അടിച്ച് പിരിഞ്ഞ്, ഈ ബന്ധം ശരിയാവില്ല എന്ന് അവസ്ഥയിലെത്തി; ഈ ഫോട്ടോ കാരണമാണ് ഒന്നിച്ചത് എന്ന് വിജയ് മാധവ്

Authored by: അശ്വിനി പി|Samayam Malayalam•25 Aug 2025, 10:29 am

ഒരിക്കലും ഒന്നിക്കില്ല എന്ന് കരുതിയവരാണ് ഞങ്ങൾ എന്ന് പല ആവർത്തി വിജയ് മാധവും ദേവിക നമ്പ്യാരും പറഞ്ഞിട്ടുണ്ട്. ഒട്ടും റൊമാന്റിക് അല്ലാത്ത വിജയ് മാധവും, കാര്യങ്ങൾ അല്പം ഫാന്റസിയായി സമീപിക്കുന്ന ദേവികയും പിരിഞ്ഞിട്ടും വീണ്ടും ഒന്നിച്ചവരാണ്.

പ്രണയം പ്രപ്പോസ് ചെയ്യുക ഒന്നുമായിരുന്നില്ല, ഒന്നിച്ച് ചില പ്രോഗ്രാമുകളിലൊക്കെ പങ്കെടുത്തത്തോടെ തോന്നിയ സൗഹൃദം, ഇനി ഒന്നിച്ച് ജീവിച്ചാലോ എന്ന് തോന്നി. പക്ഷേ ഒരു ഘട്ടം എത്തിയപ്പോൾ അടിച്ചു പിരിഞ്ഞു. പക്ഷേ വീണ്ടും ഒന്നിക്കാൻ കാരണമായത്ത് ഒരു കല്യാണ ഫോട്ടോ ആണെന്ന് വിജയ് മാധവ് പറയുന്നു. ഇന്ന് വിജയ് മാധവിന്റെയും ദേവിക നമ്പ്യാരുടെയും വിവാഹ നിശ്ചയ വാർഷികമാണ്. ഈ അവസരത്തിലാണ് തങ്ങൾ വീണ്ടും ഒന്നിക്കാൻ ഇടയായ സാഹചര്യത്തെ കുറിച്ച് ഗായകൻ ഇൻസ്റ്റഗ്രാം പോസ്റ്റിട്ടത്.

Also Read: ഇങ്ങനെ സുന്ദരിയാരിക്കുന്നതിന്റെ കാരണം എന്റെ പുരുഷൻ തന്നെ! സൂര്യ തേജസ്സോടെ രാധിക; ജ്യോതികയുടെ വാക്കുകൾ കടമെടുത്ത് ഫാൻസ്‌

2016 മെയ് 5 ഉച്ചക്ക് 1.42 ന് എന്റെ അനിയത്തിയുടെ കല്യാണത്തിന് ഈ പടം എടുത്ത ഒറ്റ കാരണം കൊണ്ടാണോ ഞാനും ദേവികയും ഒരുമിച്ചത് എന്ന് എനിക്ക് തോന്നിയിട്ടുണ്ട് എന്ന് പറഞ്ഞുകൊണ്ടാണ് വിജയ് മാധവിന്റെ പോസ്റ്റ് തുടങ്ങുന്നത്.

ഞങ്ങൾ അടിച്ച് പിരിഞ്ഞ് ഇനി ഈ ബന്ധം ശരിയാവില്ല എന്ന് ഉറപ്പിച്ച് ദേവികയെ ഞാൻ ഫോണിൽ ബ്ലോക്ക് ചെയ്തു സമാധാനമായിട്ട് വീട്ടിൽ ടിവി കണ്ടു കിടന്നപ്പോൾ ആണ് എന്റെ അനിയത്തി നന്ദു, ഈ പടം അയച്ച് തന്നിട്ട്, വെറുതെ അഹങ്കാരം കാണിക്കാതെ ഈ കൊച്ചിനെ കെട്ടാൻ നോക്ക് … കണ്ടില്ലേ നിങ്ങൾ ബെസ്റ്റ് ജോഡി ആണ്… ഇതിലും നല്ലതൊന്നും ഇനി നിനക്ക് കിട്ടാൻ പോണില്ല… എന്നൊക്കെ അവളുടെ ഭാഷയിൽ പറഞ്ഞത് എന്നെ ചിന്തിപ്പിച്ചു…

Also Read: 18 വയസ്സിന് ശേഷം എന്റെ ഒരു കാര്യത്തിലും അച്ഛനും അമ്മയും ഇടപെട്ടിട്ടില്ല, ‍എനിക്ക് എത്ര പണം കിട്ടുന്നു എന്ന് പോലും അവർക്കറിയില്ല; അനുപമ പറയുന്നു

അങ്ങനെയാണ് ഞങ്ങൾ വീണ്ടും ഒരുമിക്കാൻ കാരണമായത്, ഓരോരോ ജീവിതങ്ങൾ. വന്നവഴികൾ ഇടക്ക് തിരിഞ്ഞു നോക്കുമ്പോൾ എല്ലാം ആരോ നിശ്ചയിച്ചത് നമ്മൾ വെറുതെ ജീവിക്കുകയല്ലേ എന്ന് തോന്നിപോകും- വിജയ് മാധവ് ഇൻസ്റ്റഗ്രാമിൽ കുറിച്ചു


വിവാഹ നിശ്ചയത്തിന് ശേഷവും, നമ്മൾ തമ്മിൽ ചേരില്ല, ഇത് വേണോ എന്ന് വേദിക, താങ്കൾ ഒന്നുകൂടെ ചിന്തിക്കൂ എന്നൊക്കെ വിജയ് മാധവ് ഫോൺ വിളിച്ചു പറഞ്ഞിട്ടുണ്ടത്രെ. അന്ന് എന്തായാലും നിശ്ചയം കഴിഞ്ഞു പോയില്ലേ, നമുക്ക് നോക്കാം എന്ന് പറഞ്ഞ് മുന്നോട്ട് പോയതാണ്. ഇന്ന് രണ്ട് മക്കളുടെ അച്ഛനും അമ്മയുമാണ് വിജയ് മാധവും ദേവിക നമ്പ്യാരും. ജീവിതത്തിലെ ഉയർച്ച താഴ്ചകളെ എല്ലാം നേരിട്ട് സന്തോഷത്തോടെ മുന്നോട്ടു പോകുകയാണ്.