അമ്മക്ക് സംരക്ഷണമൊരുക്കുന്ന മകൻ! നവ്യയുടെ കൺമണികൾ; സന്തോഷം നിറഞ്ഞ നിമിഷങ്ങളെന്ന് താരം

Authored by: ഋതു നായർ|Samayam Malayalam•19 Jul 2025, 2:43 pm

നടിയായും നർത്തകിയായും സോഷ്യൽ മീഡിയക്കും മലയാള സിനിമ പ്രേമികൾക്കും അത്രയും പ്രിയപ്പെട്ട ആളാണ് നവ്യ നായർ . കൃത്രിമത്വം നിറയ്ക്കാതെയുള്ള സംസാര ശൈലിയും, ആളുകളോടുള്ള പെരുമാറ്റരീതിയും ആകണം നവ്യയെ അത്രയും പ്രേക്ഷകർ നെഞ്ചേറ്റുവാൻ കാരണം.

സോഷ്യൽ മീഡിയയിൽ സജീവമായ നവ്യയുടെ പോസ്റ്റുകൾ എല്ലാം ക്ഷണനേരം കൊണ്ടാണ് വൈറൽ ആയി മാറുക. ഇപ്പോഴിതാ നവ്യ നായർ പങ്കുവച്ച ഒരു പോസ്റ്റാണ് ഏറെ ശ്രദ്ധേയം.

അനുജനും മകനും ഒപ്പം എത്തിയ നവ്യയുടെ ചിത്രങ്ങൾ ക്ഷണനേരം കൊണ്ടാണ് സോഷ്യൽ മീഡിയയിൽ നിറഞ്ഞത്. മുൻപും പലവട്ടം തന്റെ കുടുംബത്തെകുറിച്ച് നവ്യ സംസാരിച്ചിട്ടുണ്ട്. തന്റെ മകനെ പോലെയാണ് അനുജനെന്നും നവ്യ പറഞ്ഞിരുന്നു. ഇപ്പോൾ പത്താം ക്ലാസ് വിദ്യാർത്ഥിയാണ് നവ്യയുടെ മകൻ സായി.

അമ്മയുടെ മിക്ക ഡാൻസ് പരിപാടികൾക്കും അമ്മയ്ക്ക് ഒപ്പം തന്നെ മകനും പോകാറുണ്ട്. അടുത്തിടെ മൂവാറ്റുപുഴക്ക് അടുത്തുള്ള ശ്രീകൃഷ്ണ സ്വാമി ക്ഷേത്രത്തിൽ നവ്യ നായർ അവതരിപ്പിച്ച നൃത്തത്തോളം ശ്രദ്ധിച്ച മറ്റൊന്നുണ്ട്.

തിരക്കിനിടയിൽ പെട്ട അമ്മക്ക് ഒരു സുരക്ഷാ കവചം ആയി നിൽക്കുന്ന മകനെ ആയിരുന്നു ആരാധകർ ശ്രദ്ധിച്ചത്. മുൻപും നവ്യയുടെ നൃത്തം ഉള്ള വേദികളിൽ അമ്മക്ക് കൂട്ടായി മകനും പോകാറുണ്ട്. മിക്ക യാത്രകളിലും മകനും അനുജനും ഒത്തുചേരാറും ഉണ്ട്.

മകൻ ജനിച്ച ശേഷം ആണ് നവ്യ നായർ അഭിനയത്തിലേക്ക് മടങ്ങി എത്തിയത്. വിവാഹം കഴിഞ്ഞു അധികം വൈകാതെ അമ്മയായ കഥയും, തന്റെ ജീവിതത്തിലെ പല നിർണ്ണായക തീരുമാനങ്ങളിലും ഒപ്പം നിന്ന മകനെക്കുറിച്ചും നവ്യ നായർ മുൻപേ പറഞ്ഞിട്ടുണ്ട്.

ALSO READ: വലിയൊരു സ്ട്രഗിളായിരുന്നു ആ യാത്ര! ഇന്നലെ ദൃശ്യം 3 ക്ലൈമാക്സ് എഴുതി പൂർത്തിയാക്കി

അനുജനും മകനും ജീവിതത്തിൽ ഉള്ളതിനും അപ്പുറം സ്ഥാനമാണ് നവ്യ നായർ അച്ഛനും അമ്മയ്ക്കും കൊടുക്കുന്നത്. അച്ഛനും അമ്മയും തന്റെ ജീവിതത്തിലെ വിളക്ക് ആണെന്നാണ് നവ്യ പറയാറ്.

എനിയ്ക്ക് തോനുന്നു എന്റെ ജീവിതത്തിൽ എനിക്ക് ശേഷം എന്നെ അറിയുന്നത് അച്ഛനും അമ്മയ്ക്കും ആണ്. എന്റെ ചെറുപ്പം മുതൽക്ക് എന്റെ നല്ലതും കുറവുകളും എല്ലാം ഇവർക്കാണ് കൂടുതൽ അറിയുന്നത്. എന്നെ ഇവർ മനസിലാക്കിയ പോലെ അല്ലെങ്കിൽ എന്റെ നല്ലതും ചീത്തയുമായ എല്ലാ അവസ്ഥകളിലും ഒപ്പം നിന്നവർ എന്റെ അച്ഛനും അമ്മയും തന്നെയാണ് എന്നും നവ്യ നായർ പറഞ്ഞിട്ടുണ്ട്