അവളുടെ ചുണ്ടുകൾ എനിക്ക് ഭയങ്കര ഇഷ്ടമാണ്; ആദ്യമായി നൂറയെ കണ്ടതിനെ കുറിച്ചും പ്രണയത്തെ കുറിച്ചും ആദില

Authored by: അശ്വിനി പി|Samayam Malayalam•14 Aug 2025, 7:30 pm

ബിഗ് ബോസ് മലയാളം സീസൺ 7 ആവേശത്തോടെ മുന്നേറുകയാണ്. ഏഴിന്റെ പണി എന്ന് പറഞ്ഞാൽ അസ്സലൊരു പതിനാലിന്റെ പണി തന്നെയാണ് ബിഗ് ബോസ് ഇത്തവണ മത്സരാർത്ഥികൾക്ക് നൽകിക്കൊണ്ടിരിയ്ക്കുന്നത്. ടാസ്കുകളിലും മത്സരാർത്ഥികളിലും വലിയ പുതുമ ഇല്ലെങ്കിലും, ബിഗ് ബോസിന്റെ പണികൾ തീർത്തും വ്യത്യസ്തവും ത്രില്ലിങുമാണ്.

സെൽഫ് ഇൻട്രൊഡക്ഷൻ ടാസ്കിലും വ്യത്യസ്തയുണ്ട്. വെറുതേ വന്നിരുന്ന് എല്ലാം പറയുകയല്ല, ബിഗ് ബോസ് പറയുന്ന കാര്യങ്ങളെ കുറിച്ച് പറഞ്ഞാൽ മതി. കുട്ടിക്കാലം, അച്ഛൻ, അമ്മ, പ്രണയം, പ്രൊഫഷൻ എന്നിങ്ങനെ ബിഗ് ബോസ് നൽകുന്ന ടോപ്പിക്കുകളിലാണ് സംസാരിക്കേണ്ടത്. വരുന്ന മത്സരാർത്ഥികളുടെ ബാക്ക്ഗ്രൗണ്ട് മനസ്സിലാക്കി, അതിനനുസരിച്ചാണ് ടോപിക് നൽകുന്നത് എന്നതും പ്രത്യേകതയാണ്.

Also Read: കൂലി സിനിമയ്ക്ക് രജനികാന്ത് വാങ്ങിയ പ്രതിഫലം 200 കോടി, സൗബിൻ ഷഹീറിന് എത്ര കോടി? താരങ്ങളുടെ ഞെട്ടിക്കുന്ന പ്രതിഫലം

അങ്ങനെ ഇന്നത്തെ ഇപ്പിസോഡിൽ സെൽഫ് ഇൻട്രൊഡക്ഷൻ നൽകാൻ പോകുന്നത് ആദില- നൂറ കപ്പിൾസിലെ ആദിലയാണ്. ആദിലയ്ക്ക് നൽകിയിരിക്കുന്ന വിഷയം, പ്രണയം. മലയാളികൾ ഏറ്റവും അധികം കേൾക്കാൻ കാത്തിരിയ്ക്കുന്ന ഒരു ടോപിക് തന്നെയാണ് അത്. വളരെ അധികം ബ്ലഷ് ചെയ്ത് ആദില ആ പ്രണയം പറയുന്നതും, അത് കേൾക്കുന്ന നൂറ നാണത്താൽ മുഖം പൊത്തുന്നതുമായ പുതിയ പ്രമോ ആണ് ഏറ്റവുമൊടുവിൽ ബിഗ് ബോസ് പുറത്തുവിട്ടിരിയ്ക്കുന്നത്.

Also Read: അവന്റെ മരണം എന്നേ കുറേക്കൂടി ശക്തനാക്കുകയാണ്! അവനല്പം ശ്രദ്ധക്കുറവ് കാണിച്ചതും അതുകൊണ്ടാകാം; നിയാസ് കുറിക്കുന്നു

നൂറ ആദ്യമായി ക്ലാസിലേക്ക് തട്ടമൊക്കെയിട്ട് കടന്ന് വരുമ്പോൾ തന്നെ ആ മൊഞ്ചത്തിക്കുട്ടിയെ ആദില ശ്രദ്ധിച്ചിരുന്നു. അവളുടെ ചുണ്ടുകൾ എനിക്ക് ഭയങ്കര ഇഷ്ടമാണ്, അങ്ങനെ ചുണ്ടുകളുള്ള ആളുകളെ ഞാൻ ടിവിയിലേ കണ്ടിട്ടുള്ളൂ. അങ്ങനെ ഒരാളെ നേരിട്ട് കണ്ടപ്പോൾ എനിക്ക് ഭയങ്കര അട്രാക്ഷൻ തോന്നി. ഞാനും നീയും ഒരു ആണും പെണ്ണും ആയിരുന്നെങ്കിൽ നമുക്ക് എന്ത് എളുപ്പമായിരുന്നു അല്ലേ കല്യാണം കഴിക്കാൻ എന്ന് ഞാൻ പറഞ്ഞു. അവിടെയാണ് പ്രണയം തുടങ്ങിയത്


എന്റെ സൈഡ് പ്രശ്നം ഇല്ലായിരുന്നു. നൂറയുടെ സൈഡിൽ പ്രശ്നങ്ങളും കാര്യങ്ങളുമൊക്കെയായപ്പോൾ അവസാനം ഞങ്ങൾ... എന്ന് ആദില പറഞ്ഞ് പൂർത്തിയാക്കും മുൻപേ പ്രമോ അവസാനിച്ചു. വാർത്തകളിലൂടെയും മറ്റും അറിഞ്ഞ ആദില - നൂറ പ്രണയ കഥ ബിഗ് ബോസ് പ്രേക്ഷകർക്ക് അവരിൽ നിന്ന് തന്നെ നേരിട്ട് അറിയാനുള്ള ഒരു അവസരം കൂടെയാണ് ഇന്നത്തെ എപ്പിസോഡ്. വലിയ സ്വീകരണമാണ് ആ ഒരു പ്രമോയ്ക്ക് ഇപ്പോൾ കിട്ടിക്കൊണ്ടിരിയ്ക്കുന്നത്.