അദ്ദേഹത്തിലെ പോസറ്റീവ് കണ്ടിട്ടാണല്ലോ ഞാൻ വിവാഹം ചെയ്തത്! മറ്റുള്ളവരുടെ കണ്ണിലെ നെഗറ്റീവ് അദ്ദേഹത്തിന്റെ പോസറ്റീവാകാം; വാണി

Authored by: ഋതു നായർ|Samayam Malayalam•20 May 2025, 12:27 pm

മലയാള സിനിമ പ്രേമികൾക്ക് എന്നും പ്രിയങ്കരിയാണ് വാണി വിശ്വനാഥ്. ഒരു പതിറ്റാണ്ടു നീണ്ട ഇടവേളയ്ക്കു ശേഷം സിനിമയിൽ സജീവം ആവുകയാണ് ആള്. ശ്രീനാഥ് ഭാസി, ലാൽ എന്നിവർക്കൊപ്പം , വാണി വിശ്വനാഥും മുഖ്യകഥാപാത്രമായി എത്തുന്ന ഏറ്റവും പുത്തൻ ചിത്രമാണ് ആസാദി . ത്രില്ലർ മൂഡിലുള്ള ചിത്രം മാസം 23ന് തിയറ്ററുകളിൽ റിലീസ് ചെയ്യും സെന്റട്രൽ പിക്ചേഴ്സാണ് ചിത്രം തിയേറ്ററുകളിൽ എത്തിക്കുന്നത്. കേരളത്തിലെ ഒരു മെഡിക്കൽ കോളേജിൽ നടന്ന കഥയാണ് ഇതെന്ന് സൂചനയുണ്ട്.

ചിത്രത്തിന്റെ പ്രമോഷൻ തിരക്കുകളിൽ ആണ് താരങ്ങൾ. ഇതിനിടയിൽ ആണ് തന്റെ ഭർത്താവിനെക്കുറിച്ചുള്ള മാധ്യമപ്രവർത്തകരുടെ ചോദ്യങ്ങൾക്ക് വാണി മറുപടി നൽകിയത്. ബാബുരാജിൽ ഇഷ്ടപെട്ട പോസറ്റീവ് സൈഡ് എന്താണ് എന്നായിരുന്നു അലിയുടെ ചോദ്യം. എന്നാൽ അദ്ദേഹത്തിലെ ഒരു പോസിറ്റീവ് എന്നല്ല, ഒരുപാട് പോസ്റ്റീവ്സ് ഉള്ള ആളായത് കൊണ്ടാണല്ലോ ഞാൻ വിവാഹം ചെയ്തത്. മറ്റുള്ളവരുടെ ഉള്ളിൽ തോന്നുന്നതല്ലല്ലോ നമ്മുടെ കണ്ണിൽ കാണുന്ന പോസ്റ്റീവ്സ്. മറ്റുള്ളവർക്ക് നെഗറ്റീവ് ആയി കാണുന്നതായിരിക്കും പുള്ളിയുടെ പോസറ്റീവ്.

ഫുഡ് ഒക്കെ വളരെ പ്രിയപ്പെട്ട ആളാണ്, വാണി വിശ്വനാഥ് എന്ന ഭാര്യ അദ്ദേഹത്തിന് എന്താണ് കുക്ക് ചെയ്തു കൊടുക്കുക എന്ന ചോദ്യത്തിന് ഞാൻ വളരെ ഫാസ്റ്റ് ആണ്. അദ്ദേഹത്തിന് ഈ മുട്ട ബുൾസൈ ചെയ്തു കൊടുക്കാറുണ്ട്. ശരിക്കും പുള്ളി വീട്ടിൽ എത്തിയാൽ എനിക്ക് പുള്ളിയാണ് ആഹാരം ഉണ്ടാക്കി തരുന്നത്. ഞാൻ പുള്ളിക്കല്ല. പുള്ളി എല്ലാം വച്ചുണ്ടാക്കി എനിക്ക് തരും. ഫ്രൈഡ് റൈസ് ചില്ലി ചിക്കൻ ഒക്കെ ഉണ്ടാക്കി തരും. ഞാൻ പുള്ളിക്ക് ചെയ്യുന്നത് കുറവായിരിക്കും- നിറഞ്ഞമനസ്സോടെ വാണി പറയുന്നു. ഒപ്പം രാഷ്ട്രീയത്തെകുറിച്ചുള്ള ചോദ്യത്തിനും മറുപടി നൽകി.

ALSO READ: ഏറെ വൈകാരികവും അപ്രതീക്ഷിതവുമായ സംഭവമെന്ന് പേളി! മൂന്നാമത്തെ കുഞ്ഞിന്റെ വരവാണ് സ്വിറ്റ്സർലൻഡിൽ വച്ച് വെളിപ്പെടുത്തുമെന്ന് ആരാധകരും

രാഷ്ട്രീയത്തെ കുറിച്ചൊന്നും ഞാൻ ഇപ്പോൾ ചിന്തിക്കുന്നില്ല എന്നാണ് വാണി നൽകിയ മറുപടി.

ഫിറ്റ്‌നസിന്റെ കാര്യത്തില്‍ അതീവ ശ്രദ്ധയുള്ളവരാണ് ബാബുരാജും വാണിയും. വര്‍ക്കൗട്ട് ചിത്രങ്ങളും ഫാമിലി ഫോട്ടോസുമൊക്കെ സോഷ്യല്‍മീഡിയയിലൂടെ വൈറലായി മാറാറുണ്ട്. എന്നാണ് വാണി തിരിച്ചുവരുന്നതെന്നാണ് ആരാധകരുടെ ചോദ്യങ്ങള്‍. മികച്ച അവസരം ലഭിച്ചാല്‍ സ്വീകരിക്കുമെന്ന് മുന്‍പ് വാണി തന്നെ പറഞ്ഞിരുന്നു.

ALSO READ:സ്ഥിരവരുമാനം മകൾക്ക് മാത്രമെന്ന്! അപ്പോൾ കോടികളുടെ സ്വത്തുക്കൾക്ക് എന്ത് സംഭവിച്ചു; ദിലീപിന്റെ വാക്കുകളോട് ആരാധകരുടെ ചോദ്യംഒരാശുപത്രിയുടെ പശ്ചാത്തലത്തിൽ പ്രതികാരത്തിന്റേയും അതിജീവനത്തിന്റേയും കഥയാണ് ആസാദി. സൈജു കുറുപ്പ്, വിജയകുമാർ, മാലാ പാർവതി, ജിലു ജോസഫ്, രാജേഷ് ശർമ്മ, അഭിറാം, അഭിൻ ബിനോ, ആശാ മഠത്തിൽ, ഷോബി തിലകൻ, ബോബൻ സാമുവൽ ടി.ജി. രവി, ഹേമ, രാജേഷ് അഴീക്കോടൻ, ഗുണ്ടുകാട് സാബു, അഷ്ക്കർ അമീർ, തുഷാര തുടങ്ങിയവരും ചിത്രത്തിൽ മറ്റു പ്രധാന വേഷങ്ങളിൽ അഭിനയിക്കുന്നു.