അലറിക്കരയാനാണ് ഞാന്‍ പോവുന്നത്! സമയമാവുമ്പോള്‍ അമ്മ എല്ലാം ചെയ്‌തോളും! ഇനി വെള്ളത്തില്‍ ചാടാന്‍ ഒരാളും കൂടെ! വരാനിരിക്കുന്ന ആളെക്കുറിച്ചുള്ള പ്രതീക്ഷകള്‍

Authored by: നിമിഷ|Samayam Malayalam•17 May 2025, 3:00 pm

കുഞ്ഞതിഥിയുടെ വരവിന് ഇനി ദിവസങ്ങള്‍ കൂടിയേയുള്ളൂ. വളകാപ്പിന് മുന്നോടായി എടുത്ത വീഡിയോയില്‍ ബേബിയെക്കുറിച്ച് വാചാലയായിരുന്നു ദിയയും അശ്വിനും. ഇവരിതെല്ലാം നേരത്തെ അറിഞ്ഞത് പോലെയുണ്ടല്ലോ എന്നായിരുന്നു ചോദ്യങ്ങള്‍.

ഞങ്ങളുടെ വീട്ടില്‍ അങ്ങനെ ട്രെഡീഷണലായി എല്ലാം ഫോളോ ചെയ്യുന്നവരൊന്നുമല്ല. ഞങ്ങള്‍ക്കൊന്നും 28 ചടങ്ങ് പോലും ഉണ്ടായിരുന്നില്ല. അച്ഛാ, 28 ഒക്കെ എപ്പോഴാണ് സെലിബ്രേറ്റ് ചെയ്യുന്നതെന്ന് ചോദിച്ചിരുന്നു. ഏ, എന്തിന് , നമുക്കുണ്ടായിരുന്നില്ലേ എന്ന് ചോദിച്ചപ്പോള്‍ ഇല്ലെന്നായിരുന്നു അച്ഛന്റെ മറുപടി. നമ്മളൊക്കെ എന്തെങ്കിലും ഫംഗ്ക്ഷന്‍ വരുമ്പോഴാണ് ഫോട്ടോസ് എടുക്കുന്നത്. ഇവരൊന്നും അങ്ങനെയല്ല, ലൈഫ് തന്നെ സോഷ്യല്‍മീഡിയയിലുണ്ട്. അമ്മയുടെ ഹോം വ്‌ളോഗ് എല്ലാ ദിവസവുമുണ്ട്. വയസാവുമ്പോള്‍ നമുക്ക് അത് എടുത്ത് നോക്കിയാല്‍ എല്ലാം കാണാമല്ലോ. എന്തെങ്കിലും മൈന്‍ഡ് സെറ്റ്ബാക്ക് വന്നാല്‍ നമ്മള്‍ ഇതൊക്കെ ചെയ്തിട്ടുണ്ടല്ലോ എന്ന് മനസിലാക്കാമല്ലോ എന്നായിരുന്നു അശ്വിന്റെ കമന്റ്.

Also Read: കല്യാണത്തിന് ആ സാരി ഇടാന്‍ കാണിച്ച ധൈര്യം സമ്മതിക്കാതെ വയ്യ! എനിക്ക് ഇഷ്ടമായത് ആ ലുക്ക്! അന്നത്തെ ലണ്ടന്‍ യാത്ര വളരെ മോശം! കൂടുതല്‍ വിശേഷങ്ങള്‍

ബേബി വരുന്നതിന് മുന്നോടിയായി പ്രിപ്പറേഷന്‍സ് ഒന്നും നടത്തിയിട്ടില്ല. ലണ്ടനില്‍ പോയപ്പോള്‍ കുറച്ച് ഡ്രസ് മേടിച്ചിരുന്നു. അവരൊക്കെ ജപ്പാനില്‍ പോയപ്പോള്‍ ടോയ്‌സും ഡ്രസും വാങ്ങിച്ചിരുന്നു. വരുമ്പോള്‍ തന്നെ ബേബിക്ക് ഇന്റര്‍നാഷണല്‍ ഡ്രസുകള്‍ ഇടാം. എന്തൊക്കെയാണ് എടുക്കേണ്ടത് എന്ന കാര്യം പോലും ഞങ്ങള്‍ക്കറിയില്ല.

അമ്മാ, സമയമാവാറുമ്പോള്‍ എല്ലാം എടുത്ത് അമ്മ വരണം. എനിക്ക് വ്‌ളോഗ് എടുക്കാനല്ലേ അറിയൂ, കൊച്ചിനെ നോക്കാന്‍ ്അറിയില്ലല്ലോ. അതൊക്കെ എനിക്കറിയാം, ഞാന്‍ സെറ്റാക്കി വന്നോളാം എന്ന് പറഞ്ഞിരുന്നു. അലറി വിളിക്കാനും കൊച്ചിനെ കാണാനുമായാണ് ഞാന്‍ ആശുപത്രിയിലേക്ക് പോവുന്നത്. എനിക്ക് വേറൊന്നും അറിയണ്ട. എല്ലാം അമ്മ നോക്കിക്കോളും. കൊച്ച് എന്നെ ഡിപ്പെന്‍ഡ് ചെയ്യുന്ന പോലെ ഞാന്‍ എല്ലാത്തിനും അമ്മയെ ഡി്‌പ്പെന്‍ഡ് ചെയ്യും. അതായിരിക്കും അവിടെ നടക്കാന്‍ പോവുന്നത്.

Also Read: പ്രണയം തുടങ്ങി രണ്ടാം മാസം പ്രഗ്നന്റായി! ബന്ധം കൂടുതല്‍ ദൃഢമായത് ഇലൈയുടെ വരവോടെ! ജഗതിനൊപ്പമുള്ള ജീവിതത്തെക്കുറിച്ച് അമല പോള്‍

അച്ഛനാവാന്‍ റെഡിയാണോ എന്നൊക്കെ ഞാന്‍ ഇവനോട് പോയി ചോദിക്കാറുണ്ട്. കുറേ കാര്യങ്ങള്‍ സാക്രിഫൈസ് ചെയ്യാനുണ്ട്. എന്നാലും ഇത് വേറൊരു രീതിയില്‍ എന്‍ജോയ് ചെയ്യാമല്ലോ. ഇനീഷ്യല്‍ ഡേയ്‌സ് നമുക്ക് എവിടെയും പോവാന്‍ പറ്റില്ലല്ലോ. ഇനി മാലി ദ്വീപില്‍ പോവുമ്പോള്‍ വെള്ളത്തില്‍ ചാടാന്‍ ഒരാള്‍ കൂടെയുണ്ട് എന്നോര്‍ത്താല്‍ മതി. അച്ഛന്റെയും അമ്മയുടേയും അടുത്താക്കി ഞങ്ങള്‍ പോയി വരാം എന്ന് പറഞ്ഞങ്ങ് പോവും. കൊച്ചിനെ എന്റര്‍ടൈന്‍ ചെയ്‌തോ എന്ന് പറഞ്ഞ് നമുക്കങ്ങ് പോവും. ജനിച്ച് വീഴുമ്പോഴേ വ്‌ളോഗിലൊക്കെയായി ആളങ്ങ് സെറ്റായിക്കോളും എന്നായിരുന്നു ദിയ പറഞ്ഞത്.