അന്ന് മഞ്ജു ഉള്ള സമയത്തെ പദ്മസരോവരം! പ്രണയം ഇല്ലെങ്കിൽ മരിച്ചു എന്നല്ലേ അതിന്റെ അർഥം; പ്രണയത്തെ കുറിച്ച് വാചാലനായ താരം

ഇപ്പോഴും മഞ്ജുവിനെയും, ദിലീപിനെയും സംബന്ധിക്കുന്ന എന്ത് വാർത്തയും ആരാധകർക്ക് ആകാംക്ഷ കൂട്ടും. അതാകണം വർഷങ്ങൾക്ക് മുൻപേ ദിലീപ് നൽകിയ ഒരു അഭിമുഖം ഇത്രയും ജനഹൃദയങ്ങളിലേക്ക് എത്തുന്നത്. ദിലീപിനെ പോലെ തന്നെ ആ വീടും മഞ്ജുവും എല്ലാം ആരാധകർക്ക് പ്രിയപ്പെട്ടതാണ്. അന്ന് മഞ്ജു ആ വീട്ടിൽ ഉള്ള സമയത്ത് ദിലീപ് നൽകിയ അഭിമുഖം എന്ന പേരിൽ ആണ് ഇപ്പോൾ വീഡിയോ വൈറൽ ആകുന്നത്.

പ്രണയത്തെ കുറിച്ചും തന്റെചെറുപ്പകാലത്തെക്കുറിച്ചും പറയുകയാണ് ദിലീപ്

ഞാൻ ചെറുപ്പം മുതൽക്കേ കാണുന്നതാണ് ഈ പുഴ. രാത്രി ആയാൽ ഈ പുഴ പേടിയാകും. മുതല ഉണ്ടോ നീര്നായ ഉണ്ടോ എന്നൊക്കെ ചിന്ത ആകും. മഴ ആയാൽ ഇവിടെ മുങ്ങും. അമ്പലവും പള്ളിയും ആലുവ ശിവരാത്രിയും ഒക്കെയാണ് ഞാൻ ഇവിടം വിടാതെ ഇരിക്കാൻ കാരണവും .

പുഴ നീന്തി വന്ന ഒരു കാലം ഉണ്ട്. ജീവിതം മാറിമറിയുന്നതും അങ്ങനെ ആണ്. മിമിക്രി ഉണ്ടെന്ന് അറിഞ്ഞുവന്നതാണ്. മാർച്ച് ഏപ്രിൽ കാലഘട്ടം ഒക്കെ ഉത്സവ സീസൺ ആണ്. കഥകളി കാണാൻ പോയിരുന്ന സമയം ഉണ്ട്. ഉറങ്ങുന്ന ആളുകളുടെ കൈയ്യിൽ വിളക്കിലെ കരി എടുത്തു തേച്ചുവയ്ക്കുന്ന വികൃതികൾ ഒക്കെ ചെയ്തിട്ടുണ്ട്. അതൊക്കെ നേരം പോക്ക് ആയിരുന്നു അന്നൊക്കെ. അന്ന് നമ്മുടെ നാട്ടിൽ ഒക്കെ എന്നെ എഴുതി തളളി വിട്ടതാണ് ഇവൻ ഒരു കാലത്തും രക്ഷപ്പെടില്ല എന്നൊക്കെ.

ALSO READ: ഡിവോഴ്സിൽ തളർന്നില്ല, അങ്ങനെ ഇരിക്കാൻ പാടില്ല; ഷിജുവിന്റെ മുൻ ഭാര്യ എന്ന ലേബൽ അല്ല, നിയമത്തിലും നൃത്തത്തിലും മികവ് തെളിയിച്ച പ്രീതി

എന്റെ വീട്ടിൽ വിളിക്കുന്ന പേരാണ് ദിലീപ്. സ്‌കൂളിലും കോളേജിലും ഒക്കെ കൂട്ടുകാർ ഗോപാലകൃഷ്‍ണൻ എന്നാണ് വിളിക്കുന്നത്. എന്റെ അച്ഛനും ആയിഞാൻ നല്ല കൂട്ടായിരുന്നു. എന്റെ അച്ഛന്റെ കൈയ്യിൽ നിന്നും ഇടയ്ക്കിടെ തലക്ക് ഒരു കിഴുക്ക് ഒക്കെ കിട്ടാറുണ്ട്. ഇഷ്ടം സിനിമയിലെ അച്ഛനും മകനും മാത്രമായിരുന്നു ഞങ്ങൾ.

പ്രണയം ഇല്ലാത്ത മനുഷ്യർ ഉണ്ടോ. സിനിമയിൽ ഒക്കെ വരുന്നതിനു മുൻപുള്ള സമയത്ത് ഒരുപാട് പ്രണയങ്ങൾ ഉണ്ടായിരുന്നു. അതൊക്കെ ഇപ്പോൾ പറയാൻ നിന്നാൽ ഒരുപാട് കുടുംബങ്ങൾ കുഴപ്പത്തിൽ ആകും. പ്രണയം ഇല്ലെങ്കിൽ മരിച്ചു എന്നല്ലേ അതിന്റെ അർഥം.- ദിലീപ് ഒരിക്കൽ പ്രണയത്തെ കുറിച്ച് പറഞ്ഞ വാക്കുകൾ ആണ് വൈറൽ ആകുന്നത് .