അച്ഛന്റെ നിർബന്ധം കൊണ്ടല്ല സ്വന്തം ഇഷ്ടത്തിന്! മോയ്തായ് കുങ്ഫു തായ്‌ലൻഡിലെ പഠനം; അധികം വൈകാതെ മായ വിസ്മയമാകും

Authored by: ഋതു നായർ|Samayam Malayalam•1 Jul 2025, 5:03 pm

ലാലേട്ടൻ ഫാൻസിനെ സംബന്ധിച്ചിടത്തോളം ഏറെ സന്തോഷം നിറയ്ക്കുന്ന ഒരു സായാഹ്നം ആയിരുന്നു ജൂലൈ 1. താരത്തിന്റെ ഇളയമകളും സിനിമയിലേക്ക് എത്തുന്നു എന്നാണ് വാർത്തകൾ. അച്ഛന്റെയോ അമ്മയുടെയോ നിര്ബദ്ധത്തിനു അല്ല സ്വന്തം ഇഷ്ടത്തോടെ കരിയറിൽ എല്ലാ തീരുമാനങ്ങളും എടുക്കുന്ന വിസ്മയ നായിക ആയിട്ടാണ് സിനിമയിലെ അരങ്ങേറ്റം എന്നാണ് റിപ്പോർട്ടുകൾ . ആശിർ വാദ് സിനിമാസിന്റെ ബാനറിൽ ഒരുങ്ങുന്ന ചിത്രത്തിനെ കുറിച്ച് കൂടുതൽ വിവരങ്ങൾ പുറത്തുവിട്ടില്ല എങ്കിലും വിസ്മയ വിസ്മയം ആകുമോ എന്ന് അറിയാനുള്ള കാത്തിരിപ്പിൽ ആണ് ആരാധകർ.

തന്റെ മുപ്പത്തിനാലാം വയസിലാണ് വിസ്മയ മലയാള സിനിമയിൽ നായിക ആകാനെത്തുന്നത്. കല്യാണിയെ പോലെ, പ്രണവിനെ പോലെ കീർത്തി സുരേഷിനെയും ദുൽഖർ സൽമാനെയും പോലെ മാറ്റുരക്കാൻ സിനിമയിലേക്ക് എത്തുമ്പോൾ വിസ്മയെ കുറിച്ച് അറിയാൻ ചിലത് വായിക്കാം.

ചെറുപ്പം മുതൽ മാർഷൽ ആർട്സിൽ ആണ് വിസ്മയക്ക് താത്പര്യം. ബോർഡിങ് സ്‌കൂളിലെ പഠനവും വിദേശരാജ്യങ്ങളിലെ താമസവും കാരണം മലയാളികൾ അധികം വിസ്മയയെ ശ്രദ്ധിച്ചിട്ടില്ല.

ALSO READ:ഗർഭിണിയായപ്പോൾ പോലും എന്നെ വെറുതെ വിട്ടില്ല എന്ന് രംഭ, അത് ഞാൻ അവളെ സന്തോഷിപ്പിച്ചതാണ് എന്ന് കല മാസ്റ്റർ; ഇരുവരുടെയും ബന്ധംഏറെക്കാലമായി തായ്‌ലൻഡിൽ ആണ് വിസ്മയ. മായ എന്ന ചെല്ലപ്പേരിൽ അറിയപ്പെടുന്ന വിസ്മയ ഒരു എഴുത്തുകാരി കൂടിയാണ്. തായ് ആയോധന കല അഭ്യസിച്ച വിസ്മയ ഗ്രെയിന്‍സ് ഓഫ് സ്റ്റാര്‍ഡസ്റ്റ് എന്ന പേരില്‍ പുസ്തകം എഴുതിയിട്ടുണ്ട്. കാമറയ്ക്ക് മുൻപിലേക്ക് ആദ്യം ആയിട്ടാണ് വിസ്മയ വിസ്മയം തീർക്കാൻ എത്തുന്നത് എങ്കിലും കവിതയും കലയും കുങ്ഫുവും ഒക്കെ ആയി വിസ്മയ എന്നും ആരാധകർക്ക് കൗതുകം ആയിരുന്നു.

സ്പോർട്സിൽ ആണ് മകൾക്ക് താത്പര്യമെന്നും മോയ്തായ് എന്ന മാർഷൽ ആർട്ട് തായ്ലാന്റിൽ പഠിച്ചുകൊണ്ടിരിക്കുന്നു എന്നാണ് ഈ അടുത്തിടെ ലാലേട്ടൻ പറഞ്ഞത്.

ALSO READ: ആരാണ് പ്രാർത്ഥന! മുകേഷിന്റെ ഒപ്പം കാണുന്ന സുന്ദരി; വിവാഹ വാർത്ത സത്യമോ; റീലോ? മറുപടികൾ പറയുന്നത്തായ്‌ലാന്റ് ആയോധന കലകളിലെ അഭ്യാസ പ്രകടനങ്ങള്‍ നടത്തുന്ന വീഡിയോ ഇടക്ക് മായ ഇൻസ്റ്റയിലൂടെപങ്കിടാറുണ്ട്.

വെസ്റ്റേണ്‍ മ്യൂസിക്കിനോടും ഇഷ്ടമുള്ള താരപുത്രിയ്ക്ക് എഴുത്ത്, വായന, വര, ക്ലേ ആര്‍ട്ടുകള്‍ എല്ലാം ഇഷ്ടപെട്ട മേഖലകൾ ആണ്. ചേട്ടന് പിന്നാലെ അനുജത്തിയും സിനിമയിലേക്ക് എത്തുമ്പോൾ ലാൽ ഫാൻസിനു പുറമെ മലയാള സിനിമാ പ്രേക്ഷകരും ആകാംക്ഷയിൽ ആണ്.

ALSO READ:മാട്രിമോണിയൽ വഴി കണ്ടെത്തിയ അർജുൻ! ഹൈദരാബാദുകാരൻ; ഖത്തറിൽ ജീവിതം; ഒരുമിച്ചായ ദിവസത്തിന്റെ ഓർമ്മയിൽ ഐശ്വര്യ

ജൂലൈ ഒന്നിന് വൈകിട്ട് അഞ്ച് മണിക്ക് ഒരു പ്രഖ്യാപനം ഉണ്ടാവുമെന്നും സ്റ്റേ ട്യൂൺഡ് എന്നും ആശിര്‍വാദ് സിനിമാസ് രാവിലെ പങ്കിട്ട സോഷ്യല്‍ മീഡിയ കുറിപ്പിലൂടെ പറഞ്ഞിരുന്നു എങ്കിലും വിസ്മയയുടെ അരങ്ങേറ്റം ആകും എന്ന് ഒരിക്കലും ലാൽ ഫാൻസ്‌ പോലും കരുതിയിരുന്നില്ല.