അവൾ രചന എന്നറിയപ്പെടും! ഇതിൽ പരം ഒരു ആനന്ദം എന്താണ്‌ എനിക്കിനി വേണ്ടത്! ഒരു പുതുജീവൻ; ആ ജീവന് എന്റെ പേര്

അപ്രതീക്ഷിതമായി വന്നുചേർന്ന സന്തോഷത്തെ കുറിച്ച് നടി രചന നാരായണൻകുട്ടി. ഗായികയും നർത്തകിയും നടിയും ഒക്കെയായ രചന സമ്പൂർണ്ണ ഭക്തകൂടിയാണ്. തന്റെ ഈശ്വര വിശ്വാസത്തിന്റെ തീവ്രതയെക്കുറിച്ച് പലപ്പോഴും രചന വാചാലയായിട്ടുണ്ട്. ഇക്കഴിഞ്ഞ ദിവസം തന്നിലേക്ക് വന്നു ചേർന്ന ഒരു ഭാഗ്യം സന്തോഷം അല്ലെങ്കിൽ ഈശ്വര നിയോഗം ഇതിനെക്കുറിച്ചു സംസാരിക്കുകയാണ് രചന.
രചനയുടെ വാക്കുകൾ

ഗോകുലത്തിൽ “രചന” പിറന്നു. ഇക്കഴിഞ്ഞ ദിവസം ബേക്കൽ ഗോകുലം ഗോശാലയിൽ ഞാനും ശിഷ്യരും മോൺസൂൺ അനുരാഗ എന്ന നൃത്ത കാവ്യം അവതരിപ്പിച്ചപ്പോൾ, അനുഗ്രഹമായി നേരിയ ഒരു ചാറ്റൽ മഴ പെയ്യിച്ച് പ്രകൃതി ഞങ്ങളെ നനവോടെ സ്നേഹിച്ചു. എന്നാൽ അതിലും വലിയ ഒരു അനുഗ്രഹമായി ഒന്നുണ്ടായി. .. വൈശാഖ നടനം കഴിഞ്ഞ അന്ന് അവതരണം കഴിഞ്ഞു വീട്ടിലെത്തിയ എന്നെ ഗോശാലയിലെ വിഷ്ണുജി വിളിച്ചു പറഞ്ഞത് “നിങ്ങൾ പോയി കുറച്ച് കഴിഞ്ഞപ്പോൾ ഗോശാലയിൽ ഒരു പൈകിടാവ് പിറന്നു. അവൾ പിറന്ന ഉടനെ ചെറിയ ഒരു മഴയും പെയ്തു. അപ്പൊ പിന്നെ ഒന്നും നോക്കിയില്ല അവൾക്ക് “രചന” എന്നു തന്നെ പേരിട്ടു!

ALSO READ: പ്രണയം ഇപ്പോൾ പറയാനാകില്ല! ഒറ്റപ്പെടൽ തോന്നിയാൽ അപ്പോൾ വിവാഹം; നൂൽ പാലത്തിലൂടെയാണ് ഇപ്പോൾ ജീവിതം; രേണു
ഇതിൽ പരം ഒരു ആനന്ദം എന്താണ്‌ എനിക്കിനി വേണ്ടത്. .. ഒരു പുതുജീവൻ. .. ആ ജീവന് ഈ കലാകാരിയുടെ പേര്. ..

ഭാരതീയ സംസ്ക്കാരത്തിൽ, പശുവിനെ (ഗോമാതാവ്) മാതൃത്വത്തിന്റെയും പോഷണത്തിന്റെയും നിസ്വാർത്ഥ ദാനത്തിന്റെയും പ്രതീകമായി ആരാധിക്കുന്നു എന്നു നമ്മുക്കറിയാം. പ്രകൃതിയെ തന്നെ പരിപോഷിപ്പിക്കുന്നതിൽ പ്രധാന പങ്കാണ് ഈ ഉദാത്ത ജന്മത്തിനുള്ളത്. ഭൂമിയുടെ സത്തയെ ഇത്രത്തോളം ഉൾകൊള്ളുന്ന മറ്റൊരു ജീവൻ ഉണ്ടോ എന്നറിയില്ല. സമൃദ്ധിയെ പ്രതിനിധീകരിക്കുന്ന ഗോമാതാവിന് ഈ എളിയവളുടെ പേര് നൽകുക എന്നത് എന്റെ കലാ ജീവിതത്തിന്റെയും അതുപോലെ പ്രകൃതിയുടെ പവിത്രമായ താളത്തിന്റേയും സാമന്വയം ആയി മാറിയ പോലെ. ..

കല, പ്രകൃതി, ജീവൻ എന്നിവയെല്ലാം പരസ്പരപൂരകങ്ങൾ ആണെന്ന എന്റെ വിശ്വാസത്തെ ഈ അനുഭവം വീണ്ടും ഊട്ടിയുറപ്പിക്കുകയാണ്!

മറിമായം എന്ന ഷോയിലൂടെയാണ് രചന പ്രേക്ഷക ശ്രദ്ധ നേടിയയത്. തൃശ്ശൂര്‍ സ്ലാഗില്‍ പടെ പടെ എന്ന സംസാരവും, മുഖഭാവങ്ങളും വളരെ പെട്ടന്ന് പ്രക്ഷേകര്‍ ഇഷ്ടപ്പെടട്തുകൊണ്ട് തന്നെ സിനിമയിലേക്കുള്ള തുടക്കം അത്ര പ്രയാസമായിരുന്നില്ല. ആമേന്‍ ചിത്രത്തിലെ രചനയുടെ ഡയലോഗ് ഇന്നും പോപ്പുലർ ആണ്.

സഹതാര വേഷങ്ങളിലൂടെയും നായികാ വേഷങ്ങളിലൂടെയും മലയാള സിനിമയില്‍ തന്റേതായ ഇടം കണ്ടെത്തിയ രചന, താരസംഘടനയായിരുന്ന അമ്മയുടെ എക്‌സിക്യുട്ടീവ് അംഗം എന്ന നിലയിലും ശ്രദ്ധേയയായിരുന്നു. അഭിനേത്രി എന്നതിനപ്പുറം നര്‍ത്തകി എന്ന നിലയിലാണ് ഇപ്പോള്‍ കൂടുതലും രചന സജീവമാവുന്നത്.