അല്ലു - അറ്റ്ലി ചിത്രം തരംഗമാവുന്നു ; റിലീസിന് മുന്നേ ലോക റെക്കോർഡുമായി രാക്ക

1 month ago 6
ഐക്കൺ സ്റ്റാർ അല്ലു അർജുനുമായി സംവിധായകൻ അറ്റ്ലി ഒന്നിക്കുന്ന ചിത്രം രാക്ക റിലീസിന് മുന്നേ സ്വന്തമാക്കിയത് ലോക റെക്കോർഡാണ്. ഏറ്റവും കൂടുതൽ ആളുകളെ ഒരേസമയം തത്സമയം മോഷൻ-ക്യാപ്ചർ ചെയ്ത നേട്ടത്തിനാണ് ചിത്രം ഗിന്നസ് റെക്കോർഡ് സ്വന്തമാക്കിയത്. നാല് വയസ്സുള്ള കുട്ടി മുതൽ എഴുപത് വയസ്സുള്ള വ്യക്തി ഉൾപ്പെടെ മുപ്പത്തിയേഴ് പേരെയാണ് തത്സമയ മോഷൻ ക്യാപ്ചർ രീതിയിൽ ഒരേ സമയം ക്യാമറയിൽ പകർത്തിയത്.

ഒരൊറ്റ ക്യാപ്ചർ വോളിയത്തിനുള്ളിൽ ഇത്രയും പേരുടെ പ്രകടനങ്ങൾ ഗുണനിലവാരം പുലർത്തിക്കൊണ്ട് റെക്കോർഡ് ചെയ്യുകയെന്നത് വലിയ വെല്ലുവിളിയാണ്.

Samayam Malayalamഅത്രയധികം സ്‌നേഹത്തോടെ കഴിഞ്ഞവരാണ് ഞങ്ങള്‍, ഞങ്ങളെ പിരിച്ചതിന്റെ ഒരേ ഒരു കാരണം പണം; രാധയുമായുള്ള പ്രശ്‌നത്തെ കുറിച്ച് അംബിക
ചിത്രത്തിന്റെ വി എഫ് എക്സ് പ്രൊഡ്യൂസർ പുതിയൊരു മോഷൻ-ക്യാപ്ചർ പൈപ്പ്‌ലൈനും വർക്ക്‌ഫ്ലോയും ഇതിനായി വികസിപ്പിച്ചെടുത്തിരുന്നു. 92 അത്യാധുനിക ഓപ്റ്റിക്കൽ മോഷൻ-ക്യാപ്ചർ ക്യാമറകൾ സജ്ജീകരിച്ചുകൊണ്ടാണ് ഇത് ചിത്രീകരിച്ചത്. അഡ്വാൻസ്ഡ് നെറ്റ്‌വർക്കിംഗ്, സിൻക്രണൈസേഷൻ, അൺറിയൽ എൻജിൻ വഴിയുള്ള തത്സമയ വിഷ്വലൈസേഷൻ, വിറ്റ്‌നസ് ക്യാമറകൾ, ഫേഷ്യൽ ക്യാപ്ചർ സാങ്കേതികവിദ്യ എന്നിവ ഒരുമിച്ച് ഉപയോഗിച്ച ചിത്രീകരണത്തിൽ ആപ്പിൾ ആർട്ട് സ്റ്റുഡിയോയുടെയും സാങ്കേതിക വിദഗ്ദ്ധരുടെയും കൂട്ടായ പ്രയത്നം പ്രതിഫലിച്ചു.

ലോക സിനിമയുടെ വാതിൽപ്പടിയിൽ ഇന്ത്യയുടെ അഭിമാനമായി മാറിയ രാക്ക നിർമ്മിക്കുന്നത് സൺ പിക്ചേഴ്സിന്‍റെ ബാനറിൽ കലാനിധി മാരനാണ്. എണ്ണൂറ് കോടി ബജറ്റിൽ ഒരുങ്ങുന്ന രാക്ക, സൺ പിക്ചർസ് നിർമ്മിക്കുന്നതിൽ ഏറ്റവും ബ്രഹ്മാണ്ഡ ചിത്രം കൂടിയാണ്. ദീപിക പദുക്കോൺ ,മൃണാൾ താക്കൂർ ഉൾപ്പെടെ വൻ താരനിരയാണ് ചിത്രത്തിൽ ഉള്ളത്. ഫെമിന ജോർജ് ഉൾപ്പെടെയുള്ള മലയാളി സാന്നിധ്യം നമ്മുക്ക് കൂടുതൽ പ്രതീക്ഷ നൽകുന്നു.


മേക്കിങ് ക്വാളിറ്റി കൊണ്ട് ഇന്ത്യൻ സിനിമ കണ്ടിട്ടുള്ള മികച്ച സംവിധായകരിലൊരാളായ അറ്റ്ലീയുടെ ആറാമത്തെ ചിത്രം ഏറെ പ്രതീക്ഷയോടെയാണ് സിനിമാലോകം കാത്തിരിക്കുന്നത്. അല്ലു അർജുന്റെ ഇരുപത്തിരണ്ടാമത്തെ ചിത്രമായി എത്തുന്ന രാക്ക ഒരു സയൻസ് ഫിക്ഷൻ ചിത്രമാണ്. രാജ റാണി, തെരി, മെർസൽ, ബിഗിൽ, ജവാൻ പോലുള്ള ബ്ലോക്ക്ബസ്റ്ററുകൾ സൃഷ്ടിച്ച അറ്റ്ലീ ഇത് വരെ കൈകാര്യം ചെയ്യാത്ത ജോണറിൽ എത്തുന്ന രാക്ക അടുത്ത വർഷമായിരിക്കും തീയറ്ററുകളിൽ എത്തുക.


ഔദ്യോഗിക റെക്കോർഡ് സമർപ്പണം ഗിന്നസ് വേൾഡ് റെക്കോർഡ്സിന്‍റെ സീനിയർ അഡ്ജുഡിക്കേറ്റർ സ്വപ്നിൽ ദാംഗ്രീകർ, 'രാക്ക'യുടെ പ്രധാന അഭിനേതാക്കളും അണിയറപ്രവർത്തകരും പങ്കെടുത്ത ചടങ്ങിൽ വെച്ച് നായകൻ അല്ലു അർജുനും സംവിധായകൻ അറ്റ്‌ലിക്കും ഔദ്യോഗിക ഗിന്നസ് സർട്ടിഫിക്കറ്റ് കൈമാറി.

പുഷ്പക്ക് ശേഷം അല്ലു അർജുൻ ആരാധകർ മികച്ച പ്രകടനം പ്രതീക്ഷിക്കുന്ന സിനിമയും , ജവാന് ശേഷം അറ്റ്ലീയുടെ സംവിധാന മികവ് അനുഭവിക്കുവാൻ സിനിമാലോകം കാത്തിരിക്കുന്ന സിനിമയുമാണ് രാക്ക. ഹോളിവുഡ് തലത്തിൽ മികച്ച മേക്കിങ് നടത്തിയിട്ടുള്ള രാക്ക ആഗോള തലത്തിൽ ശ്രദ്ധിക്കപ്പെടുമെന്നാണ് പുറത്തു വരുന്ന റിപ്പോർട്ടുകൾ സൂചിപ്പിക്കുന്നത്.

Read Entire Article