അമ്മ മരണപ്പെട്ടതിന് ശേഷം അച്ഛനെയും ഞങ്ങള്‍ക്ക് നഷ്ടപ്പെട്ടു എന്ന് ജാന്‍വി കപൂര്‍; പഴയ ആളേ അല്ല, അച്ഛന്‍ ആകെ മാറിപ്പോയി

അമ്മ ശ്രീദേവിയുടെ മരണത്തിന് ശേഷമുള്ള ജീവിതത്തെ കുറിച്ച് തുറന്ന് സംസാരിച്ച് ജാന്‍വി കപൂര്‍ . 2018 ല്‍ തന്റെ ആദ്യ ചിത്രമായ ധടക് റിലീസ് ചെയ്ത് മാസങ്ങള്‍ക്ക് ശേഷമായിരുന്നു അമ്മയുടെ വേര്‍പാട്. അമ്മ പോയതിന് ശേഷം ഞങ്ങളുടെ കുടുംബം പഴയത് പോലയേ അല്ല, അമ്മയ്‌ക്കൊപ്പം അച്ഛനെയും ഞങ്ങള്‍ക്ക് നഷ്ടപ്പെട്ടു എന്നാണ് ജാന്‍വി പറയുന്നത്. രാജ് ഷമാനിയുടെ പോട്കാസ്റ്റില്‍ സംസാരിക്കുകയായിരുന്നു താരപുത്രി

അമ്മ പോയതിന് ശേഷം കുടുംബം ആകെ തകര്‍ന്നു. ശാരീരികമായി അമ്മയെ നഷ്ടപ്പെട്ടു, ഇമോഷണലി അച്ഛനെയും ഞങ്ങള്‍ക്ക് നഷ്ടപ്പെട്ടതായിട്ടാണ് തോന്നിയത്. അമ്മയുടെ മരണത്തിന് ശേഷം അച്ഛന്‍ ബോണി കപൂര്‍ പൂര്‍ണമായും മാറിപ്പോയി, പഴയ ആളേ അല്ല. കൂടെയുണ്ട് എന്നതില്‍ സന്തോഷം, പക്ഷേ അമ്മ കൂടെ ഉണ്ടായിരുന്നപ്പോള്‍ ഉള്ള ആളേ അല്ല അച്ഛന്‍ ഇന്ന്. അമ്മയായരുന്നു ഞങ്ങളുടെ കുടുംബത്തിന്റെ ഇമോഷണല്‍ സെന്റര്‍ എന്ന് തിരിച്ചറിഞ്ഞ വര്‍ഷങ്ങളാണ് കഴിഞ്ഞ എട്ട് വര്‍ഷം എന്നാണ് ജാന്‍വി പറഞ്ഞത്.

Also Read: ഞാന്‍ പോകുന്നേ എന്ന് മൂന്ന് തവണ പറഞ്ഞു, പിന്നെ ശ്വാസം മുട്ടി, കുഴഞ്ഞു വീണു; അപ്പൂപ്പന്റെ അവസാന നിമിഷത്തെ കുറിച്ച് അഹാന

അമ്മ ഒരിക്കലും അമ്മയുടെ വേദന ഞങ്ങളെ കാണിച്ചിരുന്നില്ല, അത്തരം അവസ്ഥകളൊന്നും ഞങ്ങലെ ബാധിക്കാതെ എപ്പോഴും ശ്രദ്ധിച്ചിരുന്നു. ഞങ്ങളുടെ മുന്‍പില്‍ എപ്പോഴും സന്തോഷത്തോടെ ചിരിച്ചുകൊണ്ടിരിക്കുന്ന അമ്മയായിട്ടാണ് നിന്നിരുന്നത്. സന്തോഷമുള്ള കഥകള്‍ മാത്രമേ ഞങ്ങളോട് പങ്കുവച്ചിരുന്നുള്ളൂ. പക്ഷേ ലോകം അമ്മയോട് ആ കരുണ തിരിച്ചു കാണിച്ചില്ല.

അമ്മ ജീവിച്ചിരുന്ന കാലത്ത് ആരും അമ്മയോട് കരുണ കാണിച്ചിട്ടില്ല. പലരും അമ്മയെ കുറിച്ച് പറയുന്നത് ഞാന്‍ കേട്ടിട്ടുണ്ട്. കുടുംബം തകര്‍ത്തവളാണ്, വളരെ മോശമാണ് എന്നൊക്കെ അമ്മയെ കുറിച്ചു പറഞ്ഞു. പക്ഷേ ഇന്ന് കാലം അതിന് മറുപടി നല്‍കുന്നു, അമ്മയില്ലാതെ അച്ഛന്‍ തകര്‍ന്നുപോയി, ഞങ്ങളുടെ കുടുംബത്തെ ചേര്‍ത്ത് നിര്‍ത്തിയ ആളായിരുന്നു അമ്മ- ജാന്‍വി കപൂര്‍ ഇമോഷണലായി പറഞ്ഞു.

2018 ല്‍ ആണ് ശ്രീദേവി ഹൃദയാഘാതത്തെ തുടര്‍ന്ന് മരണപ്പെട്ടത്. ബോണി കപൂറുമായുള്ള ശ്രീദേവിയുടെ പ്രണയവും വിവാഹവുമെല്ലാം അക്കാലത്ത് വലിയ വിവാദമായിരുന്നു. 1970 ല്‍ ആയിരുന്നു ആ വിപ്ലവ പ്രണയം. അന്ന് ബോളിവുഡ് സിനിമയില്‍ നിറഞ്ഞു നില്‍ക്കുന്ന നായികയോട് നിര്‍മാതാവ് ബോണി കപൂറിന് പ്രണയം തോന്നി. അദ്ദേഹം അന്ന് വിവാഹിതനും രണ്ട് മക്കളുടെ അച്ഛനുമായിരുന്നു. അങ്ങനെയൊരു ബന്ധമാണ് ഏറെ കാലം ശ്രീദേവിയെ കുടുംബം തകര്‍ത്തവള്‍ എന്ന പേര് നേടിക്കൊടുക്കാന്‍ കാരണമായത്