറിച്ചുകൂടെ ഇന്ന് സോഷ്യല്‍ മീഡിയ പ്രശംസിക്കുന്നു. വിജയ് യുടെ മകല്‍ ജെയ്‌സണ്‍ സഞ്ജയ് !.

വിജയ് അമ്മയ്‌ക്കൊരു അഭിമാന നിമിഷം ഉണ്ടാക്കി കൊടുത്തപ്പോള്‍, തന്റെ അമ്മയുടെ പക്ഷത്ത് നില്‍ക്കാന്‍തീരുമാനിച്ച ജെയ്‌സണ്‍ സഞ്ജയ് തന്നെയാണ് ഏറ്റവും മികച്ച തീരുമാനമെടുത്തത് എന്നാണ് സോഷ്യല്‍ മീഡിയയുടെ പക്ഷം. അമ്മയെ വീട്ടില്‍ നിന്ന് പറഞ്ഞു വിട്ടപ്പോള്‍ തന്നെ കൂടെ ഇറങ്ങിയതാണ് സഞ്ജയ് യും. പെങ്ങള്‍ സാഷയുടെയും അമ്മയുടെയും എല്ലാ കാര്യങ്ങളും ഉത്തരവാദിത്വത്തോടെ ചെയ്യുന്നതും ഇന്ന് ജെയ്‌സണ്‍ സഞ്ജയ് തന്നെയാണ്.

Also Read: പ്രണയം എപ്പോഴും ലൗഡാണ്, വിജയ്ക്ക് വേണ്ടി എത്തിയത് പ്രണയം കൊണ്ട് തന്നെയാണ് എന്ന് തൃഷ കൃഷ്ണന്‍

ഭര്‍ത്താവിന് നടിയുമായുള്ള അവിഹിത ബന്ധം തങ്ങളുടെ 26 വയസ്സുള്ള മകനും 21 വയസ്സുള്ള മകള്‍ക്കും നാണക്കേടാണ് എന്ന് സംഗീത സമര്‍പ്പിച്ച വിവാഹ മോചന ഹര്‍ജിയില്‍ പറഞ്ഞിരുന്നു. അച്ഛന്റെ ആ ബന്ധത്തിന്റെ പേരില്‍ തന്നെയാണ് മക്കളും അകന്നത്. സാഷയുടെ ഗ്രാജ്വേഷന്‍ ചടങ്ങിന് പോലും വിജയ് പങ്കെടുത്തിരുന്നില്ല. അച്ഛന്റെ സ്ഥാനത്ത് ആ ചടങ്ങിന് പങ്കെടുത്ത് അനിയത്തിയ്ക്ക് പിന്തുണ നല്‍കിയത് ജെയ്‌സണ്‍ സഞ്ജയ് ആണ്. ഈ സാഹചര്യത്തില്‍ ആ വീഡിയോയും സോഷ്യല്‍ മീഡിയയില്‍ പ്രചരിക്കുന്നുണ്ട്.

ഈ ഒരു ഒറ്റക്കാര്യത്തില്‍ മാത്രമേ വിജയ് യോട് എതിര്‍പ്പുള്ളൂ എന്നാണ് ചില കടുത്ത ആരാധകരുടെയും പക്ഷം. വിവാഹ മോചനം ഒരിക്കലും ഒരു തെറ്റായ തീരുമാനമല്ല. പക്ഷേ അത് മറ്റൊരാളുടെ ഇടിച്ചുകയറല്‍ കാരണമാവുമ്പോഴാണ് പ്രശ്‌നം. സംഗീതയുമായി പിരിഞ്ഞാലും, മക്കളെങ്കിലും സത്യപ്രതിജ്ഞ ചടങ്ങില്‍ എത്തും ന്നെ് പ്രതീക്ഷിച്ചു. പക്ഷേ എത്തിയത് തൃഷ കൃഷ്ണനാണ്. അതും വലിയ രീതിയില്‍ ചര്‍ച്ചയ്ക്ക് വഴിയൊരുക്കി.

മുത്തശ്ശന്റെ പാത പിന്‍തുടര്‍ന്നാണ് ജെയ്‌സണ്‍ ഇപ്പോള്‍ സിനിമയിലേക്ക് വന്നിരിക്കുന്നത്. ആദ്യമായി സംവിധാനം ചെയ്യുന്ന ചിത്രത്തിന്റെ അണിയപ്പണികളിലാണ് ജെയ്‌സണ്‍. അച്ഛനുമായി യാതൊരു ബന്ധവും ഇല്ല എന്നാണ് റിപ്പോര്‍ട്ടുകള്‍.