അപവാദങ്ങൾ സൃഷ്ടിക്കും വിഡ്ഢികൾ അത് പ്രചരിപ്പിക്കും മണ്ടന്മാർ വിശ്വസിക്കും! ലക്ഷ്മി പ്രിയയുടെ ഡിവോഴ്സ് പോസ്റ്റിന് പിന്നാലെ ഭർത്താവ്

Authored byഋതു നായർ | Samayam Malayalam | Updated: 4 May 2025, 7:58 am

ഒരുപിടി നല്ല സിനിമകളിലൂടെ മലയാളി പ്രേക്ഷകർക്ക് ഇഷ്ടതാരം ആയി മാറിയ ലക്ഷ്മി പ്രിയ മിനിസ്ക്രീൻ പ്രേക്ഷകർക്കിടയിലും മിന്നും താരമാണ്. നിലവിൽ സിനിമയിലും സീരിയലിലും അത്ര സജീവം അല്ലെങ്കിലും, ലക്ഷ്മി പ്രിയ ചെയ്ത കഥാപാത്രങ്ങൾ ഒക്കെയും പ്രേക്ഷക മനസുകളിൽ എന്നും നിറഞ്ഞു നിൽക്കുന്നവ തന്നെയാണ്. ഫ്ളവേഴ്സിലെ കോമഡി പ്രോഗ്രാമിലെ നിറ സാന്നിധ്യം ആയിരുന്നു ലക്ഷി.

ബിഗ് ബോസിലും അവസാന നാൾ വരെ നിന്ന മികച്ച മത്സരാർഥികളിൽ ഒരാൾ ആയിരുന്നു. ഇടക്കാലത്തു സോഷ്യൽ മീഡിയ അറ്റാക്ക് ഏറെ നേരിട്ട ലക്ഷ്മി ഒരു മികച്ച എഴുത്തുകാരികൂടിയാണ്. തനിക്ക് ഭർത്താവ് ജയേഷ് നൽകുന്ന പിന്തുണയേകുറിച്ചൊക്കെ മുൻപ് പലവട്ടം ലക്ഷ്മി പ്രിയ വാചാലയായിട്ടുണ്ട്.

ലക്ഷ്മിയുടെ തുറന്നെഴുത്തുകൾ മിക്കപ്പോഴും വലിയ ചർച്ചകൾക്കും തിരി കൊളുത്തിയിട്ടുമുണ്ട്. കുറച്ചു ദിവസങ്ങൾക്ക് മുൻപാണ് താൻ വിവാഹജീവിതം അവസാനിപ്പിക്കുന്നു വിവാഹമോചനത്തിലേക്ക് എന്ന സൂചന നൽകികൊണ്ട് ലക്ഷ്മി പോസ്റ്റ് പങ്കിട്ടത്., അധികം വൈകാതെ ആ പോസ്റ്റ് റിമൂവ് ചെയ്യുകയും ചെയ്തു. എന്നാൽ അതിന്റെ സ്‌ക്രീൻ ഷോട്ടുകൾ അപ്പോഴേക്കും സോഷ്യൽ മീഡിയ വഴി പ്രചരിച്ചു. പിന്നീട് വാർത്തകൾ വന്നതിനു പിന്നാലെ ലക്ഷ്മിയുടെ ഭർത്താവ് ജയദേവ് പങ്കിട്ട കുറിപ്പാണ് ശ്രദ്ധേയം

ALSO READ: ഭാര്യ ഉപേക്ഷിച്ചു പോയപ്പോൾ ആ മനുഷ്യന്റെ കഷ്ടകാല സമയത്ത് ഒന്നും നോക്കാതെ കൂടെ നിന്നത് രേണുവാ; എന്തിനിങ്ങനെ അറ്റാക്ക്; പിന്തുണയുമായി ആരാധകർ
അപവാദങ്ങൾ സൃഷ്ടിക്കും.. വിഡ്ഢികൾ അത് പ്രചരിപ്പിക്കും.. മണ്ടന്മാർ വിശ്വസിക്കും! എന്നാണ് ലക്ഷ്മി പ്രിയയുടെ പോസ്റ്റിന് പിന്നാലെ ഭർത്താവ് ജയദേവ് കുറിച്ചത്. മിക്കപ്പോഴും അര്ഥവത്താവരികൾ പങ്കിടുന്ന ജയേഷ് ഇപ്പോൾ പ്രചരിക്കുന്ന വാർത്തകളെ കുറിച്ചാണോ സംസാരിക്കുന്നത് എന്ന് വ്യക്തമല്ല.

ALSO READ: 16 വയസ്സ് മുതലുള്ള ശീലമാണ് ജയേഷേട്ടൻ! സബീന ലത്തീഫ് വിവാഹശേഷം ലക്ഷ്മി പ്രിയയായി; പുറത്തുവന്ന വാർത്തകൾ വ്യാജമോ!

കുട്ടിക്കാലത്തെ ഒറ്റപ്പെടലില്‍ നിന്ന് സ്‌നേഹവും സംരക്ഷണവും നല്‍കി ഇന്ന് കാണുന്ന ലക്ഷ്മി പ്രിയയിലേക്ക് തന്നെ എത്തിച്ച ഭര്‍ത്താവ് ജയേഷിനെ കുറിച്ച് പലപ്പോഴും ലക്ഷ്മി പറഞ്ഞിട്ടുണ്ട്.

ഇണക്കങ്ങളും പിണക്കങ്ങളും ഉണ്ട്. ഇനി ഒരുമിച്ചു ജീവിക്കില്ല എന്ന് തീരുമാനിച്ച നിമിഷങ്ങളുണ്ട്. പക്ഷേ അദ്ദേഹം ഇല്ലെങ്കില്‍ ഞാനില്ല. ഞാനില്ല എങ്കില്‍ അദ്ദേഹവും. ഈശ്വരന്‍ ആയുസ്സും ആരോഗ്യവും നല്‍കി അനുഗ്രഹിക്കുവാന്‍ നിങ്ങളുടെ പ്രാര്‍ത്ഥന വേണം എന്നും മുൻപൊരിക്കൽ ലക്ഷ്മി പ്രിയ വിവാഹവാര്ഷികദിനം പങ്കിട്ട കുറിപ്പിൽ പറഞ്ഞിരുന്നു.