അമ്മയെ മുറിച്ചുവച്ചതു പോലെ മകൾ, 59 ആം ജന്മദിനം അടിപൊളിയായിരുന്നു എന്ന് നദിയ മൊയ്തു

Authored by: അശ്വിനി പി|Samayam Malayalam•25 Oct 2025, 6:39 pm

നോക്കത്താ ദൂരത്ത് കണ്ണും നട്ട് എന്ന ചിത്രത്തിലൂടെയാണ് നദിയ മൊയ്തു എന്ന നടിയുടെ അരങ്ങേറ്റം. പതിനേഴാം വയസ്സിൽ അഭിനയ ലോകത്തേക്ക് വന്ന നടി പിന്നീട് തമിഴ്, തെലുങ്ക് എന്നിങ്ങനെ സൗത്ത് ഇന്ത്യൻ സിനിമകളിൽ മുഴുവൻ നിറഞ്ഞു നിന്നു. ഇടയിൽ ചെറിയൊരു ബ്രേക്ക് എടുത്തിരുന്നുവെങ്കിലും എൺപതുകളിൽ തുടങ്ങിയ ആ അഭിനയ ജീവിതം നദിയ മൊയ്തു ഇന്നും തുടരുന്നു.

പതിനേഴാം വയസ്സിൽ സിനിമ എന്ന വലിയ ലോകത്തേക്ക് കടന്ന നടിയ്ക്ക് ഇന്നലെ, ഒക്ടോബർ 24 ന് അൻപത്തിയൊൻപതാം ജന്മദിനമായിരുന്നു. ചർമത്തിന് ഇന്നും പതിനേഴിന്റെ അഴകള്ള നദിയയ്ക്ക് ആശംസകൾ നേർന്ന് പലരും സോഷ്യൽ മീഡിയയിൽ എത്തുകയും ചെയ്തു. കുടുംബത്തിനൊപ്പം പിറന്നാൾ ആഘോഷിച്ചതിന്റെ സന്തോഷം നദിയ ഇൻസ്റ്റഗ്രാമിലൂടെ പങ്കുവച്ചു.

Also Read: കവിളിലെ മുറിവ്, പരിശോധനയിൽ കാൻസർ; ചികിത്സിക്കാൻ കാശില്ലാതെ നടി ‌സലീമ, സഹായം തേടി സുഹൃത്തുക്കൾ

കുടുംബത്തിനൊപ്പം കേക്ക് മുറിച്ച് വളരെ ലളിതമായി നടത്തിയ പിറന്നാളിന്റെ ചിത്രങ്ങളാണ് നദിയ മൊയ്തു ഇൻസ്റ്റഗ്രാമിൽ പങ്കുവച്ചിരിയ്ക്കുന്നത്. കുടുംബ ചിത്രത്തിൽ മകളെ കാണാൻ അമ്മയെ മുറിച്ചുവച്ചതുപോലെയുണ്ട് എന്നാണ് പോസ്റ്റിന് താഴെ വരുന്ന കമന്റുകൾ.

സംഗീതവും ചിരിയും സ്നേഹവും നിറഞ്ഞ ഒരു ജന്മദിന രാത്രി നൽകിയതിന് നന്ദി, അതിന് കാരണക്കാരായ എല്ലാവർക്കും- എന്ന ക്യാപഷനോടെയാണ് നദിയ മൊയ്തു ചിത്രങ്ങൾ പങ്കുവച്ചത്.

Also Read: 11ആം വയസ്സിൽ ചൈൽഡ് അഭ്യൂസിന് ഇരയായയി, ശരീരത്തിന്റെ പേരിൽ കളിയാക്കലുകൾ; പരാജയങ്ങളിൽ നിന്ന് തുടങ്ങിയ ശ്രുതിയുടെ ഇന്നത്തെ വരുമാനം

1994 ൽ ആണ് നദിയ മൊയ്തു സിനിമയിൽ നിന്ന് ഒരു ചെറിയ ബ്രേക്ക് എടുത്തത്. പത്ത് വർഷത്തിന് ശേഷം, 2004 ൽ എം കുമരൻ സൺ ഓഫ് മഹാലക്ഷ്മി എന്ന ചിത്രത്തിലൂടെ ഒരു ഗംഭീര തിരിച്ചുവരവ് നടത്ത്. അതിന് ശേഷം സജീവമായിരുന്നുവെങ്കിലും സെലക്ടീവായ സിനിമകൾ മാത്രമേ ചെയ്തിരുന്നുള്ളൂ. 2022 ൽ പുറത്തിറങ്ങിയ ലെറ്റ്സ് ഗെറ്റ്സ് മാര്യേഡ് എന്ന ചിത്രമാണ് ഏറ്റവുമൊടുവിൽ ചെയ്തത്.
സോഷ്യൽ മീഡിയയിൽ സജീവമായ താരം തന്റെ വിശേഷങ്ങൾ എല്ലാം അവിടെ പങ്കുവയ്ക്കാറുണ്ട്. ഡാൻസ് വീഡിയോകളൊക്കെയായി ഇൻസ്റ്റഗ്രാമിൽ സജീവമാണ് നദിയ മൊയ്തു.