അന്ന് ഞാന്‍ വീമ്പിളക്കിയതാണ്, ഇന്നത് നടന്നു എന്ന് കീര്‍ത്തി സുരേഷ്; ചോദിച്ചു കുടുങ്ങിയല്ലോ എന്ന് സൂര്യ

ആദ്യകാല നടി മേനക സുരേഷിന്റെയും നിര്‍മാതാവ് സുരേഷ് കുമാറിന്റെയും മകള്‍ എന്ന ലേബലിലാണ് കീര്‍ത്തി സുരേഷ് അഭിനയ ലോകത്തേക്ക് വന്നത്. എന്നാല്‍ ഇപ്പോള്‍ യാതൊരു ലേബലും കീര്‍ത്തിയ്ക്ക് ആവശ്യമില്ല. മലയാളവും തമിഴും തെലുങ്കും കടന്ന് ബോളിവുഡ് വരെയും കീര്‍ത്തി സുരേഷിന്റെ കീര്‍ത്തി നിറഞ്ഞു നില്‍ക്കുന്നു. ഇന്ന് മേനക സുരേഷും, സുരേഷ് കുമാറും അറിയപ്പെടുന്നത് കീര്‍ത്തിയുടെ അച്ഛന്‍, അമ്മ എന്ന ലേബലിലാണ്.

ഇന്ന് മേനകയുടെ കീര്‍ത്തി എത്രത്തോളമാണെന്ന് അറിയാതെ പോയിരിക്കാം. എന്നാല്‍ ഒരു കാലത്ത് തമിഴിലും മലയാളത്തിലുമെല്ലാം അഭിനയം കൊണ്ടും അഴക് കൊണ്ടും കീഴടക്കിയ നടിയാണ് മേനക. അന്നത്തെ എല്ലാ സൂപ്പര്‍ താരങ്ങള്‍ക്കൊപ്പവും മേനക അഭിനയിച്ചിട്ടുണ്ട്. ആ ഒരു കാലത്ത് താന്‍ പറഞ്ഞ വീരവാദം ഇന്ന് യാഥാര്‍ത്ഥ്യമായതിനെ കുറിച്ച് കീര്‍ത്തി സുരേഷ് പറയുന്നു

Also Read: എല്ലാം നേടിയ ഒരു വര്‍ഷം, പക്ഷേ അവസാനം അമ്മയെ നഷ്ടപ്പെട്ടു; 2025 ലെ മോഹന്‍ലാലിന്റെ ജീവിതത്തില്‍ സംഭവിച്ചത്

താനേ സേര്‍ത കൂട്ടം എന്ന ചിത്രത്തില്‍ കീര്‍ത്തി സുരേഷ് സൂര്യ യുടെ നായികയായി അഭിനയിച്ചിരുന്നു. ആ സമയത്ത് സൂര്യ ടിവിയ്ക്ക് നല്‍കിയ ഒരു അഭിമുഖത്തില്‍ സംസാരിക്കവെയാണ് കീര്‍ത്തി ഇക്കാര്യം പറയുന്നത്. പണ്ട് മേനക, എന്റെ അമ്മ ശിവരാജ് കുമാര്‍ സാറിനൊപ്പം (സൂര്യയുടെ അച്ഛന്‍) മൂന്ന് സിനിമകള്‍ തുടര്‍ച്ചയായി ചെയ്തിരുന്നു. അപ്പോള്‍ ഞാന്‍ പറഞ്ഞു, വലുതാവുമ്പോള്‍ ഇവരുടെ മകനൊപ്പം ഞാന്‍ അഭിനയിക്കും എന്ന്.

അന്നൊരു വീരവാദത്തിന് വേണ്ടി പറഞ്ഞതാണ്, ഇന്നതില്‍ സന്തോഷമുണ്ട് എന്നാണ് സൂര്യയെ ഇരുത്തിക്കൊണ്ട് കീര്‍ത്തി സുരേഷ് പറഞ്ഞത്. അന്നേ ഞാന്‍ അഭിനയിക്കുന്നുണ്ടായിരുന്നോ, കീര്‍ത്തിക്ക് എന്തായിരുന്നു വയസ്സ് എന്ന് സൂര്യ വളരെ ആകാംക്ഷയോടെ ചോദിച്ചു. സര്‍ അന്നേ അഭിനയിക്കുന്നുണ്ടായിരുന്നു, ഞാനന്ന് അഞ്ചാം ക്ലാസില്‍ പഠിക്കുകയായിരുന്നു എന്ന് കീര്‍ത്തി പറഞ്ഞപ്പോള്‍, ആ ഹാ ചോദിച്ചു കുടുങ്ങിയല്ലോ എന്നായിരുന്നു സൂര്യയുടെ പ്രതികരണം.


2018 ല്‍ ആണ് താനാ സേര്‍ന്ത കൂട്ടം എന്ന ചിത്രം റിലീസായത്. വിഘ്‌നേശ് ശിവന്‍ സംവിധാനം ചെയ്ത ചിത്രം ശരാശരി വിജയം നേടി. അന്ന് കീര്‍ത്തി തമിഴ് സിനിമാ ലോകം വരെ ഒതുങ്ങി നില്‍ക്കുന്ന നടിയായിരുന്നു. എന്നാല്‍ ഏഴ് വര്‍ഷങ്ങള്‍ക്കിപ്പുറം ഇന്ത്യന്‍ സിനിമാ ലോകത്ത് വ്യക്തമായ സ്ഥാനം കീര്‍ത്തി നടിയെടുത്തിട്ടുണ്ട്.