അമ്മയാവും മുന്‍പെ ഗ്രാന്റായൊരു ആഘോഷം! വളകാപ്പ് അതിഗംഭീരം! ആ മനോഹര നിമിഷങ്ങളുമായി ദിയ കൃഷ്ണ

Authored byനിമിഷ | Samayam Malayalam | Updated: 12 May 2025, 6:30 pm

സ്‌പെഷല്‍ പൂജയും ബേബി മൂണും കഴിഞ്ഞതിന് ശേഷമായി വളകാപ്പ് നടത്തിയിരിക്കുകയാണ് ദിയയും അശ്വിനും. കല്യാണം മുതല്‍ ജീവിതത്തിലെ എല്ലാ ചടങ്ങുകളും സ്വന്തമായി പ്ലാന്‍ ചെയ്ത് നടത്തുന്നവരാണ് ഇവര്‍. വീട്ടുകാരും സുഹൃത്തുക്കളുമെല്ലാം എന്നും ഇവരുടെ തീരുമാനത്തെ പിന്തുണച്ചെത്താറുണ്ട്. ഇപ്പോഴിതാ വളകാപ്പ് വിശേഷങ്ങളാണ് വൈറലായിക്കൊണ്ടിരിക്കുന്നത്. ദ ഗ്രാന്റ് വളകാപ്പ് എന്ന ക്യാപ്ഷനോടെയായിരുന്നു ദിയ ചെറിയൊരു വീഡിയോ പങ്കുവെച്ചത്.

സ്വന്തം ബ്രാന്‍ഡിലെ ആഭരണങ്ങളായിരുന്നു ഇത്തവണ ദിയ അണിഞ്ഞത്. വിവാഹത്തിനും പൂജയ്ക്കുമായി അണിയിച്ചൊരുക്കിയവര്‍ തന്നെയാണ് ഇത്തവണയും ഒരുക്കാനെത്തിയത്. വളകാപ്പ് എന്ന് രണ്ട് ഭാഗങ്ങളിലുമായെഴുതിയ കൂളിംഗ് ഗ്ലാസും വെച്ചായിരുന്നു ദിയയുടെ എന്‍ട്രി. വൈകാതെ തന്നെ വളകാപ്പ് നടത്തും, അതിനുള്ള പ്ലാനിംഗിലാണ് ഞങ്ങള്‍. ഇഷാനിയും ഹന്‍സുവുമെല്ലാം സാരിയും ആഭരണങ്ങളുമെല്ലാം ഇവിടെ നിന്ന് തന്നെ സെറ്റാക്കുകയാണ്. പുതിയ കലക്ഷന്‍ വന്നപ്പോള്‍ അവര്‍ക്ക് ഇഷ്ടമായത് അവര്‍ മാറ്റിവെച്ചിരുന്നു. സാരി ദാവണിയായി സറ്റിച്ച് ചെയ്ത് എടുക്കുകയാണ് അവര്‍ എന്നും ദിയ വ്യക്തമാക്കിയിരുന്നു.

Also Read: ഈ വിവാഹം ശരിയാവില്ലെന്ന അച്ഛന്റെ വാക്കുകള്‍ അന്വര്‍ത്ഥമായി! രവി അവര്‍ക്ക് പണം കായ്ക്കുന്ന മരമായിരുന്നു! ആര്‍തിയുടെ ഈ അവസ്ഥയ്ക്ക് കാരണവും അവരാണ്

കൈനിറയെ മൈലാഞ്ചിയും നിറയെ ആഭരണങ്ങളുമൊക്കെയായാണ് ദിയ വേദിയിലേക്ക് എത്തിയത്. കുര്‍ത്തിയായിരുന്നു അശ്വിന്റെ വേഷം. യാര്, യാരോട് എന്ന ഗാനത്തിനൊപ്പമായാണ് ഇരുവരും പോസ് ചെയ്തത്. സെലിബ്രിറ്റികളടക്കം നിരവധി പേരാണ് വീഡിയോ ലൈക്ക് ചെയ്തിട്ടുള്ളത്. അശ്വിന്‍ ഗണേഷും ദിയയുടെ പോസ്റ്റിന് താഴെയായി സ്‌നേഹം അറിയിച്ചെത്തിയിരുന്നു.


ജൂലൈയിലാണ് ഡേറ്റ് പറഞ്ഞിട്ടുള്ളത്. ഡെലിവറി പെയ്ന്‍ എന്നത് മാറ്റിനിര്‍ത്തിയാല്‍ ബാക്കിയെല്ലാത്തിനും ഞാന്‍ റെഡിയാണ് എന്ന് ദിയ പറഞ്ഞിരുന്നു. ഇഞ്ചക്ഷന്‍ വരെ പേടിയാണ് ഓസിക്ക്. ഈ അവസ്ഥയും കൂളായി നേരിടാന്‍ അവള്‍ക്ക് കഴിയുമെന്നാണ് കരുതുന്നത്. അവളായിട്ട് സിസേറിയനൊന്നും ഓപ്റ്റ് ചെയ്യില്ല. നാച്ചുറലായി നടക്കുകയാണെങ്കില്‍ അതല്ലേ നല്ലത് എന്നും സിന്ധു കൃഷ്ണ ചോദിച്ചിരുന്നു.

Also Read: 25 കാരിയെ വിവാഹം ചെയ്യാന്‍ 45 കാരന്‍! നാളെ മക്കളും നിങ്ങളെ തള്ളിപ്പറയും! മക്കളാണ് എല്ലാമെന്ന് ആവര്‍ത്തിച്ച് ആര്‍തിയും! ചര്‍ച്ചയായി പുത്തന്‍ പോസ്റ്റ്

മക്കളില്‍ ആദ്യം നടക്കുന്ന കല്യാണവും, അമ്മയാവുന്നതുമെല്ലാം ഓസിയാണെന്ന് അറിയാമായിരുന്നു. എപ്പോഴും അവള്‍ അതേക്കുറിച്ച് പറയാറുണ്ട്. വീട്ടില്‍ കുട്ടികളൊക്കെ വന്നാല്‍ അവളാണ് എടുത്ത് നടക്കുകയും ഭക്ഷണം കൊടുക്കുകയുമൊക്കെ ചെയ്യുന്നത്. അമ്മയെന്ന നിലയില്‍ അവള്‍ എങ്ങനെയായിരിക്കും എന്നതില്‍ ആകാംക്ഷയുണ്ട്. അങ്ങനെയധികം കര്‍ശനമായൊരു അമ്മയൊന്നുമായിരിക്കില്ല അവള്‍. ചില കാര്യങ്ങളില്‍ മാത്രം നിയന്ത്രണം വെച്ചേക്കും എന്ന് തോന്നുന്നു. അവളിലെ അമ്മയെ കാണാനും അറിയാനുമായി ഞങ്ങളും കാത്തിരിക്കുകയാണെന്ന് വീട്ടിലുള്ളവരെല്ലാം പറഞ്ഞിരുന്നു.