അതെ കത്രീന കൈഫ് ​ഗർഭിണിയാണ്! ജീവിതത്തിലെ ഏറ്റവും മികച്ച അധ്യായത്തിലേക്ക് കടക്കുകയാണ് എന്ന് വിക്കി കൗശൽ

Authored by: അശ്വിനി പി|Samayam Malayalam•23 Sept 2025, 1:18 pm

വിക്കി കൗശലുമായുള്ള വിവാഹം കഴിഞ്ഞ തുമുതൽ കത്രീന കൈഫിനെ കുറിച്ച് ഏറ്റവും അധികം വന്ന ഗോസിപ്പ് ആണ്, നടി ഗർഭിണിയാണ് എന്ന്. പലപ്പോഴും ഓരോ ഫോട്ടോകൾ പോസ്റ്റ് ചെയ്തുകൊണ്ട് എല്ലാ ഗോസിപ്പുകളും നടി നിഷേധിച്ചു. പക്ഷേ ഏറ്റവുമൊടുവിൽ വന്ന ഗോസിപ്പുകൾക്ക് പ്രതികരണമുണ്ടായിരുന്നില്ല.

ആര്യൻ ഖാന്റെ അരങ്ങേറ്റ ചിത്രത്തിന്റെ പ്രീമിയർ ഷോയ്ക്ക് ബോളിവുഡ് സിനിമാ ലോകത്തെ ബിഗ് താരങ്ങളെല്ലാം കുടുംബ സമേതം എത്തിയിരുന്നു. എന്നാൽ വിക്കി മാത്രം തനിച്ചാണ് വന്നത്. കത്രീന കൈഫ് ഇല്ലാതെ വിക്കി കൗശൽ ഒരു പൊതു പരിപാടിയിൽ പങ്കെടുത്തപ്പോൾ തന്നെ ഗർഭിണിയാണ് എന്ന ഗോസിപ്പുകൾ വന്നിരുന്നു. അത് സത്യം തന്നെ!

കത്രീന കൈഫ് ഗർഭണിയാണ് എന്ന സന്തോഷ വാർത്ത ഇപ്പോൾ ഇരുവരും തങ്ങളുടെ സോഷ്യൽ മീഡിയയിലൂടെ അറിയിച്ചു. സന്തോഷവും നന്ദിയും നിറഞ്ഞ ഹൃദയങ്ങളോടെ ഞങ്ങളുടെ ജീവിതത്തിലെ ഏറ്റവും മികച്ച അധ്യായം ആരംഭിക്കാനുള്ള യാത്രയിലാണ്- എന്ന് പറഞ്ഞുകൊണ്ട് മനോഹരമായ ഒരു ഫോട്ടോ പങ്കുവയ്ക്കുകയായിരുന്നു. പോസ്റ്റിന് താഴെ നിരവധി ആശംസാ കമന്റുകളാണ് വരുന്നത്.

Also Read: എന്റെ കൂടപ്പിറപ്പിനെ പടച്ചവൻ തിരിച്ചു വിളിച്ചു, അവനുണ്ടെങ്കിൽ മതിവരുവോളം കെട്ടിപ്പിടിച്ചു നിൽക്കണമെന്നുണ്ട്; വേദനയോടെ നിയാസ് ബക്കർ

കത്രീന കൈഫും സൽമാൻ ഖാനും, കത്രീന കൈഫും രൺബീർ കപൂറും തമ്മിലുള്ള പ്രണയമൊക്കെ വലിയ രീതിയിൽ വാർത്താ ശ്രദ്ധ ലഭിച്ചതായിരുന്നു. എന്നാൽ വിക്കി കൗശലുമായുള്ള പ്രണയവും വിവാഹവും എല്ലാം തീർത്തും സസ്പെൻസ് നിറഞ്ഞതായിരുന്നു.

2019 ലെ ഒരു സ്ക്രീൻ അവാർഡിൽ ഷോയിൽ വച്ചാണ് കത്രീന കൈഫും വിക്കി കൗശലും ആദ്യമായി പരസ്പരം കണ്ടുമുട്ടിയത്. ആ ഷോ ഹോസ്റ്റ് ചെയ്ത ആളായിരുന്നു വിക്കി. 2020 ൽ ഇരുവരും ഇഷ അമ്പാനി അവതരിപ്പിച്ച ഒരു ഷോയിൽ അതിഥികളായി എത്തി, അതോടെ പ്രണയ ഗോസിപ്പുകളും വന്നു. 2021 ൽ നടന്ന വിക്കി കൗശൽ - കത്രീന കൈഫ് വിവാഹവും ആരാധകരെ അമ്പരപ്പിച്ച ഒന്നാണ്. എങ്ങനെ ഇത് സംഭവിച്ചു എന്നായിരുന്നു എല്ലാവരുടെയും ചോദ്യം.


ബോളിവുഡ് സിനിമാ ലോകത്ത് വർഷങ്ങളായി നിറഞ്ഞു നിൽക്കുന്ന നടിയാണ് കത്രീന കൈഫ്, എങ്ങനെ ഒരു പുതുമുഖ നടനൊപ്പം പ്രണയത്തിലായി, ഒന്നിച്ചൊരു സിനിമ പോലും അഭിനയിച്ചില്ലല്ലോ എന്ന കൺഫ്യൂഷനൊടുവിൽ കരൺ ജോഹറാണ് ആ രഹസ്യം വെളിപ്പെടുത്തിയത്. സോയ അക്തറിന്റെ വീട്ടിൽ വച്ചു നടത്തിയ ഒരു പാർട്ടിയ്ക്ക് ശേഷമായിരുന്നുവത്രെ ഇരുവരുടെയും പ്രണയത്തിന് തുടക്കം. കത്രീനയെക്കാൾ അഞ്ച് വയസ്സ് ഇളയതാണ് വിക്കി കൗശൽ.