അമ്മയെക്കാള്‍ വലിയ സുന്ദരി! മമ്മൂട്ടിയുടെ പഴയ നായികയുടെ മകള്‍; ഈ താരപുത്രിയെ മനസ്സിലായോ?

Authored byഅശ്വിനി പി | Samayam Malayalam | Updated: 29 Mar 2025, 4:10 pm

Samayam Malayalamമാധവിയുടെ മകൾ

ഒരു കാലത്ത് സൗത്ത് ഇന്ത്യന്‍ സിനിമാ ലോകത്ത് നിറഞ്ഞു നിന്ന നായികയുടെ മകളാണിത്, അമ്മയെക്കാള്‍ വലിയ സുന്ദരി. മകളുടെ മനോഹ ചിത്രങ്ങള്‍ പങ്കുവച്ചത് അന്നത്തെ ആ ഹിറ്റ് നായികയാണ്. മറ്റാരുമല്ല, മാധവി!

ഒരു വടക്കന്‍ വീരഗാഥ, വളര്‍ത്തു മൃഗങ്ങള്‍, ഓര്‍മയ്ക്കായി, ആകാശദൂത് തുടങ്ങി ഒത്തിരി മികച്ച കഥാപാത്രങ്ങളായി മലയാളികള്‍ക്ക് പരിചിതയാണ് മാധവി. വിവാഹ ശേഷം അഭിനയ ലോകത്ത് നിന്ന് പൂര്‍ണമായും അകന്ന് കഴിയുന്ന മാധവി സോഷ്യല്‍ മീഡിയയില്‍ വളരെ അധികം സജീവമാണ്. ഭര്‍ത്താവിനും മക്കള്‍ക്കുമൊപ്പമുള്ള ഫോട്ടോകള്‍ നടി നിരന്തരം സോഷ്യല്‍ മീഡിയയില്‍ പങ്കുവയ്ക്കാറുണ്ട്. അക്കൂട്ടത്തിലാണ് ഈ ചിത്രവും പങ്കുവച്ചിരിയ്ക്കുന്നത്.

Also Read: കല്യാണം കഴിക്കാന്‍ പോകുന്ന ആളെ പരിചയപ്പെടുത്തി അഭിനയ; ഏറ്റവും എളുപ്പത്തില്‍ പറഞ്ഞ 'യെസ്' ഇതാണ്, നാളുകളെണ്ണി കാത്തിരിക്കുന്നു!

മാധവിയുടെ മൂന്ന് പെണ്‍കുട്ടികളില്‍ ഏറ്റവും ഇളയ മകളായ ടിഫനി ഗൗരികയാണിത്. ചുണ്ടുകളില്‍ എവിടെയോ അമ്മയുടെ സാമിപ്യം ഉണ്ട് എന്നല്ലാതെ, അമ്മയെക്കാള്‍ വലിയ സുന്ദരി, ചിത്രം വരച്ചതു പോലെ മനോഹരമാണ് ചിത്രങ്ങള്‍. അമ്മയുടെ പാത പിന്‍തുടര്‍ന്ന് അഭിനയത്തിലേക്ക് വരുമോ എന്നത് വ്യക്തമല്ല, പക്ഷേ ടിഫനി നന്നായി പാട്ട് പാടും. മകള്‍ വെസ്റ്റേണ്‍ പാട്ടുകള്‍ അതി ഗംഭീരമായി പാടുന്ന വീഡിയോകള്‍ നേരത്തെ മാധവി പങ്കുവച്ചിട്ടുണ്ട്.

എണ്‍പതുകളില്‍ തുടങ്ങി തൊണ്ണൂറുകളുടെ അവാസനം വരെയും തമിഴ് - തെലുങ്ക് - മലയാളം- കന്നട- ഹിന്ദി ഭാഷകളില്‍ നിറഞ്ഞു നിന്ന നായിക നടിയാണ് മാധവി. 1996 ല്‍ റാല്‍ഫ് ശര്‍മയുമായുള്ള വിവാഹത്തിന് ശേഷമാണ് സിനിമ ജീവിതം അവസാനിപ്പിച്ചത്. മാധവിയുടെ ആത്മീയ ഗുരു സ്വാമി രാമയാണ് ഫാര്‍മസ്യൂട്ടിക്കല്‍ ബിസിനസ്സുകാരനായ റാല്‍ഫ് ശര്‍മയുമായുള്ള വിവാഹം തീരുമാനിച്ചത്. തന്റെ 32 ആം വയസ്സില്‍ ഹിമാലയന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് ആന്റ് ഫിലോസഫിയില്‍ വച്ച് റാല്‍ഫ് മാധവിയെ കണ്ടു, ഇഷ്ടപ്പെട്ടു. 1996 ല്‍ ഫെബ്രുവരി 14, ഒരു പ്രണയ ദിനത്തിലായിരുന്നു അവരുടെ വിവാഹം. വിവാഹത്തിന് ശേഷം ഭര്‍ത്താവിനൊപ്പം ന്യൂജഴ്‌സിയിലേക്ക് പോയ മാധവി അവിടെ സെറ്റില്‍ഡ് ആയി.
ഇപ്പോള്‍ വടക്കന്‍ വീരഗാഥയുടെ റീ റിലീസ് വരുന്ന സന്തോഷത്തിലാണ് മാധവി. അന്നത്തെ ലൊക്കേഷന്‍ ഓര്‍മകള്‍ പങ്കുവയ്ക്കുന്ന ഫോട്ടോകളും മാധവി സോഷ്യല്‍ മീഡിയയില്‍ പോസ്റ്റ് ചെയ്യാറുണ്ട്.