അടുത്തത് ഇഷാനിയുടെ കല്യാണം തന്നെയാണോ; വീട്ടിലെ ചടങ്ങുകളിലെല്ലാം സജീവമായി അർജുൻ; സിന്ധു കൃഷ്ണയ്ക്ക് ഒരു ടെൻഷനും ഇല്ല!

Authored byഅശ്വിനി പി | Samayam Malayalam | Updated: 13 May 2025, 6:54 pm

പൊതുവെ വീട്ടിൽ ഒരു വലിയ ചടങ്ങഉകൾ എന്തെങ്കിലും നടക്കുമ്പോൾ അച്ഛനും അമ്മയും വളരെ അധികം ടെൻഷൻ അനുഭവിയ്ക്കും. വരുന്നവരെ സ്വീകരിക്കാനും, ഭക്ഷണം എല്ലാവർക്കും എത്തിക്കാനും, ചടങ്ങുകളിൽ ഒരു കുറവും വരുന്നില്ല എന്ന് ഉറപ്പിക്കാനും ഒക്കെ. പക്ഷേ സിന്ധു കൃഷ്ണയെയും കൃഷ്ണകുമാറിനെയും സംബന്ധിച്ച് അങ്ങനെ ഒന്നുമില്ല. വളരെ കൂളായ പാരന്റ്സ് ആണ് സിന്ധുവും കൃഷ്ണകുമാറും. അത് സിന്ധു കൃഷ്ണയുടെ യൂട്യൂബ് വ്ളോഗിൽ വളരെ വ്യക്തവുമാണ്.

കഴിഞ്ഞ ദിവസം ആയിരുന്നു ഓസി എന്ന ദിയ കൃഷ്ണയുടെ വളകാപ്പ് ചടങ്ങ്. വളകാപ്പിന്റെ ചിത്രങ്ങളും വീഡിയോകളും എല്ലാം ഇതിനോടകം കുടുംബത്തിലെ മറ്റ് അംഗങ്ങൾ എല്ലാം ഷെയർ ചെയ്തു കഴിഞ്ഞു. ആ രണ്ട് ദിവസത്തെ വിശേഷങ്ങൾ എല്ലാം കോർത്തിണക്കിയാണ് സിന്ധു കൃഷ്ണയുടെ വീഡിയോ. ഏഴാം മാസത്തെ വളകാപ്പ് ചടങ്ങിന് അത്യാവശ്യം അടുത്ത ബന്ധുക്കളും സുഹൃത്തുക്കളും എല്ലാം പങ്കെടുത്തിരുന്നു. ആ തിരക്കുകൾക്കിടയിലും സിന്ധു കൃഷ്ണ വ്ളോഗ് എല്ലാം എടുത്തു

Also Read: തന്നെക്കാൾ പ്രായം കുറഞ്ഞ, സമ്പാദ്യത്തിലോ സ്റ്റാർഡത്തിലോ തന്നെക്കാൾ താഴ്ന്ന ആളെ എന്തുകൊണ്ട് വിവാഹം ചെയ്തു; നയൻതാര പറഞ്ഞ മറുപടി

ഏറ്റവും വലിയ ഹൈലൈറ്റ്, വളകാപ്പ് ചടങ്ങിന്റെ ദിവസം ഉച്ചയ്ക്കുള്ള ഭക്ഷണം സിന്ധുവിന്റെ സുഹൃത്ത് ഹസീന തിരുനെൽവേലിയിൽ നിന്ന് ഉണ്ടാക്കി കൊണ്ടുവരികയായിരുന്നു. മട്ടൻ ബിരിയാണിയും മട്ടൻ സാമ്പാറും അടക്കം വിഭവങ്ങളൊരുപാടായിട്ടാണ് ഹസീന എത്തിയത്. ഇരുപതിലധികം ആളുകൾ അത് കഴിച്ചു. ആ സ്നേഹത്തെ കുറിച്ച് സിന്ധു വാചാലയാവുന്നുണ്ട്. കുടുംബത്തിൽ എല്ലാവരും ഒത്തു ചേർന്നതിന്റെ സന്തോഷവും കാണാമായിരുന്നു.

Also Read: എനിക്ക് പാവം തോന്നുന്നു, ദൈവത്തിന് പോലും ഇത് ഇഷ്ടപ്പെടില്ല, ഇങ്ങനെ ഒരു മനുഷ്യനെ കളിയാക്കണോ; രേണുവിന് വേണ്ടി തെസ്നി ഖാൻ

കൃഷ്ണ കുമാറിന്റെ നാല് മക്കളും, മരുമകൻ അശ്വിനും ഒപ്പം ഇഷാനി കൃഷ്ണയുടെ പങ്കാളി അർജുന്റെ സാന്നിധ്യവും സിന്ധു കൃഷ്ണയുടെ വീഡിയോയിൽ കാണാം. ചടങ്ങുകളിലെല്ലാം അർജുൻ സജീവമായിരുന്നു. എന്നാൽ ഇഷാനി പങ്കുവച്ച വീഡിയോയിൽ എവിടെയും അർജുന്റെ മുഖം കാണിക്കുന്നില്ല.

വളകാപ്പ് ചടങ്ങുകൾ എല്ലാം വളരെ ഭംഗിയായി കഴിഞ്ഞതും, കുടുംബത്തിൽ എല്ലാവരും അത് എത്രമാത്രം ആസ്വദിച്ചു എന്നും സിന്ധു കൃഷ്ണയുടെ വീഡിയോയിൽ കാണാം. യാതൊരു ടെൻഷനും അക്കാര്യത്തിലൊന്നും സിന്ധു കൃഷ്ണയ്ക്ക് ഉണ്ടായിരുന്നില്ല. എല്ലാ ചടങ്ങുകളും കഴിഞ്ഞതിന് ശേഷം പെയ്ത മഴയും അനുഗ്രഹമായിരുന്നു.