അന്ന് ജ്യോതിക ഗര്‍ഭിണിയായിരുന്നു, സൂര്യയുടെ കുടുംബ സ്‌നേഹം ശരിക്കും തിരിച്ചറിഞ്ഞു എന്ന് സമീറ റെഡ്ഡി

മലയാളത്തില്‍ മോഹന്‍ലാലിന്റെ നായികയായി എത്തിയിട്ടുണ്ട് എങ്കിലും, സമീറ റെഡ്ഡി എന്നാല്‍ പ്രേക്ഷകര്‍ക്ക് ആദ്യം മനസ്സില്‍ ഓടി എത്തുന്നത് വാരണം ആയിരം എന്ന ചിത്രം തന്നെയാണ്. മേഘ്‌ന എന്ന കഥാപാത്രത്തെ അത്രയധികം മലയാളികളും സ്‌നേഹിച്ചതാണ്. സിനിമ റിലീസായി 20 വര്‍ഷങ്ങള്‍ക്ക് ശേഷം ഇതാ ചിത്രത്തിന്റെ ഷൂട്ടിങ് വിശേഷങ്ങളും, ഓര്‍മകളും സമീറ റെഡ്ഡി പങ്കുവയ്ക്കുന്നു. റെഡ്‌നൂളിന് നല്‍കിയ അഭിമുഖത്തില്‍ സംസാരിക്കുകയായിരുന്നു നടി.

ആ സമയത്ത് ജ്യോതിക ഗര്‍ഭിണിയായിരുന്നു. സാന്‍ഫ്രാന്‍സിസ്‌കോയില്‍ ആണ് വാരണം ആയിരത്തിന്റെ ഒരു പോര്‍ഷന്‍ ഷൂട്ടിങ് നടക്കുന്നത്. ഷൂട്ടിങിന് ശേഷം ഞങ്ങള്‍ ഷോപ്പിങിന് പോകുമായിരുന്നു. സൂര്യയ്‌ക്കൊപ്പം ബേബി ക്ലോത്ത് ഷോപ്പിങിന് ഞാന്‍ പോയിട്ടുണ്ട്, അതൊക്കെ വളരെ രസകരമായ ഓര്‍മകളാണ് എന്ന് സമീറ റെഡ്ഡി പറയുന്നു

Also Read: ഉറക്കില്ലാത്ത രാത്രി കിട്ടണേ എന്ന് പ്രാര്‍ത്ഥിച്ചിട്ടുണ്ട്, പക്ഷേ ഇപ്പോള്‍ അത് മാനേജ് ചെയ്യാന്‍ പറ്റാതെ കരഞ്ഞു പോയി എന്ന് കയദു

അന്ന് എനിക്ക് മനസ്സിലായി, ഞാന്‍ വര്‍ക്ക് ചെയ്തിട്ടുള്ള നടന്മാരില്‍ ഏറ്റവും പ്യുയര്‍ ആയിട്ടുള്ള, ഫാമിലിമാന്‍ ആണ് സൂര്യ എന്ന്. ജ്യോതികയോടുള്ള സൂര്യയുടെ സ്‌നേഹവും, പരിഗണനയും, കുട്ടികളെ സൂര്യ എത്രത്തോളം സ്‌നേഹിക്കുന്നു എന്നുമൊക്കെ എനിക്കന്ന് മനസ്സിലായി. സ്‌ക്രീനില്‍ ഞങ്ങള്‍ മനസ്സുരുകി സ്‌നേഹിക്കുന്നു, റൊമാന്‍സ് ചെയ്യുന്നു, ഡാന്‍സ് ചെയ്യുന്നു, അത് കഴിഞ്ഞ് നേരെ ബേബി ക്ലോത്ത്‌സ് വാങ്ങാന്‍ പോകുന്നു, എന്ത് രസമുള്ള ഓര്‍മകളാണ് അത് എന്ന് പറഞ്ഞ് പൊട്ടിച്ചിരിക്കുകയായിരുന്നു സമീറ

എത്രത്തോളം നല്ല ഫാമിലി മാന്‍ ആണോ അത്രത്തോളം പ്രൊഫഷണലും ആയിരുന്നു സൂര്യ. അതുകൊണ്ട് തന്നെയാണ് ആ സിനിമ ഉടനീളം ആ ഒരു ഫാമിലി വൈബ് അങ്ങനെ നില്‍ക്കുന്നത്. അത്തരമൊരു നടനൊപ്പം അഭിനയിക്കുമ്പോള്‍ എനിക്കും പൂര്‍ണമായും ഇന്‍വോള്‍വ് ചെയ്ത് അഭിനയിക്കാന്‍ സാധിച്ചു. മറ്റുള്ളവര്‍ എന്ത് ചിന്തിക്കും, എന്ത് പറയും എന്നൊന്നുമുള്ള ചിന്ത എനിക്കുണ്ടായിരുന്നില്ല. കാരണം സൂര്യ അത്രയും സ്‌പെഷ്യലാണ് എന്നാണ് സമീറ റെഡ്ഡി പറയുന്നത്.

സിനിമയില്‍ നിന്ന് ഇപ്പോള്‍ ചെറിയ ബ്രേക്ക് എടുത്ത് മാറി നില്‍ക്കുകയാണ് സമീറ റെഡ്ഡി. ഭര്‍ത്താവിനും മക്കള്‍ക്കുമൊപ്പം ഗോവയില്‍ സെറ്റില്‍ഡ് ആണ്. മികച്ച റോളുകള്‍ ലഭിച്ചാല്‍ ഇനിയും അഭിനയിക്കാന്‍ തയ്യാറാണ്. പക്ഷേ മക്കളെയും കുടംബത്തെയും വിട്ട് പത്ത് - നാല്‍പത് ദിവസം മാറി നില്‍ക്കാന്‍ കഴിയാത്ത സാഹചര്യം ആയതിനാലാണ് സജീവമാവാത്തത് എന്നും നടി വ്യക്തമാക്കി.