അവതാറിന്റെ ട്രെയിലർ ചോർന്നു! ഹൊ ഇതെന്തൊരു സിനിമയാണ്, രോമാഞ്ചമുണ്ടാക്കുന്നു എന്ന് ആരാധകർ

Authored by: അശ്വിനി പി|Samayam Malayalam•26 Jul 2025, 2:50 pm

അവതാർ ഫ്രാഞ്ചസിയിലെ ഏറ്റവും പുതിയ ചിത്രമായ അവതാർ- ഫയർ ആന്റ് അഷ് എന്ന എത്രത്തിനായുള്ള കാത്തിരിപ്പിലാണ് ആരാധകർ. ചിത്രത്തിന്റെ ട്രെയിലർ ചോർന്നു എന്ന വാർത്തകളാണ് ഇപ്പോൾ പുറത്തുവരുന്നത്. "ദി ഫന്റാസ്റ്റിക് ഫോർ" എന്ന സിനിമയ്ക്കൊപ്പം തിയേറ്ററിൽ പുറത്തുവിട്ടതിനു പിന്നാലെ അവതാർ - ഫയർ ആന്റ് അഷിന്റെ ട്രെയിലർ സോഷ്യൽ മീഡിയയിലൂടെ പ്രചരിക്കുകയായിരുന്നു

തിയേറ്ററിൽ നിന്ന് പകർത്തിയ അവതാറിന്റെ ട്രെയിലറിന്റെ കോപ്പി എക്സിലൂടെ (മുൻപത്തെ ട്വിറ്റർ)യാണ് പ്രചരിപ്പിച്ചത്. ജയിംസ് കാമറൂൺ ചിത്രത്തിന്റെ ഈ പ്രിവ്യൂ തിയേറ്ററുകളിൽ മാത്രം കാണിക്കാനായിട്ടാണ് ഉദ്ദേശിച്ചിരുന്നത്. സോഷ്യൽ മീഡിയയിൽ വൈറലായത് ശ്രദ്ധയിൽ പെട്ടതോടെ തന്നെ പകർപ്പവകാശ ലംഘനം കാരണം നീക്കം ചെയ്യുകയും ചെയ്തു. പക്ഷേ അതിനോടകം ലക്ഷകണക്കിന് ആളുകൾ ട്രെയിലർ കണ്ടുകഴിഞ്ഞിരുന്നു.

Also Read: പ്രഖ്യാപിക്കുക മാത്രമേ ഉള്ളോ, സിനിമകളൊന്നും വെളിച്ചം കാണില്ലേ? ഹാരി രാജകുമാരനെയും മെഗാൻ മാർക്കിളിനെയും കാളിയാക്കി ആളുകൾ

എന്തായാലും അവതാറിന്റെ പുതിയ വേർഷൻ കാത്തിരിയ്ക്കുന്ന പ്രേക്ഷകരെ ഒട്ടും നിരാശപ്പെടുത്താത്തത് തന്നെയാണ് ട്രെയിലർ. തിയേറ്ററിലൂടെ ട്രെയിലർ കണ്ടവരും, സോഷ്യൽ മീഡിയയിൽ ട്രെയിലർ കണ്ടവരും പ്രശംസിച്ചുകൊണ്ട് രംഗത്തെത്തിയിട്ടുണ്ട്.

ജെയിംസ് കാമറൂൺ ഒരു മാസ്റ്ററ്‍പീസ് ഒരുക്കുകയാണ്, ഓരോ ഫ്രെയിമും ദൃശ്യങ്ങളും, അതിലെ വികാരങ്ങളും വേറെ ലെവലാണ് എന്ന് ഒരാൾ എക്സിൽ കുറിച്ചു. ട്രെയിലർ ശരിക്കും ഞെട്ടിച്ചു. ഒരുപക്ഷെ ഇതുവരെ കണ്ടതിൽ ഏറ്റവും മികച്ച ചിത്രം ഇതായിരിക്കും എന്നാണ് മറ്റൊരാളുടെ കമന്റ്.


തിയേറ്റർ എഫക്ടിൽ അവതാറിന്റെ ട്രെയിലർ കണ്ടവർക്ക് രോമാഞ്ചമുണ്ടായി എന്നാണ് പറയുന്നത്. വളരെ വൈകാരികമായിരുന്നു ട്രെയിലർ, സിനിമയ്ക്കായി കാത്തിരിക്കാൻ വയ്യ എന്നാണ് ഒരാളുടെ കമന്റ.

സാം വർത്തിംഗ്ടൺ, സോ സാൽഡാന, സിഗോർണി വീവർ, സ്റ്റീഫൻ ലാങ്, കേറ്റ് വിൻസ്ലെറ്റ് എന്നിവരാണ് അവതാറിൽ കേന്ദ്ര കഥാപാത്രങ്ങളായി എത്തുന്നത്. നവിയുടെ കുടുംബത്തിന് നേരിടേണ്ടി വരുന്ന പുതിയ ഭീഷണിക്കെതിരെ പോരാടാൻ ജേക്ക് സുള്ളിയെയും നെയ്തിരിയെയും തയ്യാറെടുക്കുന്നതാണ് പുതിയ സിനിമയുടെ ഇതിവൃത്തം. ചിത്രം ഡിസംബർ 19 ന് തിയേറ്ററുകളിലെത്തും.