അവളുടെ ഇഷ്ടമില്ലാതെ ഞാനൊന്നും ചെയ്യില്ല, ടെയിലർ സ്വിഫ്റ്റിനെ കുറിച്ച് ട്രാവിസ് കെൽസ

Authored by: അശ്വിനി പി|Samayam Malayalam•2 Aug 2025, 5:44 pm

സോഷ്യൽമീഡിയയും ഹോളിവുഡ് ഇന്ഡസ്ട്രിയും ഏറ്റവും കൂടുതൽ ചർച്ച ചെയ്ത സെലിബ്രിറ്റികൾ ആണ് ട്രാവിസ് കെൽസും ടെയ്‌ലർ സ്വിഫ്റ്റും. ഗോസിപ്പുകൾ ഇരുവരെക്കുറിച്ചും പ്രചരിക്കുമ്പോളും കാര്യങ്ങൾ രഹസ്യമായി സൂക്ഷിക്കാൻ ഇരുവരും ഏറെ ശ്രദ്ധിക്കാറുണ്ട്. റോബ് ഷൂട്ടറുടെ #ShuterScoop-ൽ നിന്നുള്ള ഒരു പുതിയ റിപ്പോർട്ട് അനുസരിച്ച്, ഇൻസ്റ്റാഗ്രാമിൽ തങ്ങൾ ഒരുമിച്ചുള്ള ഫോട്ടോകൾ പങ്കിടുന്നതിന് മുമ്പ് കെൽസ് സ്വിഫ്റ്റിന്റെ അനുമതി തേടിയെന്നാണ്. അതിനുകാരണം മറ്റൊന്നുമല്ല, ആരാണെങ്കിലും പരസ്പരം പുലർത്തുന്ന പരസ്പര ബഹുമാനം തന്നെയാണ്. “അവൾക്ക് 100% ഇഷ്ടമില്ലാത്ത ഒന്നും പോസ്റ്റ് ചെയ്യാൻ ഞാൻ ആഗ്രഹിക്കുന്നില്ല. ഉറപ്പായും അവളുടെ സ്വകാര്യതയെ മാനിക്കുന്നു, എപ്പോഴും അങ്ങനെ തന്നെ ആയിരിക്കും. കെൽസെ പറഞ്ഞതായി റിപ്പോർട്ടുണ്ട്.

Also Read: മറ്റാരെക്കാളും ഞാൻ അവളെ സ്നേഹിച്ചിരുന്നു, കാരി ബ്രാഡ്ഷോ ഇനിയില്ല: ഇമോഷണലായി സാറ ജെസീക്ക പാർക്കർ

സോഷ്യൽ മീഡിയയിൽ എന്ത് പങ്കുവച്ചാലും പരസ്പരം ഇരുവരും അനുവാദം വാങ്ങുമെന്നാണ് ഏറ്റവും അടുത്ത വൃത്തങ്ങൾ നൽകുന്ന സൂചന. അതേസമയം 2023-ൽ ഡേറ്റിംഗ് ആരംഭിച്ചതിനുശേഷം കെൽസും സ്വിഫ്റ്റും തങ്ങളുടെ ഇൻസ്റ്റാഗ്രാമിൽ ഇത്തരമൊരു പോസ്റ്റ് പങ്കിടുന്നത് ഇതാദ്യമായാണ്. സ്വിഫ്റ്റ് സോഷ്യൽ മീഡിയയിൽ സജീവമാണ്. കുടുംബവുമൊത്തുള്ളഫോട്ടോകൾ പങ്കിടുന്നത് പതിവാണ്, അത്തരത്തിൽ പങ്കിട്ട ഒരു ചിത്രത്തിൽ, അവരുടെ ഫോൺ സ്‌ക്രീനുകളിലും പരസ്പരം ഉള്ള ചിത്രങ്ങൾ തന്നെയെന്ന് ആരാധകർ കണ്ടെത്തുകയും ചെയ്തു.


അവർ സ്വന്തം രീതിയിൽ കാര്യങ്ങൾ സ്വകാര്യമായി സൂക്ഷിച്ചിട്ടുണ്ടെങ്കിലും, ഇരുവരും ഡേറ്റിങ്ങിൽ എന്ന് ഹോളിവുഡിൽ പരസ്യമായ രഹസ്യമാണ്. കെൽസ് പക്ഷെ സ്വിഫ്റ്റിനേക്കാൾ കാര്യങ്ങൾ ഓപ്പൺ ആയി പങ്കുവയ്ക്കാൻ ആണ് ഇഷ്ടപ്പെടുന്നത്. അതുകൊണ്ടുതന്നെ തങ്ങളുടെ ബന്ധം പുറം ലോകം അറിയുനന്നതിൽ വിരോധമില്ല. അത്തരത്തിൽ പങ്കുവച്ച ഫോട്ടോ ഒരുപക്ഷേ ഇവരുടെ ബന്ധം കൂടുതൽ ദൃഢമെന്ന് കാണിക്കാൻ വേണ്ടി കെൽസ് ആഗ്രഹത്തോടെ പങ്കുവച്ചതായിരിക്കാം എന്നും റിപ്പോർട്ടുകൾ ഉണ്ട്.