അമ്മായിയമ്മയുടെ കണ്ണ് നിറഞ്ഞുപോയി, ഇമോഷണലായി രശ്മിക മന്ദാന; അന്ന് നിങ്ങളെന്നെ കളിയാക്കി, ഇപ്പോള്‍ പുരസ്‌കാരം തന്നു!

രശ്മിക മന്ദാന പോലും പ്രതീക്ഷിക്കാത്ത വിധത്തിലാണ് നടിയുടെ കരിയര്‍ മാറി മറിഞ്ഞത്. കിറുക്ക് പാര്‍ട്ടി എന്ന കന്നട സിനിമയിലൂടെ അബിനയ ലോകത്തേക്ക് എത്തിയ രശ്മിക മന്ദാന ഇന്ന് നാഷണല്‍ ക്രഷ് എന്നാണ് അറിയപ്പെടുന്നത്. തെലുങ്ക് സിനിമാ ലോകവും തമിഴ് സിനിമാ ലോകവും ബോളിവുഡ് സിനിമാ ലോകവും ഇന്ന് രശ്മികയ്ക്ക് പേരും പെരുമയും നേടിക്കൊടുക്കുന്നു. വ്യക്തി ജീവിതത്തിലും പ്രൊഫഷണല്‍ ജീവിതത്തിലും ഇപ്പോള്‍ രശ്മിക ഹാപ്പിയാണ്.

ഈ വര്‍ഷത്തെ തെലുങ്കാന ഗദ്ദര്‍ ഫിലിം അവാര്‍ഡില്‍ മികച്ച നടിക്കുള്ള പുരസ്‌കാരം ലഭിച്ചത് രശ്മിക മന്ദാനയ്ക്കാണ്. കഴിഞ്ഞ ദിവസം വൈകുന്നേരം നടന്ന ചടങ്ങിന് അമ്മായിയമ്മയ്‌ക്കൊപ്പമാണ് രശ്മിക എത്തിയത്. ഓഫ് വൈറ്റ് സാരിയില്‍ നെറുകില്‍ സിന്ദൂരമൊക്കെ അണിഞ്ഞ് രശ്മിക എത്തിയ വീഡിയോകളും ഫോട്ടോകളും എല്ലാം സോഷ്യല്‍ മീഡിയയില്‍ വൈറലാണ്.

Also Read: ജീവിതം എന്നെ ഒരുപാട് പരീക്ഷിച്ചു, അതിനെ എല്ലാം അതിജീവിച്ച് സ്വയം മുന്നോട്ടു വന്നു; ഇനിയും കൂടുതല്‍ കരുത്തോടെ പോകും, അഞ്ജു പറയുന്നു

തെലുങ്കാന മുഖ്യമന്ത്രിയും നടന്‍ രാം ചരണും ചേര്‍ന്നാണ് രശ്മികയ്ക്ക് പുരസ്‌കാരം നല്‍കിയത്. ഗേള്‍ഫ്രണ്ട് എന്ന ചിത്രത്തിലെ അഭിനയത്തിനായിരുന്നു അഭിനയം. ഇനിയും ഇതുപോലുള്ള സിനിമകള്‍ ചെയ്യാനുള്ള പ്രചോദനമാണ് ഈ പുരസ്‌കാരം, ആ സിനിമയും കഥാപാത്രവും തനിക്ക് തന്ന രാഹുല്‍ രവീന്ദ്രന് നന്ദി പറഞ്ഞുകൊണ്ടാണ് രശ്മിക തുടങ്ങിയത്.

ആദ്യം എനിക്ക് തെലുങ്ക് സിനിമാ ലോകത്ത് കിട്ടിയത് കളിയാക്കലുകളാണ്, ഇപ്പോള്‍ സര്‍ക്കാര്‍ പുരസ്‌കാരം നല്‍കി. അഭിമാനവും സന്തോഷവുമുണ്ടെന്ന് രശ്മിക പറഞ്ഞു. വേദിയില്‍ രശ്മിക ഇമോഷണലായി സംസാരിക്കുമ്പോള്‍ സദസ്സില്‍ കണ്ണ് തുടയ്ക്കുന്ന അമ്മായിയമ്മയെയും കാണാമായിരുന്നു.

Also Read: കഴിഞ്ഞ പെരുന്നാളിന് വാപ്പിച്ചി പാടിയ പാട്ട്; വേദനയോടെ കലാഭവന്‍ നവാസിന്റെ മകന്‍ പങ്കുവച്ച വീഡിയോ

ഞാന്‍ നിങ്ങളുടെ മകളായി വന്നു, ഇപ്പോള്‍ മരുമകളായി എന്നെ സ്വീകരിച്ചു. അത് എനിക്ക് വലിയ അഭിമാനമുള്ള ഒന്നാണ് എന്നും രശ്മിക പറയുന്നുണ്ട്. അപ്പോഴാണ് ശരിക്കും വിജയ് ദേവരകൊണ്ടയുടെ അമ്മ കൈയ്യടിക്കുകയും കണ്ണ് തുടയ്ക്കുകയും ചെയ്തത്. ഉദയ്പൂറില്‍ വച്ച് നടന്ന ഗംഭീര വിവാഹത്തിന് ശേഷം, ഹൈദരബാദില്‍ വച്ചു നടന്ന വിവാഹ സത്കാരത്തില്‍ രശ്മികയെ വിജയ് ദേവരകൊണ്ട പരിചയപ്പെടുത്തിയത്, തെലുങ്ക് സിനിമാ ലോകത്തെ മരുമകളാണ് എന്നാണ്. അത് വേദിയില്‍ രശ്മിക മന്ദാന വീണ്ടും ആവര്‍ത്തിക്കുകയായിരുന്നു.